هذه اول مشاركة لي بهذا القسم او بالاصح اول مشاركة في المنتدي بشكل عام .. واتمنى ان تفيدوني …
بكيفيت تحضير شنطة البيبي للسفر ..حيث ان هذا اول طفلي لدي من بعد 8 سنوات ..طبعا ليس لدي خلفيه في تحضير شنط ..باذن الله سوف تستقرق سفرة 20 يوماً وانا كثيرة الحيره بتحضير ..واتنمـــــــــــــــــــــــــــــــــــــــــــ ــــــــــــــــــــ انكم تفيدوني ــــــــــــــى .. ودعواتي لكم ..
والله يرزق كل من يتمنى :shy:
"رب هب لي من لدنك ذرية طيبة إنك سميع الدعاء"
بصراحه ودي أفيدج بس ماعندي خلفيه لأني ولا مره سافرت وخذت اطفالي
وآخر سفره كانت دموع فدموع من ولهي عليهم ومنها قررت ماسافر من دونهم
……والله يعين أكيد السفره متعبه معاهم ومش حلوه من دونهم…..
واهم شيء قبل السفر تكوني عارفه حالة الجو للمنطقه اللي رايحه لها سواء منطقه بارده
او منطقه عاديه مثل جونا العادي وبعدها ابدأي جهزي الشنطه ..
وضع البجامات .. والمهادات .. ومفرش نومه ويكون خفيف الوزن أن كنتي ماتحبي مفارش
الفنادق .. وشنطته اليوميه للفسح .. ومفرش حمل الطفل للانتقال به باليد او وضعه فالعربانه
وملابسه وملابسه الداخليه والحفاظات او بأمكانك ِ أن تستغني عن كل هذا بأخذ مجموعه بسيطه
من ملابسه وحفاظاته لتتمكني من الشراء له من هناك حتى لا تثقلي على نفسك .
وأن كنتي لا تقومي على ارضاعه فلا تنسي أخذ علبة الحليب أن كانت غير متوفره فالبلد الي
ستذهبين لها .
ولاتنسي شنطة الطائره ضعي بها الحليب وأدوات الرضاعه و3 حفاظات على الأقل وفوطه الصحيه
وأجعليه يمص اللهايه خاصه وقت اقلاع الطائره حتى لا يسبب ضغط الطائره على اذنيه ..
وجميل ان يكون لديكِ الحماله التي توضع على صدرك لحمل الطفل لتستطيعي التجول والتسوق
فالخارج دون عناء ..
وأنا افضل شنطة الطفل العمليه هي التي تحتوي على وساده لكي تستطيعي وضع الطفل عليها
وقت تبديل ملابسه او الحفاظ خاصه في خارج المنزل ومتوفره في كل محلات الأطفال ..
واتمنى لكِ سفره موفقه بأذن الله تعالى …. تروحي وترجعي بالسلااااامه ..
وأتمنى أنني أفدتكِ ولم أنسى شيئا ..وسوف يفيدونكِ باقي العضوات بأذن الله ..
أول شي سفرة موفقة
وان شالله تروحين وتردين بالسلامة…
بالنسبة للشنطة اللي بتاخذينها معاج في الطيارة:
1-حليب البيبي..
2-بسكويت للبيبي..
3-وجبة طعام..
4-مناديل مبللة ..
5-بامبرز…
6-المفرش اللي تبدلين البيبي عليه..
7-بدلة (احتياط) وفانيلة داخلية…
8-ملحف خفيف..
9-(3 أو 4 رضاعات)..
10-لعبة البيبي المفضلة.
………………………………………….. ………………..
وبالنسبة لشنطة السفر:
-ملابس البيبي (طبعا على حسب الجو)في الدولة اللي بتروحين لها.
-الملابس الداخلية للبيبي.
-بامبرز.
-قبعات للبيبي(اذا الجو بارد).
-بطانية.
-عربانة البيبي (أهم شي تكون مريحة).
-لعبة للبيبي تنحط في العربانة.
-لعبة اضافية.
-مناديل مبللة للبيبي مثل (بامبرز- هجيز – بيبي جونسون)
-شامبو – صابون للبيبي.
-فوطة للبيبي.
-مريلة ..العدد على حسب..
-سخانة الماء (أنا طبعي ما أحب استخدم الموجودة في الفندق فآخذ معاي..
-رضاعات إضافية.
-فوط صغيرة .
-جاكيت اذا الجو كان بارد.
-شنطة للطلعات.
-حليب البيبي..
*هذا اللي تذكرته الحين واذا تذكرت اي شي ثاني ان شالله بكتبه…
السفر مع الأطفال متعب ويحد من حركة الوالدين،، وإذا ماخذيتيهم طول الوقت تقعدين تحاتين،، أنا سافرت بدون ولدي مرتين بس كنت عارفة أنه بيكون مرتاح وبحال أحسن مع أمي من إذا سافر معانا..
سافرت معاه 3 مرات مرة الأردن ومرتين الإمارات..
الأردن كان عمره بس 6 شهور، طبعا كان شتاء قارس خذيت بطانيات وملابس داخلية مضاعفة وبدلات شتوية ثقيلة…
طبعا مع المراضع والبسكوت والحليب والبامبرز,,,,
لكن لما خذيته الإمارات كنت عارفة أني راح أحصل نفس الحليب والحفاظات فماخذيت من كل شي الا القليل وأشتريت من هناك…
فأنت يأاختي يعتمد على المكان اللي بتروحينه إذا راح تحصلين من نفس الحليب والحفاظات فماله داعي تاخذين كميات كبيرة وأشتري من هناك،، بس إذا الديرة مافيها خذي من كل شي كمية مضاعفة..
الملابس خذي كمية كافية لأن إحتمال ماتقدرين تغسلين كل يوم .. طبعا من ملابس داخلية وتيشرتات وشورتات وبناطيل
الأدوية من جل الحشرات، المطهر، البندول، مضاد للسعال والزكام،، لزقات، تحاميل، ترمومتر..
مستحضرات الحمام،، شامبو وصابون وبودرة وكريم، كريم الطفح..
أهم شي العربة للتنقل ويكون ماتشيلين البيبي على يدج….
وأتمنى لكم سفرة سعيدة وربي يحفظ لك ولدك من كل شر…
اسفه جداً على التاخير كنت نايمة في المستشفي مع البيبي عنده عملية …
تسلموون خواتي ع الردود الطيبه.. والله يعطيكم العافية …
واتمنى المزيد " طماعة" ..وانتو بصراحه ماقصرتو معاي- بس تبون صج واايد خايفة انسى اشياء مهمه ومالقاها هناك ..لي يقول رايحه بلد منفي:smile: … بس هذا اول سفره لي مع بيبي عمره " 5 شهور" وايد شايله هم :no:
باذن الله رايحه اكتب لكم تجهيزات للبيبي
مشكورين على المعلومات الحلوهونصائح جيدة قد تغيب عن البال…