شخباركم أمهات وشخبار بيباتكم 
حابة افتح معاكم تجمع خاص فينا احنا امهات الخدج ..
خصوصا ان بيباتنا يحتاجون رعاية خاصة واحنا محتاجين لخبرة بعضنا اكثر
وان شاء الله ألقى تفاعل حلو منكم فهالتجمع(y)
انا ولدت بنتي في الشهر السابع لان كان عندي تسمم حمل ووزنها كان كيلو و200غرام
طبعا للحين هي في الحضانة فديتها وامس خرعوني عليها الدكاترة حطوا لها مضاد حيوي
عشان شاكين ان فيها التهاب بالدم لان لقوا عندها جرثومة بالدم ..
فما ادري هل هالشي طبيعي ؟
لان الدكتور قال لي ان 80% من أطفال الخدج يصير لهم هالالتهاب لان مناعتهم ضعيفة ..
فما ادري حد مرت عليه هالحالة ؟
طمنوني لاني خايفة عليها واااايد 
وان شاء الله الله يشافيها ويعافيها ويشافي كل مرضى المسلمين ..
بنت خالي ولدها صار فيه التهاب بدم و الحين اسم الله عليه اينن و ميننا معاه عمره سنه الحين
وانا يبت بنتي اخر سابع قعدت جم يوم بالحضانه و صج يعني اخاف عليها ويبي لها طولت بال
خصوصا بالاشهر الاولي طول بالرضعه و كل شوي تبجي و كل ساعتين تشرب 20مل ..
و كنت اعطيها بعد طبيعي والازم التجشأ و طبعا لان فكها صغير تتعب بالرضاع و تلقينه توقف لكن انتي مسكي شحمة اذنها عشان تكمل رضاعه ..
انا عطيت بنتي حليب سميلاك نيو شور و المميه اعطيها سمول مع الايام خيرت الي ميديم انتي شوفي اذ قامت ترضع عدل غيري الي ميديم ..
و طبعا الازم امساك و غازات و مغص و البجي انا كنت يانسون شويه مو وايد وما كنت اعطيه تمر ولا سكر بنات الا بعد الاربع شهور ..
ولا تعطيها حلبه لانها مدره للبول ..
والازم دفينها عدل لان حتي بصيف برد عليها بس مو وايد دفينها لا بعتدال ..
و بعد رضاعه نوميها ع جنب و اذ بجت من مغض نوميها ع بطنها افضل تخلين احد اكبر منج ينومها ع بطنها و ايي حتي السبووح الازم احد كبير ..
و الازم تعتنين فيها وايد من نظافه و ملابس طبعا ملابس البيبي نتغشل بروح و بالباميرز و دهني جسمها بزيت زيتون كل اسبوع مره او كل اسبوعين ..
مع الايام يمكن تتاخر بالمشي بالحركه شي طبيعي و الاطفال قدرات ..
هذا كل شي تذكرته كتبته اذ في شي برد اكتب لج
بس عندي كذا سؤال
وين ممكن القى مراضيع خاصة بالخدج ؟
تكون الارقام اللي عليها بال ( مل ) .,
,,
انزين عندكم فكرة وين القى ملابس تناسب الخدج لان انا اللي شريتهم اصغر شي كانوا حق اللي اوزانهم
كيلوين ونص وانا حبيبتي بيعطوني اياها ان شاء الله اذا وصلت كيلو و800 غرام فما ادري
اذا يبيعون اوفرولات حق اللي اقل من كيلوين ؟
..