مرحبا حبيباتي, حبيت اشارك بهذا الموضوع لجميع اللي ولدوا بالسلامه والف مبروووووك وعقبال الحوامل يارب, طبعاٌ الوحده بعد الاربعين يجيها احباط وكآبه والسبب الجسم المتبهدل والكرش آآآآآآآآآآآآه منه وهذا كله نتيجة التغيرات اثناء الحمل.
تعالوا نشوف كيف نهتم بجسمنا وشكلنا بعد الولادة عشان تطلعين جدام الناس ولا كانك حملتي وولدتي (بس ما أوصيكم اقروا على نفسكم المعوذات قبل لاتطلعون قدام الناس تراهم ما يقولون خير).
ابتدي بنفسي: انا لما شفت نفسي قلت خلاااااااص زوجي بياخذ الثانية والسبب الكرش والأرطال الزايدة في الجسم من كل صوب, وبعد السمار الغير طبيعي اللي كسبته من الحمل تعالوا شوفوا كيف عالجت المشكلة.
بس قبل هذا خلونا كلنا نحط تجاربنا عشان نفيد غيرنا من الحوامل واللي بعدهم ما طلعوا من الاربعين عشان ما يتعقدون مثلي هذي راح تكون هديتي للي ولدوا بالسلامة.
جدولي كالتالي:
أول شي سويت لي خلطة صابون خذتها من منتدى ثاني وجزاها الله خير صاحبة الخلطة لا يحضرني اسمها
• نص كوب من ماء البقدونس (يصفي البشرة)
• تبشرين صابونة غار
• اربع فناجين ماء ورد
• شوية نشا
• شوية كركم بس لاتكثرين منه (للتبييض)
• نص فنجان زيت لوز (يفتح الاماكن الغامقه)
• نص فنجان جلسرين (ينعم)
حطي ماء البقدونس على نار هادية مع ماء الورد واضيفي عليه الصابون وخليه يذوب في في الماء اذا تعقد عليكي الصابون جيبي مضرب البيض العادي واخلطيه لين ما يصبح كالكريمه. وبعدين اضيفي النشا والكركم وزيت اللوز والجلسرين وخلي الخليط يمتزج مع بعض وبعدها لما يدفا شوي اسكبيه في قوالب الثلج.
على فكرة لما يبرد الصابون بتحسينه خفيف كالفلين. انا استخدمته يوميا واحك جسمي بليفه مغربية وبتلاحظين الفرق بس بالمتابعة.
للتشققات الحمراء في الجسم :
طبعا هذي التشققات اذا اهملتيها راح تتحول الى اللون الأبيض وبعدين ما بتفتكين منها انا ادهنها بمزيج من خل التفاح مع زيت اللوز والحمدالله راااااااااحت ومالها رجعه باذن الله.
خلطة لتفتيح الوجة:
يوميا قبل النوم كنت اعصر بطاطس واضيف عليه بعض قطرات الليمون واحطه على وجهي مدة ساعة على الاقل وكل ما ينشف اضع طبقة ثانية.
الحمدالله رااااااااااح السواد اللي في وجهي ورقبتي بالأخص والكل لاحظ حتى زوجي سألني شو حطيتي على وجهك رجع احسن عن أول.
للإبط والأكواع والركب:
كثير منا تعاني من هالمشكلة وبعد الولادة المعاناة بتصير معانتين, عن نفسي استخدمت زجاجة جلسرين سائل وعصرت عليه ليمونه وحدة وادهن هذي الأماكن يوميا بعد الاستحمام من هذا الخليط ولين الحين استخدمه لانه النتيجه وايد حلوه.
واذا تذكرت الباقي راح اكتبه لاني بصراحه ما خليت شي لجسمي كل شي جربته.
اتمنى المشاركة من الجميع عشان الافادة واذا مب عشاني عشان اللي ولدوا والحوامل الله يسهل عليهم.[/color]
يعطيك العاافيه والله يعين هالحووامل
انا من الحين مستمره في العنايه بالبشره والجسم
لكن بزيد العنايه في الأربعين
حاطه في بالي اني استمر كل الماسكات اللي عندي من الهمالايا وماسكات الشوفان
بس ياريت المجربات يقولون لي :: حتى لو كنت اعتني ببشرتي ؟؟ لازم تتغير وتخترب بعد الولاده؟؟ ولا ممكن انها ما تأثر؟؟
ليييييييييييييييييييييييييييييييييش لما اشارك في موضوع ما ألاقي ردود لهدرجة مواضيعي مالها اهمية عندكم, معقولة كل اللي دخلوا مش متزوجين.؟؟؟؟؟؟؟؟؟؟؟؟؟؟؟؟؟؟؟؟؟؟
مشكورين على المرور والتطنيييييييييييييييش….
خبرينا
و اللي يرحم والديج
والله يعطيك العافيه حبيبتي وما قصرتيييييييييييييييييييي