حبيت أقول لكم تجربتي مع هالبروجرااام من كلارنس..
Brightening Program 3 Weeks Treatment
شريته قبل شهر تقريبا ,,,
سعره فوق 600 درهم .. يعني وخردة 
النتايج .. شو تتوقعووووون ؟؟؟؟؟؟؟؟؟؟؟؟؟؟؟؟؟
أنا يوم شريته قلت في بالي هذا مركز ومفعوله تووووب .. على أساس بيفتح بشرتي 3 درجات على الأقل ..
طبعا انتظمت عليه يوميا حسب التعليمات ..
أول شيء السيروم تحطين منه في باطن ايدج 6 ضغطات كامل القطارة .. وتفركينه شوي عسبه يدفى وتدهنين ويهج والرقبة ..
تنتظرين 30 ثانية أو أكثر شوي لين ينشف <<<< تتشربه البشرة بسرعة ..
عقب تحطين الكريم الابيض 7 نقط على الويه وتوزعين ..
…………..
تبون تعرفون النتيجة .. يمكن فتح ويهي نص درجة .. يعني حسيت باشراقة خفيفة .. بس بياض لا .. 
للأسف كريم لوريال للتبييض يعطي نفس النتيجة وسعر كريم الليل والنهار منه مع السيروم ما ايي 100 درهم ويكفيج شهر كامل وزيادة …
ويمكن فير اند لفلي يبيض أكثر عنه 😡
يعني بنات لاتخسرون فلوسكم وتشترونه .. تراه عمليه نصب كبرى .. لا ومخحطين لج البروجرام في قوطي اشكبره .. وهو فيه ست انانبيب كل انبوب طول الصبع !!
القهر عاد إنهم نفس الشيء ليش ما حطوهم بقوطي واحد ما أدري …
عموما بنات هذي تجربتي الخايبة .. وفروا فلوسكم ولا تشترووونه ..
وياليت تردون على الموضوع .,. تراه أكبر عيب تشوفون وما تقولون شكرا حتى .. نحن نتعب في التجارب ونخسر ونكتب مواضيع ونحمل صور نبا الناس على الاقل تشكرنا ..
هيه صح ملاحظة ثانية .. هواة النقل لا اتعبون عماركم أنا مشتركة في ثلاث أرباع المواقع النسائية بنقله بروحي :thumbs_up:
لكم الود ..
جزاكي الله خيرا علي طرح تجربتك والافادة
 |
اقتباس |  |
 |
المشاركة الأساسية كتبها على خطى الحبيب  |
 |
 |
| جزاكي الله خيرا علي طرح تجربتك والافادة | ||
 |
 |
شكرا يا عسل
مع الاسف أكثر هذه المنتجات اللي موجودة في السوق فائدتها لا تذكر واستنزاف أموال طائلة عالفاضي
.. والمشكلة ان الحابل اختلط بالنابل وما عاد صرنا نعرف اللي يفيد واللي ما يفيد 
..يا ليت تفيدينا بتجاربك الجاية إن شاء الله
..تقبلي مروري ..
هذي المواضيع الي صج الشخص يستفيد منها
وحرام الصراحه خسااره الفلوووس
يلااا ما عليه
وتستاهلين التقييم حبيبتي
الف شكر لعرض تجربتك وفعلان مش كل غالي سعرة فيه