الـسـلام عـلـيـكـم و رحـمـة الله و بـركـاتـه
موضوعي اللي بتكلم فيه عن بعض المنتجات اللي استخدمتها , بس في كم نقطة
حبيت اذكرها قبل لا ابدأ :
– ما أسوي دعايات للمنتجات 
– تقيمي للمنتجات تقييم شخصي , ماعجبتني و ممكن تعجب غيري و العكس 
الموضوع راح اقسمه على حسب المنتجات :
– الوجه
– الشفاه
– اليدين
– الجسم
– الاقدام
– الزيوت و الكريمات الطبيه
اتمنى من العضوات الحلوات عدم الرد عشان يكون الموضوع متسلسل
و ما تضيع الردود في الوسط . 
( الصور تم تجميعها من النت )
الـوجـه
* التنظيف :
صابونة كلينك : وايد ارتحت لها بس تمللت من استخدامها , تقريباً استخدمتها لمدة 4 سنوات ؟
وايد فادتني من ناحية تجفيف الدهون و التنظيف . 
صابونة دوف للبشرة الحساسة : امممم حسيتها عادية تمشي الحال 
بس وايد مريحة
للبشرة اللي تتحسس بسرعة لانها خفيفة و خالية من العطور .
صابونة بيودرما : البطلة 
للبشرة الحساسة روعة قليلة في حقها حالياً استخدمها
و ماظن بستدخم غيرها
* التقشير:
نيتروجينا : ماجربت تقشير غيره من فترة طويلة للوجه , لان احس حباته خفيفة
و موخشنة لبشرتي .
* التونيك:
التونيك ذي اهوه السبب في تغيير بشرتي من الدهنية الى المتخلطة " الحساسة " 
جداّ قوي و ينظف و يزيل الدهون بشكل رهيب , بس وايد وايد قوي .
تركت الكلنيك و بديت استعمل هالمنتج الخيالي لكل شي , للتنظيف و ازالة المكياج و كتونك !
رائع ما تحسست منه بشرتي و ينظف كل شي من مسحة وحدة ! 
* الترطيب:
جل الترطيب من كلنيك للبشرة الدهنية حبيته وايد , بس الفترة الاخيرة تغيرت بشرتي
من الدهنية لي المختلطة و الحساسة فكان يسبب لي مشاكل في منطقة الخد لين احطه
فتركته .
حالياً استخدم هالكريم لبشرة الوجه لكن احط منه نقطة صغيرة لان بشرتي تدهن منه بعد فترة
لكنه و الشي اللي ريحني اكثر انه غير معطر بشكل ان بشرتي تتحسس منه .
* واقي الشمس:
الصراحة نادر ما احط كريم الشمس لان كنت اكتفي بالحماية اللي تكون
في كريمات الاساس 
بس كريم فعال و مشهور و بسهر جداً مناسب
هالبطل لازم تجربونه للي بشرتها دهنية او مختلطة و حساسة , ترطيب رائع
و غير دهني ! ماعرف شلون اوصفه بس بطل
الجزء القادم عن الشفاه 
.
الشفاه
* الترطيب:
المرطب من بالمرز وااايد حلو , ترطيبه عجيب و ريحته اروع , بالنعناع و الكاكاو
جربت اللي على روز من فازلين , وايد احلى و اخف من الفازلين العادي لترطيب الشفايف ,
بس ساعات احس مع الوقت يجف ! عكس بالمرز اللي يتم الترطيب و ما يجف . . . 
* التقشير:
تقشير لاش جداً رائع و فكرته حلوة بعد ان عقب ما تخلصين تقشير مافي مانع تاكلين السكر 
بس طريقه ممكن عملها في البيت
الجزء القادم عن اليدين
.
اليدين
* الترطيب:
جربت دوف , و للاسف مع كثر الاستخدام قشر يدي و سبب لي جفاف .
فازلين لليدين ادمنته فترة و بعدين تركته , ماحبيت ملمسه على اليد , حسيت
انها تتلصق .
فحالياً استخدم كريمات الجسم لليد و التقشير بعد 
الجزء القادم عن الجسم
.
الجسم
* الصابون:
استخدمت انواع وايد منها الجافه و السائلة : مثل دوف و البابايا و الديتول و لوكس و ذي بودي شوب و سانت ايفز
بس اللي حالياً استخدمها و مرتاحه لها وايد صوابين لاش و دايماً اخذ ذي .
طبعاً هي مو موجودة في البحرين لكن احمل منها كميات لين اسافر
و اسمها honey i washed the kids , بالعسل 
* المقشر:
كاب المشهور حلو بس حار ! جربته مرة و صراحة ماودي اجربه مرة ثانية . 
سانت ايفز بالمشمش , روعه , يقشر و ينعم و ريحته تينن
جربت ملح الحليب بعد , خشن و يقشر بظمير لكن بعد حار على الجسم ماحبيت ريحته , حسيت انه نيدو
فارتاحيت للي على اللافندر
* الترطيب:
بشرتي جداً جافه فارتاح اكثر لزبدات الجسم من اللوشنات او الكريمات جربت نوعين من ذي بودي شوب
و بالمرز . و البطل بالمرز
و عندي بقايا اثار حبوب اشك انها خفت من استخدامي لزبدة الكاكاو 
الجزء القادم عن الأقدام
.
الأقدام
* الترطيب:
انا نادراً ما ابرد او احكها بالشفرات , دايماً احس ان بتطلع لي تشققات
و اثار , اكتفي اني ارطبها عدل و البس جرابات كل ما بين كم يوم .
استعمل يا جيليسولد الاحمر او كريم هملايا للأقدام .
الجزء القادم عن الزيوت و الكريمات الطبية
.
الزيوت و الكريمات الطبية
* الزيوت :
زيوت جونسون للترطيب بعد كل شور شي اساسي بالنسبة لي , و افضل النوع اللي على لافندر .
زيت اللوز ادهن فيه المناطق الداكنه و المناطق اللي فيها اثار حبوب .
* الكريمات الطبية:
الدوكين , احط نقطه بسيطة على اثر الحبوب فقط .
مقشر الرتن اي , ما استخدمه اللا نادر اذا كان اثر الحبه جداً داكن
* الكريمات الطبية استخدمتهم تحت وصفة طبيب جلدي .
.
و بجذي اكون خلصت الموضوع , اتمنى افدتكم لو بشي من تجاربي البسيطة
مع بعض المنتجات و اي اسوال او استفسار لا تترددون .
و اقول غالبيتها لان اتكلم عاللي اعرفه
مشكورة غاليتي على طرح الموضوع و شرح تجربتك
بانتظار جديدك
مشكوره عزيزتي .. ع الريفيو للمنتجآت الحلوه ..