أهلا وسهلا بيكوا ياجماعه فى تجمع بنات مصر لنظافة البيت :X_hell1:
هدفنا إن شاء الله فى التجمع ده هو "النظافه.. وبأقل التكاليف" :think: إزاى ؟؟!
هو ده اللى هنساعد بعض فيه .. اللى جربت حاجه لنظافة البيت و عجبتها و سعرها كويس تقول عليها و كلنا إن شاء الله نستفيد من بعض ..
عايزين ننضف بيتنا و إحنا مرتاحين و مبسوطين ..
مش مضايقين و الدنيا كلها فوق دماغنا و عايزين نكروت وخلاص ..
وكمان نساعد بعض إزاى ننظم جدول إسبوعى كده للنظافه ، و عايزين أفكار عشان ننضف بأقل جهد كمان :B_wink:
نحاول نفكر مع بعض ويارب كلنااااااا نستفيد و تبقى بيوتنا جميله وتلمع من النظافه :21_102:
يلا سلام
:87457:
بوصي انا مليش خبرة بالموضوع دا عشان انا سايبة المهمة دي لمامتي حبيبتي
لكن انا بحب بريل بتاع غسيل الاطباق حلو ومش بينشف الايد ههههههههههههههههههههه
بس اكيد هستفاد منكم تسلمى ياقمر موضوع حلو
بصى يا سيتى احنا فى بيتنا بنستخدم بصوره اساسيه كلور وديتول وصابون سايل من السرجه مش نوع معين يعنى والخلطه دى بنغسل بيها السيراميك والمطبخ بيبقى فله
بنمسح بقى الارض بميه وكلوركس بتاع التنظيف المنزلى بجد روعه شويه عليه بيخلى الارض تلمع
بالنسبه بقى للبوتجاز عشان عيون البوتجاز ترجع صفرا حبه ميا بصابون مواعين وعليهم ملح ليمون ونقطتين كلور عادى وانقعيهم ساعتين وادعكيهم بسلك تلاقى العيون رجعت جديده
غسيل الحيطان فى حاله ان الحيطه مدهونه بلاستك او لاكيه غير كده الحيطهخ ما بتتغسلش
سفنجه ناعمه او قماشع ناعمه جدا ومعاها فوطه ناعمه او قماشه ناعمه وحبه ميه باريال عادى وامسحى الحيطه بالسفنجه او القماشه وبالقماشه التانيه اللى تكون منديه بميه نظيفه تمسحى مكان السفنجه
خشب المطبخ بقى فى ماده كده مش عارفه اسمها بس النجار كان قايل عليها بيتحط منها على المطبخ وبيدهك بقماشه ناعمه وبيبقى فله
السجاد بنستعمل شامبو سجاد فاست ده بيتحل بميه ويتدعك فى السجاد بفرشه ويتساب ينشف ويتكنس بالمكنشه وحلو جدا وبيحافظ على السجاد
اه معلومه اخيره اللى صابون المواعين بينشف ايدهم سواؤ كان ماركه او سايب انقعى فيه قشر ليمونه طول اليوم يعنى اليمونه ماتقعدش فى الميه اكتر من يوم وانت بتشتغلى
ايه تانى ايه تانى:think:
بصوا ده اللى فاكراه دلوقت لو افتكرت حاجه تانى حرجع اكيد 
بس قولولى ايه احسن منظف بتاع اطباق غير بريل
وانا هكتب الحاجات اللي بستخدمها في التنظيف
انا بستخدم جنرال وهو كويس وريحته حلوه وكمان جت فتره واستخدمت ديتول بس بصراحه ريحته صعبه اوي بيفكرني بلمستشفيات معرفش ليه
المهم بقيت استخدم الكلور بداله علي شويه ميه
وانهارده جبت كلين اب الاخضر للتنظيف المنزلي بس شكله جامد وجبت مستر ماسل لو عايزن اصوره قولولي
بلنسبه للتنضيف باقل جهد
الاطباق تغسيلها في وقتها عشان مش تكسلي
التنضيف بقا من كنس وترويق ده يومي
وقبل ما انام اشيك علي كل حاجه في الاوض واقفل الغاز واقفل باب الشقه بلمفتاح والبلوكونات وكله عشان اصحي ويبقي البيت هادي
كده والواحد ميتنرفزش يعني
بصي اسم ايه بلظبط منظف السجاد لاني للاسف الشديد معنديش اي مكان اغسل فيه السجاد وجوزي دايما بيكسل يوديه المغسله انا عايزه اعرف هو كويس ومش ياثر علي السجاده وازي يتكنس بعد مينشف عايزه كل حاجه بلتفصيل ومنين وبكام
أسيل باشا ، ألف شكر عالتقرير المفصل ده ، 100 100
بس هقولك بقى على إكتشااااف رهيب للخشب .. إشتريت حاجه كده من ماىواى قريب إسمه "منظف وملمع للخشب" بس بجد تحفه ، بيخلى الأثاث عندنا يلمع و لا الريحه … رهيبه يابنتى ..أكتر حاجه effective جبتها من ماى واى .
وجبت منظف اسمه فيبا كان معاه كلور هديا كان سعره رخيص جدا بس مش فاكره طلع وحش مش بيرغى اوى وجبت منظفات صناعت هيبر 1 بس خففه ومش بترغى والدتى بتجيب صابون صحون سائل من واحد بيبع منظفات للبيت وبيرغى وبينظف اوى ومره ماما جبت حاجات الصابون السائل وجبته عملته في البيت وعملت جركنين كبار ملينين صاون بس مش فاكره الحاه اليه جبتها وصنعته بيها بس كانت جيبه زى برفن
كده او حاجه معطره بتتحط عليه وتقريبا حطت فيه جلسرين كان بينعم الايد اوى
أيوه يابنااات عايزين أفكااار أكتر فيما يخص أقل مجهود ديه ، لا حسن أنا من إمبارح و أنا بدعك فى الحيطان لحد ما جسمى إتكسر و لا كأنى جايه من الملاهى