خواتي كل عام وانتن بخير
انا بدخل في صلب الموضوع عشان ما اثقل عليكم
بصراحه انا محتاجه مساعدتكم عشان امي مب عشاني
انا كل ما اروح عندهاوافتح الها موضوع الجمال وعن الخلطات الموجوده بموقع عروس تطلب مني خلطه لليد والرجل
كل مره تقولي ابي شي يبيض الايد والرجل وفي نفس الوقت يخفي العروق من اليد
بصراحه هي مو من النوع الي ممكن تهتم وايد في هالسوالف هذي
يعني اذا جبتلها مقشر وكريمات متنوعه ماراح تستخدمها بشكل يومي ودايما
هي محتاجه خلطه على الاقل تحطها بالليل وتنام فيها وتغسله الصبح
وكل ما افتح الها هالسوالف هذي تقولي انا ودي ايدي تكون مثل فلانه(تقصد وحده من صديقاتها)
واهي ما تحب تسالها
عاد صديقتها حنطاويه لكن ايديها ورجلها بيضا والشرايين مب مبينه
اما امي لونها ابيض لكن من كثرة الشغل صارت لون ايديها اغمض عن لونها الطبيعي
وانا بصراحه قلت الها راح اسال العرايس الي بالنت واحضر لج خلطه بنفسي تفيدج بس بشرط تستمرين عليها
عاد ودي ما تخذلوني جدامها
وربي يوفقكن ان شا ءالله ويستر عليكن
ويخلي الكم امهاتكن يارب
خلاص اختي بسير اسوي بحث وبرد عليج
\
تاخذ ملعقه صغيره من كل واحد فيهم وتمزجهم بنص فنجان من الماي الدافي وتوزع الخليط على ايدها الى ان يجف وبتشوف البياض والنعومه بس ما تنساني بالدعاء…
بس بعد ابا خلطات لا تبخلون علي
بسمـ اللهـ الرحمنـ الرحيمـ
اختي انا قريت موضوع عن اخفاء العروق بس نسيت وين … انشالله بدوره لج و بقولج عنه بأقرب وقت ممكن
لكن مستحيييييل نخذلج
-=.-* بنتـــــــــــوتــه *-.=-
اولا الله يحفظها لك ويطول فى عمرها
وثانيا أتمنى انك اتجربى لها وصفة من وصفاتى الخاصه لليدين والقدمين
وهناك العديد منها وكلهم مجربين
ولاتنسى أن ظهور العروق على سطح البشرة دليل على رقة جلدها
وبذلك هى تحتاج لفيتامين هــ E وممكن تنصحيها بدهن البشرة يوميا
قبل النوم بعد الاستحمام بماء دافىء ثم دهن كل الجسم بزيت اللوز الحلو
او زيت فيتامين E خالص وهو متوفر بالصيدليات
لان الفيتامين يجدد خلايا البشره ويحافظ على سماكتها الطبيعيه
ويرطبها ويجنبها جفافها وتجعداتها وهو محفز ممتاز للايلاستين المحافظ
على مطاطيه الجلد ومع تقدمنا فى السن الايلاستين يقل انتاجه فى الجسم
وتبدأالبشرة فى الترقق وظهور الاوردة والعروق بشكل واضح
ومن ثم زحف التجاعيد على كل البشره
وزيت جنين القمح أيضا رائع اذا دهن به الجسم كل مساء
وهو غنى بالفيتامين أيضا
وفى حفظ الله ورعايته
مشكوره يا الغلا على الرد وانا بانتظارج
بنت عذاري
انا اشهد انج ما قصرتي وربي يوفقج ويستر عليج دنياواخره
مشكورات خواتي وجزاكن الله خير
الله يحفظ الوالده ويطول في عمرها فديتها تبي تتعدل
عن العروج انصحج بخل التفاح الطبيعي المخفف بماي الورد..
اما عن التبيض انشاءالله هل روابط تفيدج
وصفات(( للتــــبيض)) طبـــيعيه ( من روح البحــــرين )
خلطه للتبيض (( خلطه للصيف اتبرد وهي قاعده اتبيض))
اختج
روح البحرين