ترتيبهم يالله يا بنات لو تتدرون كيف اعاني من هااي المشكله
انا حاطه الحلقان في علبه والخواتم في علبه السلاسل في علبه يعني تقدرووون تقولون انه عندي 3 علب للاكسسوارات
بس الاغراااض تنعفس بالذات الحلقااان اتشوووفونهم انه متشربكين ويه بعض واتشوووفوني اني اعيد في الاكسسوارات هياازة مني ما فيه افك التشربيك
ابي اعرف كل وحدة كيف مرتبه اكسسواراتها
انا عندي علبة خاصة للخواتم هدية من احدى صديقاتي وهي مثل علبة الخواتم اللي عند محلات المصوغات الذهبية , بس أصغر ,
أما المصوغات الذهبية بعد لها علبتها الخاصة , وتقدرين تشتريها من المحلات او حتى تفصليها عند ورشة نجارة لو حبيتي وبعدين تغلفي داخلها بقطعة قماش احمر حرير أو مخمل ,وتكون هالعلبة مثل صناديق الذهب القديمة بس أصغر , ياريت أعرف شلون اضيف الصور كان ضفت لك صورة صندوق عاجبني تصميمه بس ما أستخمه لأنه كبير , بس انتي ذكرتيني به ,,,
وتقدري حتى بنفسك تعملي هالصندوق مستطيل وتخلي فيه جانب صغير للخواتم وجانب واسع لباقي المشغولات والسلاسل , وجانب ثاني صغير للأقراط , وتقدري تعبي الجوانب الصغيرة بالاسفنج أو الفش المغلف بالقماش بحيث تغرسي الاقراط في الاسفنج او الفش ,,
او تضعي كل سلسلة او قرطين بكيس قماشي صغير, ثم تضعيه في الصندوق وبهذا تضمني عدم تشابكهم بسلاسل اخرى,
شنو رايكم بفكرتي ؟
فيه تكون شنطه للأكسسوارات محدد كل شي فيه تغدرين تحطين الساعات صوب والخواتم المكان المخصص لهم …
والسلسل تقدرين تعلقينهم لهم مكان ….
بتحصلينهم في ليف أستيل ….
وفيه بعد صناديق تكون من خشب أنا شاريه 2 من محل صيني ….تكون من داخل محدده أنا حطه فيه الحلق …
أن شالله أصورلج الشنطه والصناديق ونزلهم ….
(i) الفكرة الثانية عبارة عن ستاند لتعليق الاقراط مثل الصورة
(i) الفكرة الثالثة عبارة عن اطار لتعليق الاقراط مثل الصورة ممكن تجيبي اطار جميل و تعمليه بالالوان الي تحبيها مثل الصورة و تزيني بيه التسريحة او تعلقه جنبها
و هذا رابط لان الصورة كبيرة http://www.3roos.com/uploaded2008/20…1211644741.jpg
ان شاء الله اكون افدتك و السلام عليــكم :15:
هلا والله يا قلبي
حلو موضعج ويخلينا نتعرف على طرق العرايس في ترتيب اكسسواراتهم
وماشاء الله كفو ووفو
وان شاء الله تكونين استفدتي من طرحهم
حياج الله
ومنكم نستفيد يا قمراااات
انا اعاني من نفس المشكلة
عندي صندوق مقسم الى 3 طوابق
السلاسل بروحهم و الخواتم بروحهم و الحلق بروحهم
بس لما اجي ابي اخد شي الاقيهم كلهم مشربكين
و خصوصا السلاسل
قلت باخد الستاند لانه انسب طريقة لحفظ الحلق من الشربكة
انزين نبي بعد حلول
او من وين نشتري ذاك الشي مال التراشي انا ابي
 |
اقتباس |  |
 |
المشاركة الأساسية كتبها ورد وريحان  |
 |
 |
| حبيبتي
انا عندي علبة خاصة للخواتم هدية من احدى صديقاتي وهي مثل علبة الخواتم اللي عند محلات المصوغات الذهبية , بس أصغر , أما المصوغات الذهبية بعد لها علبتها الخاصة , وتقدرين تشتريها من المحلات او حتى تفصليها عند ورشة نجارة لو حبيتي وبعدين تغلفي داخلها بقطعة قماش احمر حرير أو مخمل ,وتكون هالعلبة مثل صناديق الذهب القديمة بس أصغر , ياريت أعرف شلون اضيف الصور كان ضفت لك صورة صندوق عاجبني تصميمه بس ما أستخمه لأنه كبير , بس انتي ذكرتيني به ,,, وتقدري حتى بنفسك تعملي هالصندوق مستطيل وتخلي فيه جانب صغير للخواتم وجانب واسع لباقي المشغولات والسلاسل , وجانب ثاني صغير للأقراط , وتقدري تعبي الجوانب الصغيرة بالاسفنج أو الفش المغلف بالقماش بحيث تغرسي الاقراط في الاسفنج او الفش ,, |
||
 |
 |
يعطيج العافيه الغاليه عاد انتي عطيتيني الفكرة وانا ما اعرف اسويها عند امنو وانا مب شاااطرة في التزيين وهاااي الحركات (y)
|
اقتباس | |
|
المشاركة الأساسية كتبها الخوافي |
|
|
| هلالالالا حبيبتي …..
فيه تكون شنطه للأكسسوارات محدد كل شي فيه تغدرين تحطين الساعات صوب والخواتم المكان المخصص لهم … والسلسل تقدرين تعلقينهم لهم مكان …. بتحصلينهم في ليف أستيل …. وفيه بعد صناديق تكون من خشب أنا شاريه 2 من محل صيني ….تكون من داخل محدده أنا حطه فيه الحلق … أن شالله أصورلج الشنطه والصناديق ونزلهم …. |
||
|
|
الغاليه انتي قلتي محل صيني وين تتطرين اعرف هاااذيل الصينييين كل شي عندهم
والشنطه هااايوين اقدر احصلها