بسم الله الرحمن الرحيم
السلام عليكم ورحمة الله وبركاته
خواتـــــــــــــــــي الفاضلات …
كيف حالكم جمعه مباركه على الجميع ان شاء الله …
بطلب منكم طلب قبل البدأ بقراءة تجاربي
هذه المره السابعه ولله الحمد بطرح الافكار المجربه …
ولكن هذه المرة الاولى عندي طلب قبل القراءة خواتي
في انسانه عزيزة حيـــــل حيـــــل على قلبي
تطلب منكم الدعاء ان الله يشافيها ويعافيها من مرضها
وايضا الدعاء لها ان الله يبعد عنها وسواس الخوف من الامراض
خواتي هذي العزيزه كل ما تمرض تمرض مرض عادي ولكن الوسواس يأثر عليها
بطريقه لا حول ولا قوة الا بالله وبالمعنى الطبي يسمى الوسواس القهري …
ادعوا لها عزيزاتي ربي يشافيها ويفرج عنها همها اللهم آمين …
نبتدي بعون لله تعالى ….
اولا ::::::::::::::::::::
الي عندها نافوره بالبيت سواء صغيره او كبيره
الي تشتغل بالكهرباء …
يللاااااااااااااااااااااا
خذي اي عطر يعجبك او ما تبينه وصبيه بالنافوره
مع اختلاطه بالماء والنافوره تشتغل بالبيت
تمتعي عزيزتي مو بس بصوت النافوره وتساقط الماء
لا ايــــضا بالرائحه الجميله الي تعم بمنزلك ….
عموما الي ودها تشتري نافوره ترى ما يكلفها شي
كثير من البنات يشترون مزيلات الروائح المنزليه والعبوات الي
ما تثبت رائحة عطره بالمنزل
لكن مع تجربتي هذي صدقيني النتيجه روعه لدرجة ان البيت
كله ريحته عطر xعطر
ثانيا ::::::::::::::::::::::
هذي الكلونيا تحصلينه بأكثر السوبرماركتات بالخليج او غيره
اسمه رفدور
وهذي الشراشف
بعد ما تغسلينه وينظف بالطريقه العاديه الي دائما تسوينها وقت الغسيل
املي ماء مره ثانيه بالغساله وخليها تدور كم دوره
ماء + الكلونيا ( قد الفنجان القهوه يكفي )
وبعد ما ينشف انشريه او حطيه بالجفافه
وتعالي شوفي ريحة الشرشف وقت ما تفرشينه على السرير
كشـــــــــــــــــــــــــــــــخه
مو بس الشرشف الا الغرفه كلها
عموما انا استخدمت هذي الكلونيا لسبب ما انه ما يبقع الشراشف حتى لو كانت بيضه
ولانه كلونيا فهو يناسب البشره
لاني لما اغسله اخر دوره ما اشطفه بالماء
يعني نفس طريقة الكمفورت تغسلينه وما يحتاج للشطف
والكلونيا كلش رخيص …………. يعني لو تداومين على هالطريقه ما تكلفك
شي ابد ….
والغرشه تكفيك لمدة شهرين لو تبين تغسلين كل اسبوع الشرشف
ثالثا :::::::::::::::::
غصب غصب غصب
ههههههههههههههههههه
اغصبي نفسك يا حلوه على الكشخه
حتى لو انتي بالبيت تعالي اقول لك كيف ؟؟؟
افتحي الدولاب
شيلي كل الملابس المريحه
الي كل اشوي املوعه كبد الرجال ( زوجك ) بيجامه +بيجامه + وان تبين تغيرين لبستي جلابيه
لاااااااااااااااااااااااااااااااا للربـــــــــــــــــــــــــاده
ادري فيكم تعبانين من شغل البيت حلاتي ههههههه
وادري بتقولين انظف وانا كاشخه !!!
وادري تقولين والله البيجامات اريح والجلابيات هم اريح
معلش كل شي بوقته حلو
المهم نرجع للدولاب شلتي كل ثيابك
حطي بداله ثياب الطلعات الي مخزنه عندك من سنة جدي
كل ما اروح لوحده تقول والله شغل البيت ما ادري متى بلبس واتكشخ
بالثياب الي شاريتهم والطلعات قليله من زود المسؤليات الي علينا بالبيت
طيب والرجال هذا ماله نصيب من الحلىىىىى الي خاشته للمناسبات
حطي بدل البيجامات بدل حلوه وانيقه بنطلونات جينز وان ما عندك عيال كبار
عاد هشكيها بالعاري فساتين القصيره والشورتات
طبعا الفكره انا راعيتها ههههههههههههه
قبل اربع شهور شلت كل البيجامات الي عندي والجلابيات وصرت البسها قليل مره
او بوقت الدوره علشان ما اكسر خاطر هالمسكين
اما الايام الثانيه
لا البس كل شي تنانير
جينزات وتشيرتات وفساتين حلوه والوانها مريحه
عموما انا ما سويت جذي الا علشان اجبر نفسي اني لازم اتكشخ لو غصب
والآن بعد مرور كل هالشهور
صارت عندي عاده مو غصب
يعني ما عدت اشتاق للملابس المريحه
وزوجي الحمدلله دايم يشوفني متكشخه بالبيت
حتى انا نفسيتي تغيرت كثير
ولما يطيح عيني على لبس جديد بأي محل اقول مو خساره
لاني البسه فما ابخل على نفسي ولا على زوجي انه يتمتع بإلي حلل ربي ….
جربوااااااااااااا وان شاء الله راح تشوفون نظرات الاعجاب تلحقكم من المطبخ الى الصاله
الين وقت النوم ههههههههههههه
رابعا ::::::::::::::::::::::::::
كثير منا يشتري كميه من الموز
لكن تخزينه متعب بعض الشئ
يعني هو مو نفس الفواكه الثانيه
الي راح يتم لك اسبوع طازج بالثلاجه
بقول لك انا طريقتي وان شاء الله تستفيدون
بالصيف …..
تاخذين كل خمس او ست نفس الصوره تلفينها بالقصدير
وتحطينه بالثلاجه وكل ما تبين منه تاخذين كميه وحده وتفتحينها
وتخلينها براااااا علشان العائله كلها تاكل
خلص عندك كميه ثانيه افتحي وخليه برااا وهكذا
ملاحظه لا اللون بيتغير بهذي الطريقه حتى لو هو بالثلاجه
ولا طعمه ابدا ما يتغير كأنك توك شاريته
بس اهم شي ما تفتحين القصدير الا ان تاكلون الكميه كلها
يعني ما يصلح انك كل اشوي تفتحين القصدير تاخذين حبه وتسكرينه
علشان لو دخل له الهواء كأنك ما سويتي شي
بالبرد …………….
نفس الطريقه ولكن بدل ما تحطينه بالثلاجه حطيه برااا
ولكن بدل القصدير لفيه فقط بورق النايلون الضاغط
اهم شي انك تختارين العدد المناسب من الموز للفه
علشان تكونين متأكده ان الموز لما تفتحينه راح ينوكل ما راح يتم كذا ويتغير لونه …
خامسا :::::::::::::::::::
عندك دفاتر مو مستخدمه
يعني ما فيها آثار للحبر والاقلام
تعالي اقول لك انا ايش اسوي فيه
انا كل ما اقلي بطاطس او اي شي مقلي
افرش عدد من اوراق الدفاتر على الصحن
وتعالي شوفي كيف يشفط الزيت من الاشياء المقليه
اما الدفاتر الي فيها حبر ومستخدمه
ارشه بعطر المفارش واخليه
كرمكم الله بالزباله واركب الكيس الاسود للنفايات
منها ان يعطر السله
ومها ان يشفط اي سائل ممكن ينزل من الكيس
ان شاء الله الفكره عجبتكم
سادسا :::::::::::::::::
ما تحبين تغسلين المواعين وانتي لابسه قفازات
تعالي اقول لك ايش تسوين ؟؟
اول شي اكيد لأنك ما تحبين تلبسين القفازات الخاصه للجلي
انك تعانين من تشقق اليد وجفافها و الحاله حاله
خلاص لا تشترين صابون السائل للغسيل
استغني عنه وانا عندي البديل الافضل لك
تعالي وراي وانتي مغمضه 😎
هذا هو الحل الامثل
صابون السائل لليدين ما فيه كيماويات ومواد ضاره بالجلد كثر الصابون الخاص للجلي
بتقولين ان بيكلفك كثير
اقول لك سلامتك يا عمري
بالعكس
روحي لآقرب محل وتعالي شوفي العلب الكبيره
شوفي الجالون هذا بذمتك ما راح توفرين
بتقولين ما ينظف الدهون ؟؟!!!
وانا اقول لك الااااااا ينظف ونص
والدليل تعالي اكلي اي شي مدهن بيدك ولما تغسلينه ينظف صح ؟؟
طيب وش المانع ان ما يغسل صحونك عدل !!
لاااااااااااااا وازيدك من الشعر بيت
انا استخدمه حتى للملابس السوده
للعبايه او لأي شي لونه اسود
ينظف ونفس الوقت ما يغير ابدا ابدا بلون
التجربه خير برهان
ولا تنسين ان يدينك من اليوم ورايح ما بتكون فيها تشققات
وان ما عجبتك الفكره هالله هالله بالقفازات والله يعينك هههههههه
سابعا :::::::::::::::::::::
شراشفك ما تتثبت على السرير وتتحرك وتزهقين من كثر ما تعدلين فيه
لا حتى نومتك مو مريحه وهي تحتك
تعالي اقول لك وش تسوين
بكل بساطه
اربطي عقد على كل زاويه من الشرشف
وادخليه من الزوايا بمفرش السرير المترس
وبكذا ما تتحرك لأن العقد راح تثبتها ….
ثامنا :::::::::::::::::
أكلتو بيض
لا تقطين القشر
انتي لما تبين تطبخين لا تكسرين البيض كله بس من تحت
وتعالي اقول لك ايش تسوين فيه
أغسليه ورجيه بالصابون وبعدها رشي عليه من البخاخ الي تكلمت عنه مرات عديده
بخاخ الكلوركس بتجاربي رقم 1
طبعا الرائحه بتزول بسرعه
واليوم الثاني استمتعي
بتلوينه انتي واطفالك
وخليهم يبهرونك بأبداعاتهم
وهالله هالله بمدحك لهم
حتى يكتسبون الثقه بنفسهم وانتي
مسؤله عن هذا الشئ ….
وهذي اشكال حلوه ممكن تطبقينها وقت اللعب والرسم معهم
عموما الي عيالها ما يحبون البيض
اغليه بالماء وبعدها
ممكن ترسم عليه هي بنفسها من غير ما يشوفون
واعملي لهم مفاجأه ان شاء الله يحبون هالطريقه وياكلونه
واوعديهم ان اكلوه راح تسمحين لهم مره ثانيه
انهم يساعدونك بتلوينه وتشكيله …
وهذا تشجيع لهم وبالمره ياكلون البيض لأنه له فوائد يكفي انه فيه البروتين …
…………………………………………
:::::::::::::::::::::::::::::::::::::
تم ولله الحمد تقديم خبراتي رقم 7
واتمنى تواصلكم ومشاركاتكم
الي ما لنا غنى عنها
تــــــــــــــــــــــــرانيم
يزاج الله الف خير..
دائماً مبدعه الله يحفظك
افكارك عجيبه ومفيده
الله يجزاك خير على افادتك الأكثر من رائعه
ماتقصرين دوم تتحفينا بدررك
الله يعطيك العافيه ويحفظك من العين
ما شاء الله عليكِ
افكار روعة
يعطيج العافية يالغالية
.
.
مـاشـاءالـله ربـة بـيت شـاطره,, 🙂
.
مشـكوره عـالخبرات ولـا هنـتي,,
.
.
ما شاء الله عليك
روووووووووووووعة كالعادة
و الله ضميري قام يانبني عشان سالفة الملابس انا من ولدت و انا ما البس الا اللي يريحني حتى لو كلن موشي لان مع الطفل ما ينفع
بس راح اسوي طريقتك عسان انجبر
شكرا لك
و الله يجزيك خير باولادك و زوجك امين
بصراحه ست بيت ماشاء الله عليكي بمعنى الكلمه
يعطيكي العافيه