1- حجزت عن طريق booking.. مثل ما كثير من الناس يسوي عن طريق النت وطبعا انا اول مرة احجز معاهم قلت اجربهم وحجزت في فندق مرمره تقسيم.. الفندق خمس نجوم لكن في الواقع ما يسوى نجمه وحده
2- حجزت التذاكر طبعا اون لاين في موقع الخطوط السعوديه (خطوط رائعه ومريحه جدا في السفر لمسافات بعيده)..
نبدأ الرحلة انا وزوجي..
تم الاقلاع من مطار الرياض في الصباح الباكر ووصلنا تقريبا الظهر
في المطار عند الجوزات ختمناها وكانت في انتظارنا سيده من شركة سياحيه واتجهنا واياها الى الاوتيل طول الطريق تشرح لنا عن تركيا طبعا..
واتفقنا معاها ثاني يوم بنروح الى جزر الاميرات ودفعنا التكاليف وقالت لازم نكون على باب الفندق الساعه 9 عشان الباص ما رح ينتظرنا
وثالث يوم بنروح بورصه ولازم نكون موجودين عند باب الفندق 7 الصباح
وبرضه دفعنا التكاليف كذه دفعنا للرحلتين واخذنا الوصل ووقعنا..
المهم وصلنا الفندق (مرمره اسطنبول) كان الظهر زي ما ذكرت..
قالولنا غرفتكم مب جاهزة انتظرو نص ساعه .. صارت النص ساعه اربع ساعات وما حد معطينا وجه وكل ما نسال يقولون انتظروا وما قدامنا الا ننطق وننتظر..
والمشكله الكبيرة انه لما حاولنا انكنسل الحجز ما قدرنا لانه الحجز عن طريق موقع بوكينج وغير مسترجع..
المهم..
قريب المغرب دخلنا الغرفه وكانت المفاجأة او الكارثه انه غير التصور اللي في بالنا كانت دون المستوى الاثاث قديم ممرات الفندق وايد قديمه والمنظر يطل على مباني مكسرة والمكيف خربان وكل ما قلنا عدلوه او غيروا الغرفه ماحد يرد علينا..
حاولنا نتاقلم مع الوضع وكلما المرشده السياحيه انه نبغى مطعم حلو نتعشى فيه قالت روحو مطعم اسمه على ما اعتقد يلداز رحنا المهم موقعه عالبحر والمناظر روعه والاكل لذيذ الجو يجنن
المهم
وتمشينا بعد العشا في شارع الاستقلال التجاري حلو مررررررررررة وزحمه مررة
ثاني يوم كان اتفاقنا نروح جزر الاميرات وهذه اول رحلة
قمنا من الصبح بدري لانه الاتفاق يجي الباص الساعه 9 وقفنا من 8 ونص ننتظر ووصل باص الساعه 9 الا ربع قالولنا لا مب هذا انتظروا باصكم 9 بالضبط رجعنا اللوبي.. ووصل الباص الثاني رحنا نركب قالو لا زحمه وما تقدرون تركبون قلنالهم طيب احنا دافعين وهذه الفاتوره قالوا عادي انتظروا الباص اللي بعدنا بيجي الحين
انتظرنا لين 11 لين جانا الباص الثالث كنا خلاص مقفلين وكرهنا هالرحلة والمكان والفندق.. وكلمنا المرشده نبي فلوسنا ترجعلنا رجعتلنا بس خصمت 50 دولار قلنا الحمدلله ولا البلاش اتصلت على اهلي في السعوديه غيرت موعد الرجعه بدل ماكانت بعد اسبوع خليتها نفس اليوم يعني قعدنا في تركيا يوم ونص ماساوي فقط
ولانه الحجز عن طريج بوكينج ما رجعولنا ولاااااا رياااااااااااال تقريبا 6000 ريال راحت عالفاضي والله حرام
ياليتني طلعت عن طريق مكتب ونظمولي الحجز والفنادق والرحلات داخل البلد فنصيحتي يفضل عمل الحجوزات عن طريق مكتب لانه في حال ما عجبكم الفندق هم يتحملون التكاليف وتقدرون تغيرون الفندق او تسترجعون فلوسكم
والجايات اكثر
الله يعطيك العافيه
/
::
الله يعوضكم ياارب
وما قصرتي ع النصيحه
/
::
بس غريبة الاشية اللي قلتيها .. :confused:
انا كنت رايحة تركيا قبل 4 سنوات و قعدنا في فندق مرمرة -اسطنبول و كان من أروع ما يكون و الخدمة لا يعلى عليها .. :thumbs_up:
و العام رحنا اسطنبول بعد بس قلنا بنجرب فندق ثاني و تحسفنا .. لو ساكنين في مرمرة احسن .. لأن الفندق الثاني مش ولا بد .. بس دشينا مرمرة و كان عندهم ترميمات و تعديلات .. تخيلي مع هالعفسة و ما كنا من سكنة الفندق لكن خدمونا بعيونهم .. كنا رايحين نسألهم عن مجمعات يديدة ووايد استفدنا منهم .. لدرجة ان الموظفة رسمت لنا بالضبط على الخارطة وين نروح ووين احسن الأماكن ..
و عن موقع Booking .. تقدرين تختارين اذا الحجز كان مرجع او لا .. شكلج انتي اخترتي اللي مب مرجع عشان جذي راحت عليكم الفلوس .. !
انا استمتع لما احجز للسفر بروحي سواء الفنادق و أغلب الأوقات كله احجز عن طريق Booking او الرحلات ..
يلله .. اهيه تجربة و ان شاءالله ما تتكرر معاكم هالحركات مرة ثانية
وإن شاء الله خيرها في غيرها
الله يعوضكم بالافضل وبكل خييير يارب ..~~