السلام عليكم و رحمة الله و بركاته
أهلا بكم أخواتي الأمهات…
كل الأمهات شايفة لهم تجمعات إلا إحنا …ليش ؟! :2_106:
قلت إحنا كمان يكون لنا تجميع…نقول فيه تجربتنا مع وجود أكثر من طفل…
و يا ريت نخبر بعض بعدد الأطفال…
و كام الفرق في العمر بينهم…
و كيف قدرتي توفقي بينهم…أو في طفل كان على حساب طفل
و متى حسّيتي إنه المشاكل بينهم إنتهت…أو صار بينهم توافق ؟
المهم…خلّونا نتشارك لحظاتنا و همومنا و أفكارنا..
و ندعي مع بعض…كل العضوات اللي لسه ما عندهم بيبي…و أو عندهم بيبي واحد ينضموا لنا قريييب ( واحدة تحب الأطفل 
) :balloons:
بإنتظاركم…
وياهلا فيج اختي ويعطيج العافية خليتي لنا مكان نسالف فيه ونتبادل خبرات بعض ربي يجزاج خير
ويالله انا ببدي وبكون أول أم ترد ويارب يوفقنا لتربيتهم التربية الصالحة
انا عندي ثلاث اولاد ربي لك الحمد
الأول علي عمره 10 سنوات
والثاني أحمد عمره 5 سنوات وسبع شهور
والثالث عبدالله وعمره شهرين ونص تقريباً
وبما إن الفارق كبير حبتين بين عيالي فالتعب اللي اسمعه من أمهات كثيرين أخف عندي
بس بدا التعب يزيد يوم انهم الحين داوموا بالمدارس حاسة اني خلاص فقدت السيطرة
على نفسي وبأعصابي يعني سهر بالليل وقومة من صباح الله خير
يعني بالكثير أنام ساعتين ونص ومقطعة بعد مش متواصلة
هذا غير المشاغل اليومية بالإضافة إلى وجود البيبي الجديد وانتوا اخبر بمتابعته ومشاغله
وبالنسبة للمشاكل بينهم انا ما حاسة ان في مشاكل غير الحين شوي
اذا صاروا علاوي واحمد يلعبون مع بعض بالذات البلي ستيشن يعني كل جولة لعب
تنتهي بهوشة وحتى لو مو هوشة حقيقية تكون مصطنعة يعني يمزحون بخشونة
واخاف عليهم بالذات أحمد يتعورون والا يصيبهم شي جايد لا سمح الله
بس ربي لك الحمد كل مرة تجي سليمة :2_106:
ويارب يرزق كل محروم ومحرومة بالذرية الصالحة السليمة
انا عندي محمد سنتين واربع شهور … وعندي مريومه 11 شهر
طبعا حملت بمريومه يوم حمودي مسكين كان عمرة 9 شهور .. وطلعت للدنيا يوم عمر حمودي سنه واربع شهور انشغلت فالبنوته اكثر من حمود مسكين كان بين يدين اهلي والخدامة ..
بالنسبه لي واجهت صعوبه فالبداية لانهم بالليل كانوا يقومون ويا بعض وينامون ويا بعض فما كنت اقدر اتحكم فيهم ارقد منو ولا منو … المهم الحين الامور صارت اسهل لانه حمود الحمدلله ما يقوم فالليل..
بالنسبه لحمودي عندي مشكلة الضرب وياه وايد يضرب مريومه ..
اما مريومه الحمدلله مريحتني لانها ما شاء الله تندمج ويا الناس من اول لحظه ما تصيح ولا تستحي هذا الي مخفف عليه
بس تبون الصراحه لولا الخدامة ما بقدر اتحكم فيهم هم ال2 لانه حمودي ما شاء الله عليه يتسلق ويتشيطن ضروري حد يكون وراه يمشي … ومتعب شوي خاصتا اذا مرض ..
حلوين اليهال اييني شعور حلو يوم اشوفهم يلعبون يضحكون ويا بعض ..ويوم ينامون عند بعض الود ودي اكلهم اقعد ابوسهم وهم في عالم ثاني ..
حبايبي الصغاريه لو انم متعبين بس تحسين انهم ابرياء الود ودج اتيبن غيرهم وغيرهم ..
انا عندي محمود اربع سنين و3 اشهر
وبنوتي شام خانم عمرها سنتين و3 شهور تقريبا
الله يخليللي ياهم كل واحد فيهم اخذ دلال واخد حقه تقريبا لاني احاول قدر الامكان اني ما اميز وخصوصي انهم يفهمو تقريبا وخصوص شلم بلشت تستوعب
بس بصرااحة بحس لما انزل السوق على طووول اروح حق البنات بس محمود ابوه وراه على الدعسة يعني اذا انا قصرت ابوه دائما معه لانه حبيب ابوه
وبالنسبة للتعب ااااه مجننيني كل واحد بدو يلعب بالعاب غيره وعلى جكر وحمّة قلب من هالناحية بس حرام بيتفقو نوعا ما وبالنسبة لاطفال غيرهم وانا بنعمة كتييير من الله ولله الحمد والمنّة
بس حبيت اشوف اشلون راح يكون الوضع لمن اولد ان شاء الله
السلام عليكم و رحمة الله و بركاته
أهلا أختي أحلى شوق..
الله يبارك لك في عيالك يا رب… بس ما قلتي لنا إيش إنطباع أولادك بقدوم البيبي الجديد ؟
و هل الفرق بين العيال حلو ؟
أهلا أختي bj3a..
الله يحفظ لك محمد و مريم يا رب…يعني إنتي تحسي الفرق بينهم كان قليل ؟
في ناس تقول الفرق يكون سنتين…و في ناس تقول الفرق بينهم سنة…
بس أهم شيء يكونوا أصحاب مع بعض…ما تتخيّلي كيف حبّي للأطفال…و أحب كل واحدة تنوي تحمل و تجيب عيال
أهلا أختي الدمشقية..
الله يخلي لك محمود و شام و يبارك فيهم يا رب…
الفرق بينهم سنتين مناسب ما شاء الله…و ياللا شدّي حيلك تجيبي لهم أخ أو أخت إن شاء الله…واللا ناوية تأجلي الموضوع شويه ؟
لأني أسمع الناس يقولوا الواحد يرتاح بعد أول طفلين..
أهلا أختي lolu..
الله يتمم لك على خير يا رب…
كام بيكون الفرق بين عيالك إن شاء الله ؟ و هل شايفاه مناسب ؟
بالنسبة الي ولزوجي مو مفكرين حاليا ابدا بموضوع الحمل الله يخليلنا اللي عنا ويبارك فيهم
وانا والله ركبت لولب ست سنين لان بصراحة ولادتي كتييير صعبة وكمان ولادي بيكبرو شوي ونقدر نحنا كمان ناخد نفس
الا اذا ربي اعطانا فالحمد لله على نعمه
وانتي خبرينا ام مريم عن بناتك ربي يحميهم؟؟
 |
اقتباس |  |
 |
المشاركة الأساسية كتبها lolu  |
 |
 |
| انا عندي ولد واحد و حامل
بس حبيت اشوف اشلون راح يكون الوضع لمن اولد ان شاء الله |
||
 |
 |
نفس وضعي بس عندي بنت وحده و حامل
بس جاني فضول أشوف كيف الوضع مع طفلين
و أنا راح يكون الفرق بين بنتي و اللي في بطني سنة و سبعه شهور
و أنتي يا أخت مرموم ما كلمتينا عن نفسك؟
|
اقتباس | |
|
المشاركة الأساسية كتبها مرموم |
|
|
| السلام عليكم و رحمة الله و بركاته
أهلا أختي أحلى شوق.. الله يبارك لك في عيالك يا رب… بس ما قلتي لنا إيش إنطباع أولادك بقدوم البيبي الجديد ؟ و هل الفرق بين العيال حلو ؟ |
||
|
|
هلا فيج اختي مرموم وربي يبارك فيج وفي عيالج ان شاء الله
بالنسبة لانطباع عيالي بقدوم المولود الجديد
في البداية وقبل ما أحمل كانوا يحنون يبون بيبي وكل ما يشوفون
حد من العايلة والا حتى برا في السوق مثلا عنده بيبي يروحون له
ويلاعبونه مع اني ماكنت ابدا مفكرة أحمل هالفترة بس ربي لك الحمد
يوم شفتهم حابين يكون لهم أخ أو أخت قررت الحمل بعون الله
ويوم عرفوا اني حامل طاروا من الفرحة ويستنوني لمن أرد من مراجعات الحمل
وهات يا أسئلة شفتي البيبي وكم وزنه وشنو لونه وفيه شعر والا اقرع :poster_dev:
وكانوا يتمنون اكثر تجيهم اخت لكن ربي عطانا عبادي الحمد لله والشكر له
واللي أشوفه انهم يحبون اخوهم واحد يبي يعطيه حليب والثاني يبي يشيله
ومرة يبونه ينام معاهم بغرفتهم يعني لويه بس حلوة
وبالنسبة للفرق بين العيال انا أشوفه حلو لأني أحب أنظم حياتي
وما أبي واحد من عيالي ينظلم على حساب الثاني يعني أبي أعطي كل واحد حقه
بعدين احس ان العيال اذا كانوا صغار يبعدوني عن زوجي شوي وهالشي انا ما أبيه
وعذرا على الإطالة