اسمحولي لاني رجعت ونزلت هالموضوع مرة ثانية .. بس انا اظن انه هالموضوع مهم جدا جدا .. و لانه الموضوع الاول انغلق لكثرة الردود … و الطلبات بدت تهل على صندوقي الوارد لها السبب …. مما اطرني اني اعيد وضع الموضوع مرة ثانية مع اضافات بسطية مثل الصور عسب تكون الطلبات هني .. وتعبت من فتح رسالة رسالة في الخاص ..و لاني اشوف انه هالموضوع جدا مهم.. و ما بخالف قوانين منتدانا العزيز و لو شفتوا انه كتابة نفس الموضوع لها الاسباب غلط و انه موضوعي يستحق الحذف احذفوه و انشالله ما بينا زعل .. و ما اطلب التثبيت لانكم انتوا بس اللي تقررون شو الموضوع المميز او اللي يستاهل التثبيت بس ابا الطلبات تكون هني للتسهيل علي و على باقي الاخوات و ياريت خواتي تكون الطلبات هني مب على الخاص 🙁
ثاني شي الموضوع
خواتي
المشكلة اللي معظم البنات يعانون منها هي اسوداد المنطقة الحساسة .. و ما يعرفون السبب .. و تبدا العناية بها المنطقة بعد فوات الاوان .. و في اسباب كثيرة لهالشي و انا هني بنقل لكم تجربتي و طريقة عنايتي بها المنطقة و في اهم فترة و اكثر فترة ممكن تاثر بلون هالمنطقة و هي فترة ( الدورة الشهرية ) :pain:
الاولويز هو السبب الاول و الرئيسي في سواد المنطقة الحساسة :angry:
معظم البنات و تقريبا كلهم ما يعرفون هالشي لانهم مب حاطين هالشي اصلا في بالهم :no:
السواد اصلا شو سببه
الرطوبة , بعد ما تدخلون الحمام الله يعزكم ما تنشفون المنطقة الحساسة عدل و بالتالي تزيد الرطوبة و تزيد البكتيريا في هالمنطقة و النتيجة : سواااااااااااااااااااااااااااد و ريحة فظيعة في المنطقة و حساسية و حبوب و بلاوي اكيد كلكم تعرفونها 🙁
وتشك البنت انه فيها هرمونات زيادة و لا فيها شي غلط بسبه الريحة و اللون 😥
و عشان جذي لازم تتركون الاولويز و كل الفوط الصحية اللي من هالنوع
اعرف مصختها و طولت عليكم
اللي استخدمه حبيباتي هو القطن العادي
نفس القطن اللي يستخدم في تنظيف الوجه و لاكن على اكبر
احيانا ينباع في السوق على شكل مستطيلات قابلة للتقطيع و احيانا ينباع مجمع في اكياس كبيرة
ما اعرف شكله اكيد في كل دوله تفرق المنتجات بس هو القطن اللي يستخدم لتنظيف الوجه و ازاله المكياج .. الخ
و الطريقة ع الخاص لانه فشله هني .. تعرفون الريايل و رزتهم و لصقتهم في مواقع الحريم :mad2:
و تقدرون بعدها تمشون و تنامون و تتحركون و تركضون بعد و بدون خوف و بتنسون انه فيكم الدورة و بتدعولي انشالله
هذا غير النظافة التامة و الاحساس بالراحة و السواد ما بيزيد و ما بتزيد الحبوب وبتودعون الحساسية ايام الدورة للابد
و في نقطة ثانية مهمة
في شي يبيض ويقتل البكتيريا و ينظف المنطقة و يدمر الرطوبة و بارخص سعر بعد و انا ما استغني عنه ابدا
و على فكرة انا ما ااصدق انه الخلطات تبيض المناطق اللي تكون متدمرة من السواد مثل المنطقة الحساسة .. الخلطات تشيل القشرة الخارجية الغامقة للجسم اللي لونه طبيعي و تقشر بس عسب جذي تحسون انه الجسم فتح لونه بس للمنطقة الحساسة و عن نفسي ما احب الخلطات
المنتج هو الاسكينول .. معظم البنات استغربوا كيف استخدم الاسكينول ( منتج لتنظيف الوجه و الرقبه ) للمنطقة الحساسة (( و في وحده عصبت الله يسامحها)) و خرعتني 🙁 ..بس صدقوني لو مب مجربته ما بقولكم جربوه انتوا بعد .. انا واثقه من كلامي و يمكن اول ما تستخدمونه يحرقكم و تطلع لكم حبوب بس هالشي عادي و دليل انا بدا مفعوله و عقب انشالله ما بتطلع اي حبوب بالعكس اثار الحبوب اللي كانت موجود بتروح لانه الاسكينول تنظيفه عميق و في المسامات و اثار الحبوب سببها الاوساخ اللي تتجمع في المسامات و اللي الاسكينول يقدر يزيلها مع الاستمرار حتى للوجه (ما تشوفون الفلبينيات شقايل بشرتهم تجنن ) ما يستخدمون غير الاسكينول و سالوهن بعد
بس انا اقولكم جربوا و ما بتندمون و لو تبون بياض استخدموا اسكينول البابايا … و طبعا في الليمون(للبشرة الدهنيه)و الخيار و اغلب البنات يعرفون الاسكينول و مفعوله الرهيب في التنظيف..
.. انا الحمدلله عندي المنطقة نظيفة و مافيها اي ريحة و اللون تمام لاني ابعد عن اي شي ممكن اييبلي السواد و اهم و اول شي الرطوبة و الحمدلله مرتاحة :shy:
و بعد((( الشبه))) بعد كل سبوح ان كانت ناشفة مطحونه و لا مع ماي ورد و انا افضلها ناشفة عسب ما تسبب رطوبة اكثر و انتي ما اظن نتظرين لين ماي الورد ينشف
بس الاسكينول لازم يوميا اقل شي مرتين
المهم حبيباتي هذي تجربتي و حبيت افيد الكل بها و انشالله تكونون استفدتوا منها
و اي استفسار انا جاهزة و اللي ما تعرف الطريقة ع الخاص انشالله بس تحط الطلب هني لاني تعبت من مسح الرسايل من صندوق الوارد >>> عياااااااااازة
الا اذا شي استفسار من ينحط هني بس لو الطريقة ياريت يكون هني
و هاذي صورة الاسكينول للي طلبوها في الجزء الاول و اسمه بالانجليزي مكتوب عليه
والاسكينول الثاني هو اللي يبيض و هو بالبابايا
تحياتي :flower:
اختكم
((روح الحب))
ما ننحرم من تألقك فى المواضيع الى تيجي على الوتر الحساس
جزاك الله خير
بورك لك
الموضوع مكـــــرر
ويمكنك ارسال تفاصيله لكل من يحتاجه على الخاص
للسماح بالمواضيع الاخرى لاخذ حقها من الردود والمشاركات
وجزاك الله خير على مساعداتك وان شاء الله في ميزان حسناتك
تحيـــــــــــاتي
بنت عذاري