ترجيع ولدي مو طبيعي ! اتمنى المساعده 2024.

بناات انا وودي براايكم شووي وتعطوني فيسكم اهني ههههههه وكل وحدة

تنصحنيي شسووي ..

علاوي يررجع بشكل احسه مو طبيعيي اتعب اتعب وانا ابدل له كل يووم

وانظف له يومي يروح كل على غسيل ثيابه وتبديل المفرش ماله وثيابه

من كثر مايرجع رحت المستشفى خذو منه حتى دم وسوو له اشعه على بطنه

طلع كل شي طبيعيي ومافي شي يخووف ونصحني الدكتور اغير له الحليب

من نان العادي الى نان اي ار الا هو ضد الارتجااع وغيررته وحسيت ان

هذا هوو للحين يررجع وثاني شي هذا الحليب تعبنيي اكثر من الترجيع حتى

من كثر ماهو غليظ تطيح بلعووم علاوي ويالله تنزل قطرة وغيرت له

الحلمة وخذيت له اكبر الا هو مديم وهم نفس الشي وووووايد غلييظ

وكريه ولا ينزل من المرضعه يبي لعلاوي ساعه على مايخلصهاا انا من كثر

ماشوف يرجع للحين ويتعب في شربها رديت هاليوميين حق نان العاادي بس

قاعد يررجع دبل دبل اليووووم انصدمت مااتم شي ابد في بطنه حتى لو

ماكنت اعطيه شي يررجع حتى كراسي الصاله وصل لهم وهو عليهم غير

ثيابي اللي ابدلهم يعور قلبيي حتى نوم مايقدر يناام لان كل شوي يقعد يبي

يطلع مادري شسووي احتررت له !! ابووه يقوول نررد على نان ضد

التررجيع بس سالفة ماينزل شي منه وغليظ اكرهه وشي ثاني ولدي امس

واليووم اعجز منه مايرضى يشرب من صدرري خليته بالجوع ورجعت اعطيه

نفس الشي راااافض يشررب انا تكدررت اليووم واحس قلبي عوورني

يمكن لان كثر طلعاتي هالجم يووم وتميت اعطيه صناعي امي تقول استحلى

فيهاا بس خايفه مايشرب مني ويعوف صدري وهو توى صغير وانا ماودي

من الحيين بس ياخذ صنااعي واحس الصناعي كله مايناسب اصلا بطنه

احس ولدي بدى يضعف حتى امي لاحظت فمادري حدي متحيره على

سالفة الحليب وسالفة التررجيع انا مابي اوديه المستشفيات لان تمللت وانا

ارووح ويقوولون لي طبيعيي ..!

يعني بدون مبالغه الحين قبل لايناام بشووي بدلت له 3 مرات ورى بعض

ونام وهو مو راضي يشرب من صدرري قلت يمكن يقعد بعد شووي جوعان

ويشررب منه ..

غير جذي ان الامسااك فيه على طوووول يمكن كل اسبوع يمشي مرة

ويمشي بالزوور مايتم ادويه اعشاب ماسوي له لا حلووة ولا نبات ولا شي

وبس هي اللي عندددي بليززز ساعدووني بنااااااااات ..

الترجيع عادي بس مو بكثرة انا كنت اعطي ولدي سيميلاك وكان وايد زين حبيبتي لازم تخلين الياهل يتجشأ عقب ماترضعينه حطيه على كفتج وطبطبي عليه يتجشا وشوي يرجع احيانا لكن صج يرتاح ووشوي شوي يقل الترجيع كل ماكبر الياهل وعن الامساك انا ولدي كان كل يومين او3 عادي بس اهم شي تشوفين خروجه مب صلب يعني مايعتبر امساك اذا كان قوامه لين وعليج بعصير البرتقال ومنقوع التمر وايد زييييييييييييين والله يشافيه وتبلغين فيه

حبيبتي تأكدتي ان ولدج مافي اذنه التهاب
لان بنتي يوم كان عمرها شهرين كانت تبكي بشكل هستيري وترفض الرضاعه الطبيعي والصناعي وكانت ترجع بعد وطلع عندها التهاب بالاذن
وكنت اعطيها سيميلاك ادفانس وبدلته لي الدكتورة بيبيلاك ومره حلو وناسبها

وبخصوص الامساك بنتي كانت مثل ولدج
صرت احط لها بالرضاعه 40 مل عصير برتقال واخففه بمويه وبسرعه يمشي البطن
وامي بعد قالت لي على حركة اسويها اذا مانفع عصير البرتقال اجيب عود الاذن واحط عليه فازلين وادخله وانتي بكرامه في فنحة الشرج شوي
على طول يخرج البيبي ويرتاااح
والف سلامة عليه ولدج

فديتة علاوي الجميل الله يخلية

والبنات كفو وفو وانة ما عندي خبرة في الحليب الصناعي لاني كنت ارضع فطوم طبيعي وبعد كانت ترجع مثل النافورة كنت ما احب اطلع وياها دايما ريحتي زوووع خخخخخخخ ولما وديتها المستشفى بعد قالو لي طبيعي وعادي يستمر للشهر الثامن وفعلا بعدين اختفى تدريجيا عقب ما لوعت جبدي ههههههه

وما يشوف شر الحلو

ياقلبي حاسة فيج ولدج مثل ولدي وقبل بنتي

بنتي انقطع عنها الترجيع ويا 7 شهور وولدي توه من شهرين منقطع عنه

يعني سنة و3 شهور تصووووري ! عانيت وياه وااايد

ومثلج كنت ماحب حد يقول لي عادي كنت ابغا حل

كانو في العيادة او المستشفى يقولون لي عادي

لأنه بعض الأطفال ينولدون وعضلة فتحة المعدة ضعيفة عشان جذي الحليب لين دخل المعدة

العضلة ما تنغلق الفتحة العلوية ويطلع الحليب ويرجع الطفل !

بس كلمة عادي تدل لي انه مافيه حل للين يكبر وتقوى العضلة

وعطوني بعض النصايح تقلل من الترجيع مثلا لازم الأم تجشئ الطفل بعد الرضاعة

ما تعطيه حليب وايد ، بعد ما يشرب الحليب لازم ما احركه أو ألاعبه أو اهزه عشان ما يرجع الحليب

طبعا نصوحوني أغير الحليب غيرته ما فاد وكل النصايح اللي قالوها ما فادت

وايد تعبت من تغيير نص الليل وهو صغنون ما ينام كل شوي يرجع

وأقوم أبدل له كل شي الفراش وثيابه وتوني ملبسته يرد يرجع عليهم قدامي بدون مبالغة

وارد أبدل له وبعد يرجع عليهم قدامي !!!!

ثيابه كله بالغسالة ظل لين صار ياكل وتصوري قام يرجع لي أكل

ما أتهنى بطلعة وايد كان يرجع بطريقة مو عادية كل شي ياكله كل شي يطلعه …

بس الحين الحمدلله ما يرجع .. أنا ابي بس اقول لش مو بس ولدج فيه أطفال فعلا جذي مثل ولدش

وفيه أطفال بس ياكلون ينقطع عنهم الترجيع بنتي الله يحفظها بس أكلت انفطع عنها

وفيه أطفال بس شهرين ثلاث عيال اختي جذي

ياااارب أن شاءالله ينقطع عنه الترجيع وتطمنين عليه وترتاحين والله يحفظه ويخليه لج يارب

هلا حبيبتي
أنا ما عندي خبرة بس حبيت ادعي له بالشفاء وما تشوفين شر عليه يارب
بس ولد حماتي دائما يرجع وبطنة فيه امساك

بس حاولي تودينة عيادة خاصة ..يمكن نوعية الحليب الصناعي ما تناسبة وهو الحليب بطبيعتة يجيب لهم امساك هالصناعي
وحاولي تعطينة ملينات المشكلة انة عمره شهرين بس فما تقدرين تعطينة عصير برتقال سكري
أنا اشوف اختي تعطي ولدها عصير برتقال سكري عشان يلين بطنة بس ولدها اكبر من علاوي
الله يحفظة ويخليه لج يارب

حالة ولدش نفس حالة بنتي يوم كنت صغيرة

بس لا تخافين فترة وتعدي

بالنسبة للامساك لان تعطينه طبيعي وصناعي هو الا يسبب اليه امساك

اعطيه ماي وبيمشيه بطنه