ادخل بالموضوع على طول
انا موظفة دوامي من الساعة 8 ـ الى الساعة 3 العصر
انا بنتي عمرها الحين 10 اشهر … وكانت ولاتي قيصريه … من اول يوم ولدت فيه وانا مسلمه بنتي للشغاله لاني ماني قادره ارفعها من السرير لما ابغى ارضعها وطبعا صدري ناشف فكانت ترضع صناعي والشغاله تمسك الرضاعه عني
لما خلصت الاربعين .. داومت .. وصارت البنت تنام مع الشغاله خصوصا ان نومها كان معكوس تنام النهار وتصحى بالليل وانا بصراحة مرتاحه من هالوضع اني اضمن وانا بالدوام ان البنت نايمة ما تزعج الشغاله وتخليها تسوي لها شئ يضرها
احس بنتي متعلقه بالشغاله مرررره … ومرتاحه معها
هل انا مقصره في حق بنتي .. يعني مع الوقت هل بتحن علي بنتي .. خصوصا انها لما تبغى تنام ما تنام معي .. الحين تعودت تمسك رضاعتها لوحدها وتنام لا في حضني ولا حضن الشغاله .. بس طبعا تفضل الشغاله علي
بإختصار انا صايره في نظرها حقت لعب وسوالف اما اذا بغت تاكل ولا تنام تروح للشغاله
فيه ناس يقولون خليها تحس بالحنان حتى لو مع الشغاله اهم شئ ما تفقد الحنان والطفل مهما كان مرجعه لأمه !!!
وناس تقول اتركي شغلك بيت الزم عليك !!
ابغى اعرف .. اللي جربت تحط عيالها عند الشغاله .. هل صارت فيهم حالات نفسيه وعصبيه ؟؟
وهل واجبي كأم يحتم علي اترك شغلي واجلس مع عيالي ؟؟
اختي والله حرام عليج كيف تتركين بنتج مع شغاله والله لو الموت لو اكون شوه مريضه مستحيل اخاليها مع الخدامه بس الله يهديج والله وانا اقرا خنقتني العبره كيف تخلين بنتج عنها تنام حراو والله خلي الشغل وهتمي في عيالج والله ماحد بينفعج
اسمحلي بس والله لي تسوينه غلط واكبر غلط
اسمحيلي اقولج قلبج من حجر …
انا يوم اشوف ولدي حمود الي عمرة سنتين والي 24 ساعه وياي وين ما اسير ما اخليه ويا الخدامة بس الخدامة لتبديل الملابس وتشوفه يوم يلعب برع .. يوم اشوفه يصيح يباها اتقطع واغار يوم يقولي ابا الخدامة تاكلني ولا تلعب وياي …
جوري انا ما اصدق الكلام الي تقولينه وينه زوجج عن الي قاعد يصير .. لو انا سويت هالشي زوجي بيذبحني …
وبعدين فكري مصير الخدامه تسير بلادها والبنت بتحس ان شي اختفى في حياتها كانج تفصلينها عن امها …
حبيبتي الام مب الي تولد وبس الام الي تربي وتكبر وتعطي اكبر قدر من الحنان ….
انا استانس يوم عيالي ما يشوفوني ويصيحون احس ان لي وجود كبير في حياتهم …
لكن اختي حبيبتي لا تضلمين بنتج على حساب شغلج الي فالنهاية ما بتستفيدين منه شي .. ربج بيحاسبج على بنتج قبل شغلج … فكري فالاخرة ..
واتمنى من الله ان يهديج .. قعدي فكري بينج وبين نفسج بتشوفين وبتصيحين على ال10 شهور الي طافوا من عمر بنتج ونامت في حضن الخدامة بدل لا تنام في حضنج … ياربي ما اتخيل يمر يوم وبنتي ما تنام في حضني …
اختي ابا اكتب واكتب .. من كثر الكلام الي عندي احس اني ابا ادخل بيتكم واضربج …
لكن خليها على الله ..
اذا انتي خنقتك العبره انا وش اسوي
وهلا فيك " بجعة "
ومن جد كلامكم اثر فيني بس انا بحاجة شغلي …. يعني ابغى حل اخلي بنتي في حضني وما اخسر وظيفتي
قبل كنت احس ان الضيقة اللي احس فيها بسبب بنتي مجرد وساوس من حبي لها .. لكن اثبتو لي اني فعلا غلطانه
بس وش الحل ؟
والشغل ..اذا زوجج مقتدر وموفرلج كل شي طلعي منه ما تبينه وما تبين خيرة وشرة ..
نصيحتي لج والله بتدعيلي عقب ما تشوفين الدنيا حلوة يوم تربين بنتج على ايدينج وبطريقتج …
يا أختي ممكن تحلي مشكلتك تمشي الشغالة وتجلسي في البيت بنتك أولى بك …
ما في شيء اسمه خليها تاخذ الحنان من أي أحد والطفل ما مرده لأمه …
هل الأم بالولادة؟!
الأم بالتربية حبيبتي …
عنوانك وضح إنك متأكدة إن هذا خطا … وبنتك أصبحت بنت الشغالة .. ترضعها وتنيمها وتعتني بها وأنت كأنك حاضنة تمسكيها علشان الشغالة تخلص شوية شغل …
بكرة أول ما تنطق وتقول ماما لن تقولها لك … ستقولها للشغالة … لأنها تحمل معنى الأمومة (ماما)
وتلك الأمومة اكتسبتها من الشغالة وأنت مجرد ممول أو زائر !!
ممكن حل لكن نتائجه ضعيفة جدا وبطيئة … إن من وقت رجوعك من العمل لغاية ما تنام تكون معاك وما تشوف الشغالة …
يعني أنت تاكليها وتغيري لها وتحمميها وتأخذيها للملاهي ….
وخليها تنام معاك …
ولو أن في هذا السن البنت تكون معاك أفضل حل أفضل حل … أختي الجنة تحت أقدام الأمهات ليس فقط بالولادة … بالتربية والسهر والتعب والرضاعة وكل شيء … ولا تتكاسلي أكثر ولا تدعي المادة تنسيك ابنتك فتنساك هي بعد زمن وقت تحتاجين لها
فإن بلغ بك العمر عتيا … لن تجديها هي من تحمل إليك كوب الماء … أو تطعمك .. أو تغير لك ملابسك فنحن جميعا نعرف ما يصيب كبار السن فلا يستطيعون الذهاب للحمام – أعزك الله – تخيلي وقتها وأنت تغير لك ممرضة أو خادمة ؟؟
هل ستسطيعين القول لها كنت أغير لك وقت كنت رضيعة؟ ستقوزل لك الخادمة من كانت تقوم على شيئوني وخادمة هي من تقولم على شئونك !!
أختي ازرعي ورد تحصدي ورد … تزرعي شوك لن تحصدي إلا الشوك …
::يالله حرام عليج 10 شهــور::
🙁
::وانا مع كلامـ الأخوات..في كل كلمه وكل حرف::
::ممكن تعتمدين على الخدامه في شي بسيط يعني تراقبها لمن تلعب براا أو أوقات الصلاه..بس مو لهالدرجه..ترقد معااها<<<<<<<هذي صدمتني الصرااحه:::confused:
::وعورني قلبي::
🙁
::وأكيد فيه حل بس يمكن تشوفينه صعب عليج !! بس هو اللي رااح يحل كل شي..((اتركي وظيفتج)) وتفرغي لزوجج بالاول وعيالج::
::واهتمي ببنتج..رااااح تتعبين وااايد لانج ماتعودتي بالبدايه بس ماعليه تحملي..كل شي صاار بيدج وانهيه بعد بيدج::
::واذا استدعى الأمر ممكن تسفرين الخادمه..بس مش من البدايه لاااااا يوم تتعود البنت عليج وتنسى الخدامه عقب سفريهاا عشان بنتج ماتتأثر::
::وان شالله تنحل مشكلتج..واسمحيلنا يالغاليه..يمكن زودنا عليج بالكلاامـ.. بس شنسوي نشوف اللي يصير معاج ونسكت:::angry:
::وبشريناا عنج::
:yes:
::فمان الله::
:Zd_bye_3:
كلكم اجتمعتو على اني اترك الوظيفه
معناها ان كل الحريم يقعدون في البيت ويتفرغون لأولادهم !!
 |
اقتباس |  |
 |
| إن من وقت رجوعك من العمل لغاية ما تنام تكون معاك وما تشوف الشغالة …
يعني أنت تاكليها وتغيري لها وتحمميها وتأخذيها للملاهي …. |
||
 |
 |
احاول قد ما اقدر اني اجلس معاها .. بس ساعات اكسل لما اشوفها تلعب وما تسأل فيني
من جد احس اني لازم ارجع اعيد حساباتي والتفت لبيتي وعيالي .. بس للاسف ما اقدر اترك الشغل 
العيب فيج إنت
فترة الشغل فترة صباحية يعني مش 24 ساعة
تقدرين تسوين شغلات وااااايد لبنتج بعد ما تردين من الدواام
اتحركي يا أختي و استغلي فترة ما بعد الدوام
بعد ما تردين استلميإنت بنتج ولا تخلينها عند الخدامة
بدلي عنها …. رضعيها… أكليها …. صح بتلاقين صعوبة أول شي بس بعدين بتتعود عليج
أما بخصوص النوم في البداية بتلاااقين صعوووووبه تنوميها عندج
فأنا أشوف أن في البداية تحاولين تنوميها في الفترة الصباحية يعني بعد ما تردين من الدوام
وبعد ما تتعود تحاولين تنوميها وياج بالليل
أدري بتلااااقين صعوووبه واااايد في البداية
بس يا أختي
بنتج محرووومه منج ومحروووووومه من حناانج
عطيها حقها من ألحين لا تحرمج منه واهيه كبيرة
السلام عليكم و رحمة الله و بركاته
إسمحيلي أختي…بس المشكلة مش في الشغل…نص السيدات و الأمهات يشتغلوا…المشكلة عندك في التضحية و تنظيم وقتك…
كيف البنت تنام مع الشغالة…تعرفي إنه بنتك أكثر من مرة تصحى بالليل و تدوّر على أحد تحضنه…وقتها ما تلاقي غير الشغالة !
طيب أنا مثلك…و والدة بقيصرية…و كنت أول أيام بعد العملية أموت من العذاب علشان أتحرك من السرير و أرضع البنت…و مع إني كنت في بيت أهلي…لكن ما كنت أخلّي أحد يلمس البنت…أقول لهم هذه بتي أنا…ضحّيت علشانها كتيــــــــر…
و رحت أخذت 3 شهور من غير راتب من الشغل …علشان لما أتركها تكون قدرت تاكل…
و فعلا تركتها عند أمي…و كنت آجي لها ساعة الرضاعة من آخر الدنيا في نص الدوام علشان ما تفتقدني…و ذلك لأني ما كنت أقدر أترك الشغل فعلا…
و لما كبرت شويه دخلت حضانة…و صارت تتعلم و تفكّر و تلعب كل يوم…و ترجع من الحضانة على معاد رجوعي…تظل معي باقي اليوم ما أفارقها…ما أتركها أبدا تنام في حضن غير حضني…
لن أقول لك إني ما أعتبر مقصرة…بالعكس دايما كنت أعتبر نفسي مقصرة معاها…بالذات لما أشوف عيال صديقاتي اللي ما يشتغلوا كيف طول اليوم معاهم ما يفارقوهم…لكن هذا الإحساس كان يدفعني لمزيد من العطاء…
الموضوع محتاج منك ترتيب أولويات…و تنظيم وقتك بصورة أكبر…خصوصا إنه بنتك وصلت لمرحلة رح تبدأ تفهم فيها اللي حواليها و تتعلق فيهم…و تحب و تكره…
و الله يوفقك أختي…