السلام عليكم يا أحلى عرايس
والله أنا استفدت منكم كتييييييييييير مووووووووووووووووووت وقلت لازم أنا كمان أفيدكم..
المهم بحكيلكم قصتى… طول عمرى وأنا مشعرة جدا.. عندى شعر فى كل مكان وكل زمان.. والشعر أسود وأنا بيضاء ما شاء الله فالشعر باين جدا.. وطول عمرى أعمل بالسويت أو سيلك آبيل وللأمانة الشعر فى اليدين والقدمين خف حاجة بسيطة… المهم صرت كالمجنونة خصوصا ان فرحى قرب وهتعذب كتير بعد الجواز من كتر عمايل السويت ومش هلاحق والشعر القصير يا ويلى منه… وبقيت خايفة من يوم جوازى واتعقدت من حياتى ومن نفسى…
لحد فى يوم مالقيت وصفة على النت فى منتدى تانى والبنات فى هذا الموضوع كانت تقسم أنه حقيقى .. أنا ما كدبت خبر ورحت اشتريت المكونات من عند العطار وطلع عارفها وعارف الغرض منها فشجعنى أكتر وحسيت الموضوع معروف…
الوصفة بتقول ان الشعر يتأخر نموه 6 شهور وبعد كده يطلع وتستعمليها تانى فالشعر يطلع بعد سنة :rolleyes:!!!!!! وفى بنات قالت انها مشعرة فالشعر تأخر عندها شهر ونص وبعد كده طلع بعد 6 شهور…
قلت والله لأجرب.. الوصفة عبارة عن سويت عادية (بتعمليها فى البيت أو بتشتريها جاهزة) وبتدفيها على النار وبتحطى عليها المكونات التالية:
المعيار بتاعنا كوب ماء وكوب سكر لعمل السويت.. انا مش بعرف اعمل سويت فى البيت فبشتريها جاهزة
1– عصير نصف ليمونة
2- فسوخ بحجم البندقة والفسوخ يستعمل فى الأساس فى البخور وأفضل انواعه هو الفسوخ المغربى وهو ده اللى هنستعمله.. لونه أسود ورائحته طيبة ويشبه العجوة..
3- نصف معلقة صغيرة مستكة مطحونة
4- ثلاث معالق كبيرة من الشبة المطحونة
وتسيبى المكونات تستوى فى بعضها فى السويت وبعدين ترفعيها من على النار وتسيبيها تهدى وتستعمليها زى ما بتستعملى السويت عادى…
بالنسبة لتجربتى الشخصية… عملت نفس الكلام السابق وبعد انتهائى من نزع الشعر قمت بدهن كريم يحتوى على نبات السعد (منتجات أصالة وبنات مصر يعرفوها) وفضلت أدهن من الكريم يوميا لمدة أسبوع..
والنتيجة: اختلفت عندى من مكان لمكان وأكتر الأماكن اللى اتأثرت (بسم الله ما شاء الله) والشعر ما ظهر فيها لحد الآن كانت الايدين والرجلين … أما شعر تحت الابط خفت كثافته وأنا عملت هذا الموضوع من شهر وفى العادى بتاعى الشعر بيبدأ يظهر بعد أسبوعين..
بجد حسيت ان الموضوع فيه أمل وان مرة فى مرة الشعر هيروح فعلااااا وقلت لازم اشاركوا تجربتى.
قولوا بسم الله ما شاء الله 
لى رجاء عندكوا… حاولوا تجربوا هذه الوصفة وقولولى على نتايجها ولو عجبتكوا ادعولى ربنا يسهل لى أمورى ويحمينى وأهلى من الحاااااااااااااااااااااسدين
اللهم اني أعوذ بك جنيني بكلماتك التامة من كل شيطان وهامة ومن كل عين لامة اللهم احفظه وثبته يامن ثبت السماء بغير عمد انك على كل شيء قدير
مشكورة يا قلبي ان شاء الله اجربها وخصوصا ان المكونات سهلة
وموجودة عند العطار
قمر البحر: العفو يا حبيبتى.. جربيها وقوليلنا ايه النتيجة(f)
بيرين: العفو يا حبيبتى.. ماعرفش والله له اسم تانى ولا لأ. انا اول ما سمعت عنه برضه كنت مستغربة اسمه جامد بس رحت للعطار ولقيته عارفه.. روحى للعطار واسأليه وهو بيكون عارف اسماء الحاجة المختلفة..
بسمة أمل: العفو يا جميلة وجربيها وقوليلنا بقى ايه اللى حصل 😉
اللهم اني أعوذ بك جنيني بكلماتك التامة من كل شيطان وهامة ومن كل عين لامة اللهم احفظه وثبته يامن ثبت السماء بغير عمد انك على كل شيء قدير
و ربنا يبعد عنك عيون الحاسوديين كلهم
واظبى على قراءة سورة الإخلاص والمعوذتين يوميا 3 مرات صباحا و مساء
و ربنا يسعد زوجك بيكى وتكونى أحلى عروسة فى عيونة
انا عندى سؤال……. ينفع أعملها و أنا حامل؟
 |
اقتباس |  |
 |
المشاركة الأساسية كتبها sherrykitty  |
 |
 |
| ألف مبروك يا سكرة على النتيجة وعلى الزواج و ربنا يبعد عنك عيون الحاسوديين كلهم واظبى على قراءة سورة الإخلاص والمعوذتين يوميا 3 مرات صباحا و مساء و ربنا يسعد زوجك بيكى وتكونى أحلى عروسة فى عيونة انا عندى سؤال……. ينفع أعملها و أنا حامل؟ |
||
 |
 |
ميرسى يا شيرى وتبقى احلى ماما قريب ان شاء الله (f)
مش عارفة والله ينفع للحوامل ولا لأ مش بحب أفتى اسألى الدكتورة أحسن .. مفيش داعى لمخاطرة من أى نوع فى الوضع ده.. وربنا يتمملك حملك على خير ويرزقك بأحلى بيبى ان شاء الله..(f)
اللهم اني أعوذ بك جنيني بكلماتك التامة من كل شيطان وهامة ومن كل عين لامة اللهم احفظه وثبته يامن ثبت السماء بغير عمد انك على كل شيء قدير