تجاربكم في كوفيرات الشرقيه نفيد ونستفيد 2024.

هنا خلينا نكتب كل وحده وين تروح وايش تسوي..

مثلا احسن مكان سويتي فيه:

اهلين اختى

بالنسبه للمشاغل عندى باع طوووووووووووويل فيهم ..

انا من سكان الظهران .. واكثر المشاغل اللى اروحها فى الدمام ..

بالنسبه للحمام المغربى اسويهـ .. عند مشغل ملينيوم .. شغلهم مره جنااان

الاستشوار جربت استشوار مشغل ملينيوم يعنى مو لاهناكـ ..

مشغل انجاد كان عندهم وحده مصريه اسمها امل استشوارها رهيب .. يخلى شعرى شى ثانى

مشغل صبايا .. صبغت عندهم .. وطلع الصبغه خايسه والمشكله نفوسهم بعد خايسه ..

مشغل الاصابع الذهبيه اتوقع اسمه كذا .. ماعجبنى سويت خصل عندهم ..

مشغل رزان .. استشوارهم صديقتى تقول حلو

مشغل فتون قصيت عندهم شى خيالى .. والبنوته اللى هناك الله يحفظها مره تجنن

مشغل الملكه .. الحف عندهم جناااان .. حتى الاستشوار ..

هذا اللى يحضرنى الحين .. ولما اتذكر برجع لكم ..

اما اشراقة العنود مكياجهم حلو بس اوفر وعلى قولة اللبنانيين محلهم عجأه يعني ادخلي الصبح واطلعي بالليل
ويمكن يفوتك العرس ماطلعتي بس ماعليهم لاتنسين تجيبين معك ترمس شاهي وسندوتشات عشان الانتظار

الفخامة مكياجهم بسيط وناعم ويصلح للبيض فقط موللبشرة الحنطية والسمرا والتسريحات تحتاج ابداع عندهم نجوى تقص ممكن يطلع منها اما امل مدري عنها

دار نجد كان زمان شغلهم راقي ومميز بالنسبة للتسريحات اما المكياج لبناني بس بعد ماطلعت منهم مرام سحبت كل الموظفات المتميزات معها

اللمسه الاخيره اسم وسمعه بس لاتتفاجئين اذا شفتي وحده تشبهك في العرس المكياج والتسريحات اغلبها متشابهه ومن النظرة الاولى تعرفين مكياجهم المشغل فخم وراقي وشغلهم حلو بس ماشفت صبغاتهم ولا ابي اجازف

مشغل شعاع تقريبا مثل اللمسة الاخيرة بصمتها معروفة ومكياجها مرة ناعم والصبغات على حسب علمي حلوة
التسريحات مره حلوه اما القص الله اعلم