تجاربي مع منتجات العناية بالبشرة + مشترياتي للعناية ببشرتي 2024.

مبدئيا انا بشرتي زي فصول السنة بمعنى انها في الاصل عادية لكن منطقة ال T زون متغيره بتغيير فصول السنة بالشتا تجف في الخريف والربيع تكون كويسة في الصيف تكون دهنية فا بتالي بكل مرحلة من فصول السنة بستخدم منتجات مختلفة عشان اواكب التغيير اللي في بشرتي

ابدأ باسم الله أحكيلكم عن تجاربي مع بعض الغسولات والتونرات

غسول دوف

الغسول دا استخدمه من اكتر من 10 سنوات بدون انقطاع واستخدامي ليه بيكون في فصل الشتا عشان هو فيه نسبه ترطيب ناعم اوي ومش بيدهنن خالص ورغوته ناعمة بحبه اوي

غسول وتونر اوبتمالز الاخضر

من افضل الغسولات والتونرات اللي استخدمتها وهو غسول خالي من الصابون وتونر خالي من الكحول بستخدمهم في فصل الربيع وبداية فصل الصيف لانهم خاصين بالبشرة الدهنية ناعمين جدا ومش بيعملو اي حساسية للبشرة واكيد في مطلع الصيف الجاي هستخدمه

غسول كلين اند كلير شاين كونترول

ممتاز على فكرة ودا اللي استخدمه بالوقت الحالي لان بشرتي دهنية بس خفيف عشان الدنيا بدأت تبرد ودا انسب غسول ليا في الوقت الحالي بستخدمه مرتين باليوم مره صبح ومره بليل وخلال اليوم مش بلاقي اي افرازات للدهون الحمدلله فا هو فعلا بيمنع اللمعان وبيتحكم في افرازات دهون البشرة بس هو مش ناسبني في الصيف لان انا بشرتي بتكون دهنية جدا وبالتالي مش عمل معايا مفعول كبير يمكن كان مفعولة بيمتد ساعة او ساعة ونص بالكتير عكس دلوقت بيفضل مفعولة طول اليوم

غسول كلين اند كلير عميق المفعول

مش بيعجبني بحسه زي الكريم تنضيفه مش حلو و كمان النعناع فيه بيحرق البشرة اوي وعمري ما افكر اكرره تاني

تونر كلين اند كلير

لو بأيدي والله ارفع عليهم قضيه بسبب التونر دا هههههههههههههه
التونر دا مثال للغش مكتوب عليه خالي من الكحول وهو اصلا عبارة عن كحول مركز دا انا اخاف استخدمه جمب النار لا اولع
زفت ووحش جدا جدا جدا جبته جربته مره ورميته فورا مش يستاهل مجرد التفكير فيه سواء الاحمر او الازرق منه

غسول مقشر من جونسون

حلو بس مش اوي يعني هو لا فادني ولا ضرني كان غسول عادي ومكونتش بعرف استخدمه بشكل يومي لان الحبوب اللي فيه بحسها قوية يعني كنت استخدمه مره كل يومين او 3 كا سكرب وهو عندي لحد دلوقت ومش بستخدمه لان عندي الافضل منه

غسول جونسون

عاااااااادي جدا ملمسه زي الشامبو تنضيف وبس لا بيمنع لمعان ولا بيدي ترطيب فا مش هكرره تاني

غسول نيتروجينا

زي جونسون بالظبط غسول عادي لا منه بيمنع اللمعان ولا منه بيرطب مجرد تنضيف وخلاص ومش هكرره تاني لانه عندي لحد دلوقت ومش عارفة اخلصه

تونر افون سولوشن البشرة الدهنية

حلو اوي بحب احطه بالتلاجه واستخدمه بعد ما اغسل وشي لكن هو فيه نسبه كحول بسيطة يعني بتاع اوبتمالز افضل منه لانه مفيهوش كحول خالص

صابونة دوف

حلوة بس مفعولها مش استمر معايا يعني استخدمتها فترة وبعدين حسيتها عادية ومفعولها راح

صابونة سموث فيس

دي الصابونة الوحييييييدة اللي نفعتني في الصيف كررتها مرتين ورا بعض
هي صابونة طبيه طبيعية 100% لما بغسل بيها وشي بستخدمها كا ماسك لمده 5 دقايق بعدين بغسلها بحس بشرتي مشدوده و فيها نضاره ومنورة وبتمنع اللمعان لفترة طويلة يعني 5 ساعات مثلا ودي الحاجة الوحيدة اللي مفعولها كان بيستمر معايا لكل الفترة دي بالصيف الرهيب بس طبعا انا مش ينفع استخدمها حاليا لانها هتجففلي بشرتي بسبب التغيرات في الجو لكن ان شاءالله هكررها تاني في شهور الصيف

تاني حاجة الماسكات الجاهزة

ماسك ايفا بي وايت

الماسك دا كويس اوي بس مش عارفة ليه لما بغسله بلاقي لمعة جليتر في وشي بفضل اغسل اغسل بحس وشي بيلمع بس هو حلو بصراحة

ماسك اوريفليم البرتقال والطماطم

البرتقال دا بيل اوف بيتشال حته واحده بينضف اوي
الطماطم دا حبيبي وهو من النوع الكلاي او طيني بيتحط ويتغسل بينور الوش جميل

الكلاي ماسك من افون

زي بتاع الطماطم من اوريفليم بس اقوى منه بحسه بيشد بشرتي مش بيخليها مترهله وتعبانة و بيقفل المسام وبينور الوش ممتاز بصراحة وبستخدمه مرتين في الاسبوع

السولفر ماسك من افون

دا زي البرتقال بتاع اوريفليم بس دا اقوى بردو لما بشده من على بشرتي بحسه قوي عن اوريفليم وبينضف بشكل اقوى وبيشيل الترسبات اللي في البشرة ودا بستخدبستخدمه لما بكون خارجة وبرجع للبيت بغسل وشي وبعدها الماسك كانوع من النضافة العميقة وبعدين التونر والمرطب

ماسك بلانت سبا بزيت الزيتون من افون

جبته في شهر 12 اللي فات يعني قرب على سنة ومش عارفة لازمته ايه استخدمته في كل فصول السنة هو المفروض مرطب لانه بزيت الزتون بس مش حبيته مش بيعمل حاجة وملوش اي تأثير عندي

الماسكات الطبيعية

بحب استخدم الزبادي باغلب الماسكات الطبيعية لانها خفيفة وبتدي اشراقة ونضارة للبشرة ودول افضل الماسكات اللي جربتها وكلها ممتازة بتقفل المسام بس طبعا بشكل مؤقت و بتنور الوش وبتخلي ملمس البشرة ناعم واحبهم على قلبي هو اولهم لان استخدمه صيف وشتا وفي كل بشرتي حتى تحت العين وترطيبة رائع جدا

ماسك الزبادي والخيار
ماسك الخميرة ولمون و الزبادي
ماسك النشا ومايه الورد
شرائح الطماطم

كريم ترطيب اصاله

كريم طبيعي مكون من زيت جنين قمح وزيت لوز و شمع عسل كويس اوي كاتغذية للبشرة وكنت استخدمه بليل

كريم وسائل اولاي للتفتيح

دا انا بستخدمه من سنين طويلة من ايام المدرسة هو وغسول دوف عمري ما غيرتهم ولا مليت منهم بحبه الكريم دا اوي وعلى فكرة السائل نفسه هو الكريم مفيش فرق بيدي نور للبشرة و ترطيبة خفيف مش دهني وملمسة زي الحرير ممتاز

كريم الليل اوبتمالز للتفتيح

السنة دي قررت اوقف اولاي واستخدم كريم ليل وكريم نهار ولان انا من عشاق كريمات التفتيح لانها مش بتكون دهنية وبتدي نعومة وبتحافظ على لون البشرة فا رسى اختياري على مجموعة التفتيح من اوبتمالز اوريفليم وكريم الليل دا حلو اوي اوي هو دهني شوية صغيره بس دا طبيعي لانه مغذي وكده كده بستخدمه بليل يعني مفيش ضرر من مسأله انه دهني

سائل النهار من اوبتمالز للتفتيح

تحفة خليف اولاي بل يمكن افضل في مفعوله . خفيف جدا فيه عامل حماية من الشمس بيفتح البشرة وناعم وترطيبة رائع اكرره مره واتنين وعشره

كريمات ايفا بي وايت الليل والنهار

كان كويس معايا لفترة من الفترات بعد كده عملي حساسية رهيبة وكان بيطلعلي حبوب كتيرة في كل وشي فا وقفته ورميته

كريم ايفا بالزبادي والخيار

جميل يعتبر بديل لكريم اصالة هو مغذي ومرطب في نفس الوقت كنت بستخدمه بليل بس حاليا انا بستخدم كريم الليل من اوبتمالز للتفتيح

كريمات فير اند لفلي للبقع والتفتيح

استخدمته فترة وكانت نتايجة رهيبة ولما سمعت عن اضراره وقفته وبعدين لما نزلو مجموعة جديدة اللي هو للبقع و في واحد بالفيتامينات وواحد بالاعشاب جبت للبقع وجبت الفيتامينات استخدمته حوالي شهر استفدت من نتايجة ووقفته تماما وبقيت استخدم مجموعة الاوبتمالز كابديل ليه

كريم المفعول السريع من اوريفليم لعلاج الحبوب

جميل اوي بحط منه اول لما احس ان في حباية هتطلع بيعالجها قبل ما تظهر لبرا بس هو مش هيعمل حاجه في اثر الحبوب القديمة هو بيعالج الحبوب الجديدة بس

مرهم او كريم بردرم ( طبي ) للحبوب

دا مرهم طبي وفي منه كريم للحبوب بردو جميل بس هو مختلف عن الاولاني دا عبارة عن مضاد حيوي بينشف الحبوب فا هو خطوة مكملة للكريم اللي فوق

الاسكربات

سكرب اصاله

ممتاااااز بيخلي الوش زي اللمبة بيفتح اوي وبينضف بزمة بصراحة افضل سكرب استخدمته

سكرب ايزي بالمشمش

كويس بس مش زي اصاله مفيش مقارنة بينهم لكن هو مش وحش شغال يعني لكن مش هكرره تاني

كريمات محيط العين

كريم اصاله بزيت جنين القمح

الكريم مغذي لمنطقة العين عبارة عن جنين قمح و شمع عسل للاسف مش عملي حاجة في الهالات لان عاداتي واكلي غلط اصلا بس هو كريم حلو لانه طبيعي و ترطيبة ممتاز وخفيف مش دهني ابدا

جل العين بالصبار من اوريفليم

حلو اوي هو مش بيعمل اي حاجة مجرد ترطيب وبس بحب استخدمه قبل الميك اب بحسه بيعمل طبقة عازلة و بينشف بسرعه الجل يعني مش بيعمل لمعه ولا تلزيق

الزيوت

الجلسرين المخفف بالليمون للبشرة

والله مش عارفة ليه وقفته كنت استخدمه حوالي سنتين بشرتي كانت منتهى الجمال لا حبوب بتظهر ولا مسامات واسعه وبشرتي كانت صافية جدا ماشاءالله نفسي ارجعله تاني بس الكسل اتعودت عالكريمات لانها اسهل

زيت الخروع للرموش
زيت اللوز

الخروع وزيت اللوز مش استغنى عنهم ابدا
زيت الخروع بحط نقطه منه على فرشة ماسكرا نضيفة وامشط بيها رموشي بيتقلها ويطولها ممتاز اوي اوي
زيت اللوز استخدمته فترة لبشرتي وكانت نتايجة حلوة لكن وقفته في الصيف لان الزيوت بتتعبني لانها بتكون دهنية

كبسولات فيتامين e

بستخدمها في الماسكات و احيانا بدهن بيها بشرتي وشفايفي ومحيط العين مشكلته انه مش بيمتص بسهولة بيلزق جامد

الشفايف

بلسم لابيلو ( بشع مش ناسبني خاااالص ونشفلي شفايفي )
بلسم افون ناتشورالز ( ابشع من لا بيلو )
بلسم كرستينا ( نسيت احطه معاهم بالصورة بس دا افضل بلسم استخدمته تحفة طري جدا )
بلسم تندر كير من اوريفليم ( ممتاز زي كرستينا ناعم اوي وطري وبيخلي شفايفي زي الزبدة )
فازلين ايفازلين من ايفا ( حلو مش بطال لكن مش زي تندر كير )

الصن بلوك

سول فاميلي من اوريفليم عامل حماية 50

ممتااااااز الصن بلوك دا فوق الممتاز بروح البحر وبرجع بيتنا يادوب شوية احمرار خفيف بعد يومين بيختفو تماما بس مشكلة الصن بلوك انه دهني يعني لو هستخدمه في يوم عادي يبقى ضروري احط فوقيه لوس بودر عشان يقفل اللمعان :wink*)

سولارين عامل حماية 32

وحش جدااا دهني اوي ومش بيعمل اي حاجة يمكن كنت بحسه بيحرق بشرتي بدل ما يحميها ههههههههه(n)(n)

لوسيون كالاميل الطبي

سوري مش عندي صورة ليه بس اللوسيون طبي وطبيعي دا مستحيل اي بيت يستغنى عنه
استخداماته متعدده بيخفف حروق الشمس يعني لما بروح البحر وبيكون فيه احمرار بستخدمه وبعد يومين وشي بيرجع زي الاول ولا اكن حاجة حصلت
واللوسيون دا حلو للحساسية بتاعة الجسم ولدغات الحشرات رائع بكل المعاني (y)(*)

كده انا خلصت واتمنى الموضوع ينال اعجابكم وتستفادو ولو بالقليل و ان شاءالله هنا هيكون متجدد واي مشتريات جديدة هحطها مع تجربتي