السلام عليكم
شحالكم خواتي عساكم بخيييير
الحمدلله ربيت الشهر اللي طاف فتاريخ 13- 10 ويبت سالم الله يحفظه لي يااااارب
لكن طلع فيه بوصفار الحمدلله على كل حال
ونسبته 10
بغيت أسألكم
كم نسبة البوصفار الطبيعية (( اليرقان )) في دم الأطفال الرضع !!!!!
وشو علاجه !!!!!
ويزاكم الله خير
انا الي اعرفه الطفل اذا صار فيه ابو صفار وكتشفوه وهو بالمستشفى مايطلعونه لانه لازم يحطونه تحت النور
وديه للمستشفى وخبريهم يخلوا عندهم ولا عادي تاخذيه للبيت؟؟
وعرضيه على الشمس لمدة 10 دقايق..
وديه للمستشفى وخبريهم يخلوا عندهم ولا عادي تاخذيه للبيت؟؟
وعرضيه على الشمس لمدة 10 دقايق..
لكن انا ولدي كان فيه وقت الي ولدته وكنت احطه بالشمس بالنهار وبالليل اخليه تحت النجفه ..وكنت اعطيه سكر نبات
ممتااز للصفار,والحمد لله ماطول وتشافا ,,,سوي مثل ماقلت لك ومايشوف شر الغالي
أنا ولدي بعد صاده أبو صفار بس كان 8 وطلعونا من المستشفى وعطونا بعد يومين نروح نفحص له نسبة أبو صفار
وكانت أيام صعبة وايد بالنسبة لي ماما نصحتني أعطيه ماي مذوب فيه نبات وماي الحندبان و (خيار الشمبر) هذا يشترونه من الحواج مادري شنو اسمه
عندكم كأنه مو متأكدة اللي يسمونه أخوانا المصرين ( عرق سوس )
بس انا قمت اعطيه بس ماي خفت أعطيه شي ثاني وأصلا كان كل نايم حتى حليب ما يشرب وايد
المهم رحت المستشفى عشان أشوف نسبة ابو صفار ما توقعت انصدمت انها زادت ل 9 وأقوم اصيح وحالة
قامت الدكتورة تنصحني أعطيه ماي الحندبان وخيار الشمبر مثل ما قالت لي ماما
وقالت لي بعد الدكتورة أفصخه ثيابه وحتى البامبرز وأعرضه للشمس الخفيف يعني أول ما تشرق الشمس او عند الغروب
وبعد قالت لي أعطيه حليب صناعي عشان غصب وحتى وهو نايم يشرب الحليب لنه اذا هو نايم ما راح يشرب مني
لكن أقدر ادخل المرضعة غصب وهو نايم ويشرب …
وعاد عطتني موعد لبعد 3 أيام ورحت البيت وانا مصممة اخلي ابو صفار ينزل يعني ينزل
لنه قالت لي الدكتورة اذا ما نزل بناخذه وبنخليه تحت الاشعة .. أنا عورني قلبي وذيك اليوم بس صياح
المهم قمت اعطيه خيار الشمبر هو شكله يشبه الدارسين بس أسود تكسرينه بالسكين وتنقعينه في شويه ماي
وتسوينه غليط وتعطينه بملعقة صغيرة ترا وايد مفيد قمت اعطيه واعرضه للشمس
رحت الموعد ونا على أعصابي واشوا الحمدلله نزل ابو صفار وهو بس ينزل خلاص ما يرد يرتفع
بس الصراحة نسيت هو كم النسبة الطبيعية لازم تكون بالضبط
واللي أذكره اذا كان 12 ياخذون الطفل عندهم .. اسم الله على ولدج أن شاءالله ما عليه شر
خلي بالج عليه الله يخليه ويحفظه ..
الحمد لله على سلاكتج وسلامة المولود
النسبه الطبيعيه لابو صفار 4 او 5
انى ولدت وعطونى ولدى وفيه نسبه بسيطه 8 وقالوا لى عقب يومين جيبيه
وديته الا انصدم انه فيه بنسبه 21 وقالوا لى لازم ناخده عندنا وضليت اصيح والكل يقول لى لازم يرقدونه مايصير
ويوم اللى رقدوه كل يوم الصبح يجون ياخدون منه دم ذبحوه بصراحه غير السيلان اللى فيده وانى من احد يجينى امى او خواتى او زوجى اقعد اصيح لاشعوريا بس الحمد لله كل يوم ينزل هذا اللى خفف على ويوم اللى صار نسبته 6 (اى عقب 5 ايام ) قلت للدكتور يرخصنى طبعا هو مارضى بس انى اصريت لان تعبت نفسيتى بالزور رخصنى عقب ماخلانى اوقع على اوراق انى اتحمل مسئولية اى شئ يصيد ولى بس الحمد لله مع الاستمرار فى اعطائه ماء الحندبان والحلوة الصبيعيه والتمر خف واجد …………….
ادرى طولت عليكم ,,,,,,,,,,,,,
ولدي صاده ابو صفار ومو شرط اخلونه في المستشفى اذا كانت النسبة قليلة
الشمس اللي بتعرضين الجاهل اتكون الصبح بداية شروق الشمس تخلينه من 5 الى 10 دقايق والشمس ها الحزة باردة بس احنا نحتاج اشعتها مو حرارتها
روحي الجمعيه اخدي ماء الحندبان وحب الحلوه اللي مثل الشعير انقعيه في ماي وكثري من الماي والرضاعه بس
هذا اللي سويته لو كنتين شفتي ولدي اتصيحين عليه ما يوتعي من النوم حتى لو اسبحه اكون امخدر
وانشالله ما عليه شر