تجربتى مع ملح الحليب والشاور الملوكي** تعالو بسرعة اقولكو 2024.

##اللهم اجعلها فرطا وذخرا لنا ( انا ووالدها ) ، وشفيعة مجابة يوم القيامة ، اللهم ثقل بها موازيننا، وأعظم بها أجورنا، وألحقها بصالح سلف المؤمنين، واجعلها في كفالة إبراهيم عليه الصلاة والسلام، وقها برحمتك عذاب الجحيم وعوضنى عنها خير عاجلا يا ارحم الراحمين ##

السلام عليكم

ازيكو يا قمرات ،،

النهاردة حبيت اقولكو على تحربتى مع ملح الحليب ودى كانت اول مرة اجربة فيها،،،

بصراحة حلوة وبينعم وبيقشر وبيفتح بس بسيط يعنى مش اوى لكن النعومة هى اللى رهيبة بجد وريحتة الحلوة ،،

الاول ندخل البانيو برجلينا اليمين ونفتح الدش ونستنى شوية تحتية ونغسل شعرنا ونحط الكونديشنر ،،،

وبعدما غسلنا شعرنا نقفل بقى البانيو من تحت الصرف بتاعة يعنى ونحط شوية شاور جيل علشان عقبال ما نعمل جسمنا بملح الحليب تكون رجلينا باشت ونعرف ندعكها ،،،،،

ونجيب ملح الحليب فى ايدنا ويكون جسمك مبلول بس مش اوى علشان حبيبات ملح الحليب مش تدوب بسرعة بسرعة وندعك بحركة دائرية وبخفة ولو تستحملى انك تدعكي جامد شوية ادعكي كل واحدة وقوة تحملها ونوع بشرتها وركزى على المناطق الغامقة والخشنة ،،،

وسيبية شوية على جسمك مدة دقيقتين كدا وبعد كدا اشطفية هتحسى بنعووووومة ،،، وانا عن نفسى لحظت شوية تفتيح فى مناطق الكوع والركب بس الكوع اكتر من الركب يعنى اتفتحت بنسبة مثلا 30% ،،،،

دعكنا جسمنا ،، وسيبناه دقيقتين مثلا ،،، وشطفنا جسمنا ،،،

الخطوة التانية بقى ::

رجلينا باشت ندعكها بقى بالحجر الخفاف العادى بتاعنا دا ،،، وادعكى بزمة خليها كعوب بيبي لسة مولود ،،،،

دعكنا كعبنا وخلصنا ،،،نجيب بقى الشاور جيل وباللفية الوردة دى اللى فى الصورة مش الليفة العادية والشاور جيل وندعك لان جسمنا بعد ملح الحليب والتقشير مش هيكون مستحمل الليفة العادية ،،،

خلصنا كل الخطوات دى وبكدا خلصنا الشور بتاعنا ،،،

***فى خطوة بقى لو تحبى تعمليها هتتلعى زى القشطة ،،،،

بالحجر اللى فى الصورة دا ،،، نوع من انواع الحجر الخفاف ،، بس اية سححححر ،،

وجلدك يعتبر مندى مبلول نص ونص هاتية وادعكي بية وش رجلك براحة بحركة دائرية وشوفى اللى هيتلع جلد مبروووووووووووووووووووووم كتييييييييييييير وكل لما تدعكى تلاقى جلد بيتلع ،،

انا بقى مش عملتة فى وش رجلى وبس لا وفى كوعى وركبتى كمان ،،

كل الجلد الميت اتشال خاااالص ومع المداومة يروح خالص ،، لكن خلى بالك ممكن جسمك يلتهب يعنى مش تفرحى بقى بالجلد اللى عمال يتلع وتفضلى تدعكى لما تشيلي جلدك ولحمك ،،،

لا خليكي عاقلة والايام جاية كتير كل ما تاخدى شاور اعملي كدا ،،،

**نغسل بقى شعرنا ونتنشف وحمام الهنا يا عروسة منك ليها ،،**

**نيجي بقى لاخر خطوة :::

بعد كل الحرب الاهلية والذاتية اللى عملناها على جسمنا لازم بقى ندلعة شوية ،،، بعد ما خلصت جبت لوشن جونسون بللافندر ودهنت بية جسمى ،، ولبست ،،،

وااااااااااااااااو بقيت كل شوية اشم فى نفسى معجبة بنفسى ،،

غير النعومة اللى بتزغزغنى مش واخدة على نضافة كدا ،،،

فى الاخر يبقى احنا بقى عملنا ايييييييية ،،،

**قشرنا بملح الحليب وشيلنا كل الجلد الميت ،،

** دعكنا كعب رجلينا وبقى زى الملبن من نعومتة ،،

** قشرنا ودعكنا بالحجر كل حتة خشنة فى جسمنا وتلعنا الجلد الميت منها بالحجر الخفاف المخصوص ،،

**وكمان خطوة الليفة والشاورجيل بتخلى ريحة الجسم جميلة جداااااااااا لان الجسم بيكون مترتبط وخلاياة متجددة وهيقبل اى ريحة شاور جيل هتستخدميها واتليفي بس على خفيف مش جامد يعنى ،،،

** وفى الاخر رطبنا بشرتنا لان كل اللى عملناة دا من غير خطوة الترطيب مش لية اى لزمة خااااااااالص ،،،

وحمام الهنا يا حبايب قلبى ،،،

الموضوع تجربة شخصية ،، الصور منقولة من النت ،،

بالله عليكو تدعولى بالذرية الصالحة عاجلا ،،

ولو عجبكو موضوعي قيموووووووني ،،،

حلوو ما شاء الله ..

يعطيج العافية حبيبتي ..

وياارب يرزقج بالذرية الصالحة ..

مرسي ياقمررررر ليكي وفي ملح الحليب اللي هوا في علبه هيعجبك اكتررر كمان من الكيس وبينعم اكترررر
ربنا يرزقك بلذريه الصالحه ويحقق ليكي امنياتك كلها ياحبيبتي

ما شاء الله
تسلمي
الموضوع رررررررررائع فعلا

شكرررررا علي المعلومات المهمة
تم التقييم …

الله يسعدك ويرزقك الذرية الصالحة ومشكوووووورة يالغالية على نقل تجربتك

##اللهم اجعلها فرطا وذخرا لنا ( انا ووالدها ) ، وشفيعة مجابة يوم القيامة ، اللهم ثقل بها موازيننا، وأعظم بها أجورنا، وألحقها بصالح سلف المؤمنين، واجعلها في كفالة إبراهيم عليه الصلاة والسلام، وقها برحمتك عذاب الجحيم وعوضنى عنها خير عاجلا يا ارحم الراحمين ##

تسلمو جميعا

ربنا يتقبل منكو دعائكم لي

الله يسعدك ويرزقك الذريه الصااااااااااااااااااااااااااااااااالحه عاجلا

##اللهم اجعلها فرطا وذخرا لنا ( انا ووالدها ) ، وشفيعة مجابة يوم القيامة ، اللهم ثقل بها موازيننا، وأعظم بها أجورنا، وألحقها بصالح سلف المؤمنين، واجعلها في كفالة إبراهيم عليه الصلاة والسلام، وقها برحمتك عذاب الجحيم وعوضنى عنها خير عاجلا يا ارحم الراحمين ##

تسلمى حبيبتى