مرحبـــــا …خوآآتي ..
اليوم ومن اسبوع قررت انزل لكم تجربتي مع هالفاونديشين طبعا
اتمنى اني اقدم لكم موضوع تاخذوا منها تجربتي للفائدة .. << كانها رسمية الاخت 
نبدا … {بسم الله ..}
مده التجربة : اسبوع للامانة
الخطة : تغيير نوع الفاونديشين( كريم الاساس ) + البودرة
السبب : ملل بشرتي لكريم الاساس الي استخدمه وانا مليت 
الخطة 2 : نويت على ماركة معينة وهي بوبي بروان 
والحمدلله توفقت بروحة لدبي دار الحي لوجود الماركة هناك وللاسف لسة ما وصلت وما نعرف متى بتوصل مسقط العامرة :rolleyes:
بس اكيد المسافة ما بعيدة … واخترت ان اليوم الي بروح فيه دبي مول باذن الله اول مكان اروح له هو محل بوبي بروان ( شحلاته :032
ليش .. بخبركم ليش ..؟؟
السبب 2 : لاني ناوية امر على محلات معينة وخص الملابس وتعرفون تجربي هذا وتحطي هذا يعني بتمضي ساعه واكثر يعني ساعتين هه ملابس تقريبا ..وطبعا محلات احيانا ما مكتوبة باللستة والله اعلم من وين تتطلع 
وقت كافي صح للتجربة :rolleyes:
التجربة : دخلنا المحل وكنت يا دوب حاطة الاي لاينر وبودر وروج .. قلت لها بليز اريد اجرب هالفاونديشين الي اسمه skin foundation قالت تم .. << طبعا انا عاملة بحث في موقعهم وبعدها قريت رفيوز واطمئنت
.. واخترته
– يناسب كل انواع البشرة
– خفيف وما يدهن من التجارب الي قريتهم
– مده ثباته وانه يبقى لفترة طويلة
– ناعم للبشرة
طبعا .. حطت لي بيسهم الحلو وبعدين كريم العيون الي قريت عنه انه الاكثر مبيعا وبعدين خطوات الكونسيلر واكيد تعرفوها وبعدها الي عجبني جابت فاونديشين ستيك درجيت ودهنت فيهم على طول قلت لها
انا : ليش .. انا اريد النوع الي خبرتك عنه 😮
الخبيرة
: لا تخافي انا حطيت عشان اعرف درجة بشرتك بالضبط والي يناسبك وما اغلط !!
انا
: اول مرة اعرف قالت احنا نستعملهم لتحديد الدرجات وهي الانسب لنا .. وبصراحة الدرجة طلعت بعد التجربة هي على كلامها بالضبط .. الحمدلله !!
عشان ما تملوا من جرجرتي …اخليكم من مقتفطات صوري للفاونديشين
كريم الاساس اسمه : skin foundation spf 15
الدرجة الانسب لبشرتي هي ..
الي عجبني انه بمضخة نقدر نتحكم بالكمية ..
( تحذير: اذا اهملتيه ممكن ولانه سائل جدا يطلع او يتسرب فاحتذري وقت السفر مثلا )
هو سائل جدا يعني كلينك اثقل منه شوي وهذا مثل الماي وهذا طلبي
يعني الي عيوبها كثار لازم تستخدم قبله شي ( الاخت الحور 2024 بموضوعها تكلمت عن تجربتها الله يجزيها خير وذكرت هالمعلومة وكلامها صح )
بس انا : احبــ الفونديشين الخفيف وعيوبي ولله الحمد ما كثيرة وما توضح فهذا ناسبني وما احط شي قبله ,,,
{ طريقة مكياجي اليومية }
– بعد تنظيف الوجه وبكل اداوته المخصصة لنوع البشرة
– احط نقاط بسطية جدا من البيس واوزعها توزيع تمام اربت شوي بيدي
– اترك البيس لمدة 5 دقايق او اكثر ( احاول اشغل نفسي بشي ثاني )
باسفنجة ماكــ الحلووة هذه . ابدا اوزع توزيع متساو لكريم الاساس ..
وبعدها اوزعها على الوجه بعد ما اتاكد اني وزعت صح اطبطب بالاسفنجة تربيت خفيف
على كامل الوجه
تعالوا شوي : لما وزعته على كامل بشرتي وبنفس الطريقة تقريبا جابت يدها وبدات تربت ترتيب بسيط على وجه بخفة جدا سئلتها ..
انا : ليش ؟
الخبيرة : لان اليد والجلد بالخصوص تمتص اي زايد حتى كريم الاساس الخفيف ..
وفعلا انا اعرف ان الجلد يمتص وممكن نستخدم ايايدنا فصرت اعتمدها اكثر في الاستخدام..
وبتكون الحين متهئية لشو …………….. للبودرة
فاصل ……}}
نرجع للمحل وخطوة البودرة ,,,,}
بعد كريم الاساس
جات عشان تحط البودرة
انا : انا احب استعمل البودرة الدبل مع كريمات الاساس
الخبيرة: بهالشي بتحصلي على بشرة متغطية تغطية كاملة ..؟
لو تريدي احسن تروحي للدبل بودرة وبدون فاونديشين ..؟؟ وهالنوع تغطيته اعلى من هالنوع .
انا : لا .. لا انا اريد شي خفيف واستخدمه نهار وليل وما احب التغطية القوية بكل وقت !!
الخبيرة : طيب بحط لك sheer finish pressed powder اعطيني رايك ..؟؟
انا اوك ..
طريقتها : انها وزعت البودرة بفرشة البودرة بصراحة حبيتها الفرشة وناوية اشتريها ..
بس ما حطتها بشكل كانها تفرش او تنظف شي لا كانها تحط بطريقة كيف اشرحلكم
النقاط التربيت الخفيف يمكن على كامل الوجه يعني بشي من الخفة وقالت يكفي وكملت لي البلاشر .. قالت احسن شي للبودرة الفرشة واذا تستخدمي الاسفنجة التربيت
وانا فرحت ههههه لاني استخدم الاسفنجة بالتربيت وفعلا يثبت اكثر من طريقة المسح
نجي لاسم البودرة :sheer finish pressed powder
بفلاش …
بدون
الدرجة : warm natural 6
اخيرا …}}
اللوك كثير عجبني .. ناعم + بسيط +هادي +ولا كاني حاطة شي اوفر + طبيعي ..+فرش
انا : انا بطلع اتسوق وارجع احسم قراري بالشراء او لا << فصيحة الاخت
الخبيرة: بالعكس انا ما انصحك تستعجلي وتشتري اريدك تحطيه وتقرري
انا : كيف بقرر وانا ما طلعت برا يعني ما لمسنى هوا خارجي عشان اعرف كيف ثباته وان ما رايح يدهن..؟؟
الخبيرة : اذا حسيتي بدهون ما عليكي الا بفرشة البودرة ورتوش بسيطة راح تمتص البودرة الدهون وتختفي ..
انا طيب << تسوقت ورجعت لها بعد ساعتين واكثر لاني جلست اتقهوى .. تقريبا
وقبل ما اطلع تاكدت اني امر الحمام الله يعزكم او اي محل في مرايا واشعه الشمس تخلله
وفعلا
الدرجة + مناسبة +ثبات الاساس عجيب
الخبيرة: ها قررتي ..؟؟
انا : ايوة مرت كما ساعه الاساس ما تاثر رغم اني التسوق ممكن يجيب حرارة من الحركة ..
وممكن بشرتي تتبهدل هههه
الخبيرة : معروف ان هالفوانديشين طويل الامد يمتد لــ 8 ساعات واكثر ممكن !!
وانا فعلا قريت هالشي في الرفيوز !!
وكلامها صحيح مية مية بعد تجربتي لمدة اسبوع لها الاساس .. :thumbs_up:
ملخص تجربتي ….
* ان التجربة هي الشي الوحيد الي يبرهن لنا اذا المنتج مناسب او لا
* ما نستعجل بالشراء ابدا ..
ان شاء الله موضوعي على طوووووووووووووووووووله
بس يعجبكم
وهمووووسة لكل الي يحبن النقل بدون اذن .. مواضيعي دايما خاصة لعروس ما احبها تتطلع من المنتدى فلا تتعبي نفسك وتنقلي…. موضوع حصري جدا لعروس
اووووه صح .. اللوك ..
نكمل اللوك البسيط معتمدتنه هالايام ..ويمكن صاير موضة لاني لما سافرت تايلند كل التايلنديات يرسمون عيونهم بس انا احب اعمل حركة بسيطة اعتبرها حلو وتبين …
بعد الخطوات الاساسية
نحط البلاشر من ماك وبصراحة حابتنه هو برونزي محمر وما اذكر اذا كان بالاساس ليمتد او اون لاين … << ناسية 
الصورة وايد مفتح الدرجة مو كذا الدرجة ترا !! احلا ,,
الاسم love rush
بالفرشة المطشوبة انا احب الشدو الي ( ثاني درجة من اليسار )
ارسم كانه رسمة الاي لاينر وبعد ما اكحل عيني احطه خط واذا ساح الكحل اجيب الفرشة
وارتبه وازيد شوي منه بيطلع خط حلو ..
وبعدها بالتمويه الخفيف باصبعي امرر عليه بخفة يتموه بطريقة سريعه ..
باليت كلارنس
الكحل الكريمي من مابلين الاروع + فرشة مشطوبة = كحله القطة !!
ماسكرا ماكس فاكتر الذهبية حلوة للصباح
اضاءة من ماك رهيبة اسمها jest جربوها وهي مبللة تتطلع واو
فرشة لوضع الاضاءة من الف روعه حبيتها
وكحل من داييغو حلوو بصراحة مرتاحة له
من ماك روج اكيد عرفتوه اسمه speak louder + المحدد من ماك عشان املا الشفايف
قبل ما احط الروج يطفي لونه شوي ويثبته لفترة اطول اسمه spice
وبكذا خلصت هاللوك + غير محللة بالنقل …
واريد دعوة بتسهل وبتحقيق اموري عاجل غير اجلا …
وان شاء الله موضوعي يعجبكم :thumbs_up:
وتتهنين فيهم ان شاء الله
عجبني التغير الجديد واسلوب شرح ولااروع:p:adore::adore:
موضوع مميز من عروس مميزه
احترت في نفسي
كنت ناويه على فوندشين استي لودر دبل وير العادي
على ماسمعت عليه من مدح!!:confused:
والبودره ماحددت شنو اخذ؟؟!
انت شرأيك:o:o
كنت مترددة اشتري الفاونديشن لكن ألحين قررت أجربه…
والله يعطيكِ العافية
ربي يوفقج
سلمت يمناج ياقلبي:L:
تسلمي عالموضوع اختي و حاولت اقيمك بس ميزانك ما تجاوب
بانتظار جديدك
الله يعطيك العافيه
شفت فاونديشن بوبى بروان فى مواقع أجنبية واااااااااااايد يمدحون :I:
بس مشكله ماشفت فى سوق وين ينباع عشان نشترى متحمسة :biggrin: