اخواتي العزيزات
من منطلق انشاء تجمعات للبنات المصريات لانشاء مشاريع صغيرة مشتركة و ذلك لتسهيل المهمة على كل مصرية فقد بدأت بأول محاولة و هي هذا الموضوع
مش ححدد المشروع انا ببس ححدد المكان كلنا هنا نكون من المنصورة و يكون عندنا مشروع في مخيلتنا عايزين نحوله من حلم لحقيقة
عن نفسي انا عندي افكار كتيرة و اهمها حاليا اني بفكر في فتح محل لبيع الملابس الحريمي خروج و بيتي و لانجيري و داخلي و عبايات و كل ما يلزم المرأة و اكيد ححاول يكون بارخص الاسعار الممكنة
عندي المكان و اغلب الورق خلصان بس بجد محتاجة لشريكة ماديا و كمان في المجهود
المكان قد يكون في الدراسات او في شارع الترعة الاتنين متواجدين
اتمنى لو بنات المنصورة يشاركو و يكون بينا تنظيم و نساعد بعض
في انتظاركم
بصى يا سكرة
عندك مشاريع كتير ممكن تعمليها من البيت بتكلفة بسيطة
مشروع تصنيع الملايات ومفارش السفرة
ومشروع تصنيع البيجامات البيتى للبنات بكل المقاسات والالوان والازواق
ومشرووع الماكولات المطبوخة
ومشروع الرسم على القماش
ومشروع تصنيع المنتجات الجلدية ( محافظ وشنط صغيرة وتابلوهات واى حاجة تتعلق بالمنتجات الجلدبة )
وفى مشروع ممكن تشتركى انتى وكام واحدة معاكى وتعملوه
وهو مشروع الحضانة النموذجية الترفيهية لان ده هيحتاج منكم راس مال اكير شوية
ويارب الفكرة تتحقق وتلاقى اللى يشاركك من المنصورة باذن الله
انا يا بنات عاوزة محل في منطقة كويسة ويكون ايجاره كويس
هفتحه مفروشات ان شاء الله
ياريت اللي تعرف تساعدني وجزاها الله كل خير
وانا حاليا مشتركة في أحد الشركات وبفرج الكتالوج للمعارف ومن خلاله بعمل شغل
ملايات وفوط وبطاطين وكوفرتات وهكذااااااا
وممكن اجيب فيه بلاستيكات اللي العروسة بتحتاجها
انا بالفعل بتاجر في الكلام ده من البيت
بس محتاجة محل
انا محتاجة اشتغل يا بنات قربت اتجنن من قعدة البيت
 |
اقتباس |  |
 |
المشاركة الأساسية كتبها hhuda  |
 |
 |
| عندي المكان و اغلب الورق خلصان بس بجد محتاجة لشريكة ماديا و كمان في المجهود المكان قد يكون في الدراسات او في شارع الترعة الاتنين متواجدين اتمنى لو بنات المنصورة يشاركو و يكون بينا تنظيم و نساعد بعض في انتظاركم |
||
 |
 |
المحلات دي تمليك ؟
وورق ايه اللي خلصان ؟
وسوري اني خرجت عن اطار الموضوع !!! :rolleyes: