مرحبا خواتي بنات مدونة عروس انا عضو جديده معكم وان شاء الله اكون عضو فعال وعلى فكره انا من زمان مشتركه بس اشغالي كثيره عشان كذا ماكتب مشاركات لكني في الحقيقه انا معكم دايما ومتابعه مواضيعكم الحلوه واشكركم على اجتهادكم مع اني عندي تعليق بسيط في مواضيع العنايه بالبشره الاحظ انها متشابهه شوي فودي انكم تراجعونها وتحذفون المواضيع المتشابهه عشان الواحد مايتلخبط ولكم جزيل الشكر مابطول عليكم انا بدخل في الموضوع واللي عباره عن نصائح من تجربتي الخاصه في وضع المكياج انا طبعا ماني خبيره بس مجتهده شوي واحب المكياج ودائما انا اسوي الميك اب لخواتي ولقريباتي المهم ادري اني حكيت قصة حياتي
اولا المكياج حلو طبعا وماحد ينكر انه مهم وبالذات بهالوقت هذا بس الاهم من هذا كله انه لازم يكون يناسب الشخص يعني حسب ملامح الشخص يوضع المكياج :
اولا اللي عيونها نازله شوي على تحت من الزاويه البرانيه يعني من طرف العين اللي برى كيف تحط الكحل
اول شي عشان ترفع عينها شوي وتخليها بشكل لوزي تحط من الزاويه الداخليه للعين من داخل كحل ابيض اوكي وبعدها تبدأ ترسم العين بقلم الكحل الاسود من تحت الكحل الابيض وتكمل على كل العين من الداخل بالاسود اوكي وبكذا تصير خدعه في الميك اب لرفع العين
ثانيا اللي عيونها متقاربه شوي من بعضها كيف تحط مكياج العين
لازم اول شي تملأ الجفن العلوي من العين من عند الزاويه الداخليه للعين اضاءه او اي لون فاتح
وبعدها تبدأ ترسم الكحل وتحط الوان غامقه شوي من الزاويه البرانيه للعين عشان يبعد العين شوي عن بعضها
ثالثا اللي عيونها متباعده شوي عن بعضهم العكس تسوي يعني دائما لازم تحاول تحط الوان غامقه من الجفن العلوي من الزاويه الداخليه للعين
وبالنسبه للثلاث طرق الاولى هذي نصيحه عامه لكل احجام العين سواء صغيره او كبيره والحين ندخل في وضع المكياج بالنسبه لحجم العين :.
رابعا اللي عينها صغيره كيف توسعها بالمكياج
اول شي انصحها فيه انها تبعد كل البعد عن الميك اب الغامق فوق الجفن طبعا اوتحاول تحطه بالتدريج كيف ؟؟
يعني اول ماتحط الشدو تحطه فاتح من فوق العين مباشره وبعدها تطلع شوي فوق وتحط لون اغمق شوي وهكذا تسوي طبقات ناعمه وفاتحه شوي علشان يعطي الجفن مساحه اكبر وانصحها تحط الشدو الغامق من تحت العين الى الزاويه الخارجيه
او في طريقه ثانيه اذا ودها تحط الوان غامقه ترسم عينها من الداخل بكحل ابيض وبعدها ترسم بقلم الكحل الاسود من تحت الجفن السفلي وتحط الشدو من فوق اي لون كان غامق اوفاتح
خامسا اللي عينها واسعه كثير كيف ترسم عينها
اول شي انصحها تحط الكحل من داخل العين كلها عشان يصغرها شوي والوان الشدو تكون غامقه شوي ومتدرجه يعني تكون من فوق الجفن مباشره غامقه وبالتدريج تفتحها
انا طبعا مابي اطول عليكم موضوعي طويل ويبيله شرح وانا حاولت اختصره وان شاء الله اكون افدتكم بهالمعلومات البسيطه عن مكياج العين واكيد اكيد للحديث بقيه وراح اكمل الطريقه في موضوع ثاني ان شاء الله
وتقبلو تحياتي
اختكم ام صالح
واشكرك على النصايح الحلوة والمفيدة
حبوبة اتمنى اشوف مشاركات واذا مدعمة بصور بعد
شرحك حلوو ومبسط
وعسى اشوف كل جديد ومميز منك
وفقك الله
شكرا أختي ان شاء الله نستفيد
كلالالالالالالالالالالالالالالالالالالالامج ذهب