أنا في موضوعي هذا أحب أخبركن عن تجربتي مع واحد من الكريمات المشهورة واللي سووا عنها دعاية كبيرة في الانترنت أو على التلفزيون وهو سترس تي في
أولا بشرح لكم حالتي وطبيعة بشرة المنطقة اللي حوالين عيوني …
منطقة العين عندي جدا جدا رقيقة وبها خط خطين رفااع ما يبينون وايد لكني لاحظتهم في السنتين الأخيرتين ..
اما عن الهالات السوداء ولون الجلد ف ذيك المنطقة فحدث ولا حرج .. 😮 أعاني من هالات سوداء فظييييييييييييييعة لدرجة إني ما كنت أطلع أي مكان إلا وأنا حاطة بودرة تحت عيني عشان أخبي السواد
وها السواد مخلي شكلي أبدا مب حلو وشكلي تعبان ع طووول ويوحي إني مب نايمة
مع العلم إني أعاني من أرق فظيع ورقادي غير متواصل مع ذلك ظهرت نتايج طيبة وراضية عنها لاستخدامي ها المنتج
اووه نسيت حبايبي أحط لكن صورة المنتج ..انشغلت بالهذرة ..ههههه:p
وهذا هو المنتج
أما عن فترة استخدامي له فبخبركن :
أنا أول ما شريته كان من 3 شهور أو أكثر بقليل ما حسبت صح اسمحولي
لكن لا يقل عن 3 شهور تخيلوا
استخدمته الشهر الأول والنتيجة …ولا شي !!!!! ياني احباط
لكني كنت مصرة وعنيدة لأشيل ها الهالات السودا ولو أخفف من شكلهن المزعج وكملت للشهر الثاني ع التوالي وبعد ما حسيت بوايد فرق بس هو كان فيه فرق طفيف ما ألاحظه لأني وحدة تسهر وايد
قلت مو مشكلة راح أكمل للشهر الثالث ع التوالي ويا أنا يا ها الهالات السودا المزعجة الكريهة وخاصة إني ما خليت شي ما جربته حق عيوني 😡
ومرت 3 شهور وشوي تقريبا واليوم أحس إني أفضل من قبل بوااايد
هو صحيح إن الهالات السوداء ما اختفت تماما ولكن خفت بطريقة مرضية جدا بالنسبة لي
وانا مازلت اضع بودرة لما أطلع لأني تعودت خلاص وأخاف أطلع بدون بودرة بس شوي شوي ان شاء الله وأتعود ما أحط بودرة ولا شي ع ويهي
الحين الانبوبة اللي معاي خلصت وان شاء الله راح أشتري غيره
وهذي نصايح مني تساعد أيضا وتعمل مع الكريم عشان تخففون من حدة الهالات السودا :
شرب الماء بكثرة فهو شي مهم جدا وينقي الجسم من السموم
أكل الخضراوات والفواكه الغنية بالسوائل
الابتعاد عن الاكلات اللي فيها واايد ملح لأن الملح ينفخ العيون وخاصة اذا تعشيتوا متأخر ونمتوا :thumbs_down:
وهذي نصيحة اختيارية راح أطبقها ان شاء الله : استخدام كمادات وماسكات للعين تساعد وايد
:
:
:
:
:
:
أتمنى يا بنات انكن ما تستسلمون للشي اللي تبون تحققونه وعلى فكرة انبوبة الكريم ظلت معاي لا يقل عن ثلاث شهور وبعدها عندي ما خلصت بس تاليها
وأتمنى يا بنات انكن تستفيدون من تجربتي مع الكريم
واتمنى إنكن تدعولي دعوة حلوة ان الله يوفقني مع زوجي ويحفظ لي عيالي ويشفيهم
ويحقق اللي في بالنا وييسر علينا ويرزقنا من حيث لا نحتسب :thumbs_up:
"في حفظ الرحمن "
thank you
شكرا للنصيحة المفيدة
نورتوا موضوعي وخليتوه ذا قيمة بوجودكم
وهذي وردة لكم F:
في حفظ الرحمن
مشكووووووووووووووووره خيتي………….
بس كم شريتيه انا ماحصلته عندنا بالسعوديه ووين حصلتيه