تريدي تعرفي انواع الكونسيلر ؟؟ حياكم الله } ~ ,, 2024.

• لتصحيح ملامح الوجه، يعني نصغر مناطق وَ نكبر مناطق
مثال: تصغير شكل الانف ، أو إعطاء إتساع للجبهه ، تحديد عظمة الفك والخدود …. الخ و هالطريقه تسمى بالهايلايتنق والشيدينق

• تصحيح لون البشره ، نطفى إحمرار أو شحوب ، نخفي مناطق غامقه كآثار الحبوب وَالهالات الداكنه …. الخ
وَ يستخدم لها كونسيلر بألوان متعدده ( أصفر ، أزرق ، احمر ، برتقالي ، زهري ، أخضر، موف ) وَ غالباً مايطلق على الكونسيلر الملون كوريكتر (مصحح)

راح نفصل هالنقطه بالموضوع وراح تفهمونها أكثر ..

………………

أنواع الكونسيلر ~

Liquid Concealer | الكونسيلر السائل

غالباً مايستخدم للبشره الجافه والحساسه ، وَأيضاً للبشره إلي بها تجاعيد ، لأنه غني بالسوائل وَ مرطب بالدرجه الأولى ، من قوامه نعرف إن تغطيته جيده لكن مش قويه ، ملائم للتغطية النهاريه
وَلتغطية الهالات البسيطه ، يعني هالنوعيه ماراح تعطينا فول كوفرج

طلع بالسوق نوعيه سائله لكن Oil free أي تعطي مظهر matt ‘مطفي وَ المظهر المطفي يفدينا لو كان عندنا نفخه تحت العين لأن اللمعه راح تزيدها ، أيضاً لو كانت بشرتنا دهنيه لكن نبي تغطيه خفيفه
أيضاً بحكم إن هالكونسيلر ملائم أكثر للبشره المتقدمه في السن ، راح نحصل نوعيات مكتوب عليها lefting يعني تشد المنطقه وَ راح تكون غنيه بالفيتامنيات عشان تقلل تكتل الكونسيلر على خطوط التجاعيد

تعرفين من وصفه إنه يشد وَ أيضا يرطب لكن ماراح تكون تغطيته Full

• أيضاً عندك اللي يجي على شكل قلم كبس وَ معه فرشه تغطيته ناعمه وَ خفيفه

TOUCHE ECLAT من Yves Saint Laurent ايف سان لوران

• وأقوى تغطيه بين الأساسات السائله هو إللي يجيك على شكل عصار
راح يكون قوامه أسمك من إللي قبله أيضاً يتاسب لتغطية الهالات وَ الحبوب وَ مناسب أيضاً للهايلاتينق وَ الشيدينق

Creamy Concealer | الكونسيلر الكريمي

وَ هو إللي نشوف أغلب خبراء التجميل يستخدمونه وَ غالباً ماجي بباليته تحمل عدة ألوان ، تغطيته قويه وَ تدوم لفتره طويله إذ استخدم للهالات يبيله بشره دهنيه وَ خاليه من التجاعيد

فيه نوعين من الكونسيلر الكريمي ~

نوع قوي جدا وتغطيته قويه وَ سميك للغايه يستخدم غالباً للوجه ، إذا أستخدم تحت العين راح يبين سميك وَ يتكتل . لذلك يبيله حرص

مثل

5 Camouflage Cream Palette من MAKE UP FOR EVER

فيه نوع كريمي أيضاً وَ تغطيته قويه ، لكن أكثر ترطيب ، أشوفه المثالي يجمع بين التغطيه القويه وَ الترطيب وَ المظهر الأقرب للطبيعي

Stick conceler | الكونسيلر الإصبع

تغطيه قويه ، ملائم للتغطيات الثقيله البقع وَ الهالات الداكنه يتناسب مع البشره الدهنيه وَ غير مناسب للبشره الجافه أو إللي فيها تجاعيد لأنه راح يتكتل ويبين كثير

Multi-Action Concealer من Yves Saint Laurent إيف سان لوران

يختلف قوامه حسب نسبة الترطيب ، فيه ماركات الستيك اللي فيها قاسي وَ البعض مرطب ..
فيه أنواع خاصه بالشفايف تنباع أحياناً مع الأرواج راح يكون مكتوب عليها Stick Lip conceler

Concealer Pencil | قلم الكونسيلير

بعض الكونسيلر يجيك على شكل قلم لكن قوامه تقريباً مثل الإصبع

مثل

Concealer Pencil من Urban Decay أوربان ديكاي

مخصص لتحت العين وَ العيوب اللي بالوجه ، وانتبهوا فيه نوعيه بلمعه مخصص لإضاءة الحاجب ، ففرقوا بين الاثنين

Pressed Powder Concealer| كونسيلر البودره المضغوطه

نادراً ما يستخدم لحاله يعني ممكن لو مافيك هالات ، تستخدمين الفاونديشن وَتموهين المنطقه بدرجه أفتح من الكونسيلر باودر ، بس غالباً يستخدم الكونسيلر باودر كتغطيه ثانيه بعد إستخدام الكونسيلر السائل أو الكريمي لإعطاء طله مطفيه
الباودر دائماً يبين التجاعيد لذلك لازم الحرص أثناء الإستخدام

مثال

من كلينك Clinique Redness Solutions Instant Relief Mineral Pressed Powder

Loose Powder Concealer | كونسيلر بودره حره ( سائبه)

Powderflage Set من Benefit

تقريبا نفس مفعول كونسيلر البودره المضغوطه ، بس هذا ممكن يكون فيه لمعه ، يستخدم لإضائة تحت العين

مُلاحظة ~
الأمثله إللي ذكرتها مو المقصود إنها الأجود ذكرتها للتوضيح فقط ، لأن مو كل الماركات فيها كل الأنواع

المصححات أنواع ، فيه منها خاص للمد على كامل بشرة الوجه إللي نسميها بيس ماقبل الأساس ، هذي تكون مثل اللوشن خفيفه وَ تغطيتها SHEER طبعاً ماتهمنا بموضوعنا الحين ، راح نتكلم فقط عن الكونسيلر الخاص بالبقع إللي تحتاج تغطيه قويه

المصحح الخاص بالعين وَ البقع هو بالأساس كونسيلر بس مخصص لتصحيح لون البشره ، وَ هو الطبقه الأوليه إللي نستخدمها كبيس للكونسيلر ، يعني نستخدم الكوركتر وَ فوقه نستخدم كونسيلر بلون قريب من بشرتنا

فيه ماركات تخصص المصطلحات اللونيه بستاند وَالكونسيلر بستاند ، بينما هي نفس الشي
من فتره كانت المصححات تقريباً مايستخدمها اللي البروفيشينال وَ تلقينها بالماركات الخاصه بالمحترفين ، أما الحين صارت الماركات العاديه وَحتى الراقيه تنزلها لإستخدامات الأفراد الشخصيه
وَ صرنا نلقاها مفرده أو بشكل باليته صغيره

راح نفصل الألوان أكثر حسب مشاكل بشرتنا ، نقدر نستخدمها لتغطية الكدمات ، الهالات السوداء ، الوحمات ، النمش ، الكلف ، الحروق ، التاتو

الألوان الأساسيه هي ||

أخضر، برتقالي، أصفر، موف ، زهري ، أزرق

فيه تفرعات من هالألوان مثل المشمشي ، البيج المصفر …. الخ

وبالماكياج لازم نتبع قوس الألوان المتعارف عليه مثل مانتبعه في صبغات الشعر وَ الملابس وَ غيرها

الحين شوفو معي القوس ، الألوان تشكل حلقه ، كل لون بالدائره يقابله لون ثاني ، الوان حاره تقابلها ألوان بارده وَ العكس صحيح

خلينا ناخذ على سبيل المثال ، اللون الأحمر RED يقابله اللون الأخضر GREEN

الكونسيلر الأخضر
لتغطية البقع الحمراء مثل الحبوب وَالعروق الحمراء ، وَ غالبا يستخدم بالوجه مو تحت العين ، وذا استخدم بالعين بيكون بجزء معين مثل قرب الخشم ، لانه مظهره راح يبين وَ يبيله دقه

الكونسيلر الأحمر
قلنا للبقع الخضراء ، مثل الوحمات الكدمات ، أيضاً بعض البشرات السمراء للغايه ( السوداء ) هالاتهم تكون خضراء يعني نقدر نغطي الهالات فيها وَ حتى البقع المخضره بوجيهنا

الكونسيلر البرتقالي
للبقع الزرقاء وخاصه تحت العين ملائم جداً للبشره السمراء وَ الحنطيه والبشره العربيه عموماً , طبعاً اعتمادا على لون الهاله يعني إذا هالاتنا زرقا راح نستخدم برتقالي

الكونسيلر الأزرق
لتغطية البقع البرتقاليه … على سبيل المثال صلحتي برونز فاشل وصرتي برتقاليه مثل القرع ، راح يطفي اللون البرتقالي ( ملائم للبشره البيضاء الأوروبيه يعني الحمر)
أيضاً يستخدم عشان يعطي البياض الأحمر نقاء ، يعني يصير بياضهم ناصع وَ يطفي الاحمرار

الكونسيلر الموف
يضوي شحوب البشره إذا كانت صفراء

الكونسيلر الأصفر
يغطي البقع الموف يعني إذا هالاتك موف ، بنفسجي إستخدمي كونسيلر أصفر ، وَ غالباً مايليق بأغلب أنواع البشره ، لأن تحت العين غالبا مايكون فيها عروق موف ، أيضاً يستخدم للهالات البنيه ,وغالبا يليق مع أغلب المشاكل

الكونسيلر الزهري
نادر الإستخدام ويناسب الهالات الشاحبه الرماديه وَ ممكن المائله للأخضر ( بس صعب استخدامه للغايه وخاصه انه ممكن يعطي نتايج عكسيه ويخلي الهالات موف بدل مايحسنها ، لكن في حال خلط مع برتقالي ممكن يعطي نتائج أفضل)

فيه ألوان مشتقه من الألوان الأساسيه ..
على سبيل المثال لون السالمون ، أو الخوخ أو المشمش ، بنضري هي احلى الألوان وأكثرها طبيعيه خاصه لبشرتنا العربيه لان تجمع بين الزهر والأصفر والبرتقالي

ملاحظه ~
لاحظت ان الماركات إللي تحدد وَ تكتب كوريكتر يكون قوامه كريمي أكثر من الكونسيلر ، أيضاً
ًًتكون تغطيته ناعمه أكثر
يعني نقدر نقول على sheer شوي مو دائماً ببعض الماركات ، مثل جيرلان الكوريكتر الملون كريمي شير يعني تغطيه خفيفه .

تم بَحمد الله }

اتمنى ان تكونوا استفدتوا منه مثل ما انا استفدت منه وااااايد ..,,

منقول للاستفاده ..,,