تحذير لكم يا بنات البحرين
وتحذير لكل بنات دول الخليج
للاسف يا بنات
في وحده بمنطقة ســار
"تصبغ الشعر بالحنــة"
بعد نص شهر الي شهر
لاحظوا الناس الي مجربين
حكة شديدة في رؤوسهم
وتأكل بفروة الرأس!! شفت راس بنت بعيني كسرت خاطري 🙁
وسقوط للشعر غير طبيعي من مجرد مسحة عالراس ممكن تشيلين كومة!!!!
طريقتها هالحنة
تنحط بالشعر 24!! تخيلو
وتكون ثقلية عالرأس لدرجة ما تقدرين ترفعين راسش او تحطين عالمخدة!!
واغلب الي مسوينه ليلتها ما ناموا
وبعدها تغسل بشامبوا عادي – اي شامبو – لمدة ساعتين!
ولا ينصح بوضع اي من الملطفات او المرطبات للشعر بعدها
لها لونين
الاسود والأحمر
وممكن يخلطون اللونين مع بعض
في البدايات الكل تونس على شعره وخصوصاً ان النتايج كانت
شعر Wow
نعومة حرير وصبغة
لكن الســؤال الي متوهني
والكلـمة الي ابي اوصلها للحرمــة
هل النــاس تكسب أرازاقهــا بهذه الطريقة
والله حرام الي صار لكثير من البنات
وإلي شجعني اني اكتب لكم وحذركم يا خواتي
البنت الي كشفت لي شعرها وهي تصيح 😥 وتقولي شوفي صرت قرعة
ولما قسمت شعرها نصين .. كانت الطاااااااااامة .. والله اني خفت وتمالكت نفسي لا احرجها
فروت راسها متأكله مثل ما تصاب علبه بلاستك بالحرارة وتنكمش وتتاكل لداخل
اهيه بالضبط صار لها شذي 🙁
حسبي الله ونعم الوكيل
طلبت منها ان اصور بعض الصور لشعرها ورأسها
اهي متحجبة .. كنت ابي التقط لكم كم صور لشعرها كانت حجتها انها متحجبة بس انا حسيت انها
مستحية من شكلها وما حبيت احرجها اكثر
وراح احاول اني احصل لكم على صورة برضى الي جربوا
هـذا الخبر قولوه لكل حبايبكم وأقرابكم
واحذرووووا
واللــه علــى مــا أقــول شهيــد
وكــل كلـمـــة محــاسبـه عليــها امـام رب العالـميــن
والله يعلم بالنيـات والـغايـة
تحيتى،،
ينقل لركن العنايه بالشعر
أختي العزيزه الشيخه
جـزاج الله كل خير عالتنبيه
وصح كلامج مو بس منطقة سار واايد اللحين حريم يحطون هالحنه في البيوت
وحتى في الوسيط كل اعلانات للحنا وب20دينار ولا يسوى
عالعموم مشكوره عالتحذير
ان شاء الله بميزان حسناتج يارب
أختج الدانــــه
يتاجرن ويتكسبن من ورا الناس
علها في ذمتهم
المشكلة البنات من يسمعن عن شيء يطول الشعر والا ينعمه ع طووووول يركضن ويشتروه
يا بناااااااااااااااااااااااااااااااااااااااااااااااا اااااااااااااات
والله ان بعض الحريم بالذات اللي يبيعون كريمات التبييض
للجسم والوجه وغيرها من هالامور انهم ما يخافون الله
يبغون يكسبون من ورانا واغلب هالكريمات تضر وضررها اكبر عن نفعها
ليش ما نرض باللي الله كاتبه لنا
يعني الوحدة لما تكون سمرة ليش تبغي تبيض نفسها غصب خلاص هذي خلقة رب العالمين وانت ما بتصيرين بيضة
والا لالالالازم تصيرين مثل مايكل جاكسون تبيضين عمرج غصب
شو فيها السمرة حلوة مب شرط البيضة هي اللي تكون حلوة
انا ما اقول نهمل انفسنا بالعكس نهتم لكن في حدود المعقول
واللي شعرها مجعد غصب الا تخليه حرير ياما ما خلاص هذا نصيبج وشعرج ما بيسيح بهالخلطات
بالعكس بيتضرر
حاولي تهتمين بنظافته عن طريق تزييته وقصه وترتيبه وغيرها من الاشياء اللي ما تضرج
وتدمر نفسيتج
وخلي عنج سوالف الحريم وتجارتهن اللي تضر
وسلا متكن
اني عن نفسي ما احب احط أي حنة في شعري
لازم اني اللي اعجنها أو على الأقل أعرف المواد اللي فيها
والله يجعله في ميزان حسناتج
مشكوره حبيبتي الشيخه =)
على تنبيه بنات المنتدى و تنبيهنا =)
جعله الله بميزان حسناتج قولي امين =)
و حبيبتي ان شاء الله مايكون فيها ازعاج لاني غيرت العنوان و ضفت كلمة _ بنات الخليج )
حتى تعم الفايده =)
ومشكووووره يا قلبي من كل قلبي =)
×.::.*.::.× مَعَــ حُبـــــِّــي ×.::.*.::.×
.•°.*.°•. *بنتوتـــ~BanTooTa~ـــه* .•°.*.°•.
كيفيه خياطه وسائد لكراسى وبالخطوات المصوره
طريقه تقطيع وخلى الدجاج بالصور
ملف لبدائل المكونات الغير متوفره فى المطبخ
علامات البلاستيك …… واهميتها لصحتنا……لكل ست بيت لازم تعرف العلامات دى
تقطيع الفواكهه بالصور ادخلى مستنيه ايه
اشكال متنوعه لسله الفاكهه ادخلى ولن تندمى
تسحيب العظام من الدجاج وبالصور
اطباق من مطبخ الشيف دينا سرحان وبالصور
لشد ال وبياضه وازاله ال
لبشره صافيه متألقه خاليه من حب الشباب ومن البثور من داخل منزلك
ملف شامل لتحضير الكيك والتورته وحشواتهم
كاساااات الشيكولا
التركيبه العجيبه لتفتيح المنطقه (……. )
مذيبات ال لالالا تفوتك
مفارش للنوم فى احضان السماء
طريقه خلى الفخده وربطها بالصور
موسوعه مصوره للخبز والمعجنات
طريقه عمل الوسائد بالترقيع