الحمدلله وايد حبيت التجربه وكانت حلوه
وكل الشكر الى بنت عذاري من منتدى عروس لانه الامانه في النقل محفوظه
الصور تصويري الخاص من مطبخي العفيسه
وبعد اذنكم نزلته بمنتداي الثاني وذكرت اسم منتدى عروس وبنت عذاري
الله يوفقها
نبدي
اللى تحتاجينه موجود في الصور وهو
1. حبتين خيار طازج ويكون محلى للتاكد من جودته
2. 3ملاعق أكل ماء ورد
3. 3 نقط زيت جنين القمح ( اذا لم يتوفر ممكن الاستعاضه عنه بزيت اللوز الحلو )
انا حطيت الاثنين بصراحه
4. كبسولة فيتامين E.. من الصيدلية ب 6.330 دنانير
حطيت 3 كبسولات احسن
5. زجاجه محكمة الاغلاق للحفظ
6. . قطن الدوائر المضغوط المستخدم لتنظيف المكياج
اول شي الخيار
ونقطع الخيار شرائح رقيقه ونضع اولا ماء الورد ثم شرائح الخيار وتخلط جيدا حتى تصبح بيوريه
بعد ان يختلط نفتح الخلاط ونفتح كبسولة الفيتامين ونعصر محتواها فى الخلاط+زيت جنين القمح واللوز
نخلطه مع بعض وبعدين نصفيه وناخذ الماي وهمن القيمه اللى يزيد من الخيار والخليط والخليط يسمي البيوريه
نحضر الزجاجه التى لها غطاء محكم عن الهواء ونضع ملعقة من البيوريه تحت فى قاع الزجاجه
وناخذ قطنه ونضعها على البيوريه بدون كبسها او الضغط عليها وبالملعقه نصب عليها العصير الصافى
ونأتى بقطنه ثانيه وبنفس الطريقه ونصب بدون لمس القطن او الضغط عليها
. حتى تمتلىء كل الزجاجه بالقطن المغمور فى عصير الخيار ونتاكد من وجود فجوة بين القطن الاخير والغطاء للزجاجه
وتغطى ليوم وتحفظ فى الثلاجه طبعا
عاد الحين الاستعمال :
كل يوم بعد ان تصحى يا قمر من السرير اول شىء تلمسيه قبل الاستحمام هو الخيار الخيالى وتمسحى كل الوجه بالقطنه بحركة من أسفل الذقن وانتى صاعده على الخدود ومن داخل زوايا الانف للخارج ناحية الاذن
•ويكرر هذا قبل النوم ويترك بدون غسل
•وللعين والهالات كل يوم الظهر ناخذ بعد الاستحمام قطنتين وتوضع على العينين وانتى مغمضه وتترك 20 دقيقة وفى نفس الوقت بتكون قيلوله لأراحه العين ومحيطها وفى نفس الوقت علاج وتفتيح
وهالله هالله بالردود الطيبه والا اهون وماصور تجاربي الباقي
لاتنسون التقيممممممممم بليز
وان شاء الله نجربها بالايام اليايه
يعطيج العاااااافيه
وجزاج الله الف خير
بس ما فهمت الطريقة الاخير .. وش يعني الفجوة بين الغطا والقطنة الاخيرة ؟؟
حاولت اقيمك بس لاسف
تسلميييييييييييييييين اختي على المجهووود
الله يعطيك العافية
تجربه رائعه يعطيج العافيه
هو ريحته قويه بس تبين الصج فاااااااااااااااااادني وايد وايد للامانه
ويعني القطنه الاخيره لاتلصق بالغطا اللى تصكين فيه خليه شوي بعيد عنها
وانصحج فيه
انا باليوم اسويه مره ووايد حبيته اركض الثلاجه احطه بس الريحه ماحبيتها خيار وايد بس الشي الزين اتحمله
انزين ابي اعرف نتائجه فديتك ؟؟
يعني من اي ناحية حستي في تغير في بشرتك ؟؟
كنت اعااااااني وايد انه لونه اسمر وتخيلي احط كريم اساس وفوقه بودر
والله الحين بس احط الحمايه وكريم الاساس ماشاء الله وايد مو واضح وخف حيل
فتح السواد درجتين بس ها ترى انا طولت استخدامه وبالتبادل فيتامين اي بروحه الظهر والمغرب جنين القمح وقبل النوم القطن
وكان هايل
وبالثلاجه احطه اسبوع وبس اقط الباقي واسوي جديد
لانه الخيار مايطول معاي
واسوي بالعدد 14 قطنه عشان محسوبه الاسبوع