كم مره يحتاج الطفل لسباحه؟
لبد ان تعلمي ان الطفل لايحتاج الى سبحه كامله كل يوم .
كل يومين الى ثلاث احيانا بالاسبوع مره يكفي حسب الي يناسبك ويناسب الطفل..في اطفال يحبون السبح 
هني ممكن يعمل له شور كل يوم
اما اذا كان يقلب الدنيا :confused::confused:ممكن تطويل المده الى يومين ثلاث ..
بين فترتي السبح ممكن ان تقومي بي…
"top and tail"
على قولت اخوانا الاستراليين….خخخ
يعني تمسيح الرقبه الوجه المؤخره
مهم :
*كل شي يكون جاهز وبمتناول يدك
*حرارت الغرفه اهم شي بالسبح لبد ان تكون
دافئه
*ماتتركي الطفل لوحده حتى لو تستخدمين
الكرسي المساعد للسبح الي ياتي كسرير مشخول…
يله خلونا نجهز الملابس وكل الي نحتاجه لتسبيح الطفل
لبد ان يكون بجانبك :
الفوطه
فوطه صغيره
قطن
اعواد اذان
الملابس
الحفاظات خلي احتياط ثنين احيانا البيبي يغدر…خخخ
البودر
الفازلين او اي كريم تستخدميه للمنطقة الحفاظ
لمنع احمرار المنطقه
ان كان طفل يرظع غير طبيعي جهزي له رضعه
قبل لا نبدا بالخطوات لزم الطفل مايرظع قبل السبح على الاقل 10 دقايق
تاكد من حرارت الغرفه اذا كان فترة شتاء
وان صيف يسكر المكيف او السنترال
لابد من عمل تدفئه للغرفه قبل التسبيح البيبي بي 15 دقيقه
المسبح الخاص للبيبي احيانا ياتي ككرسي اوممكن تستخدمين اي مسبح عادي
وطبعا سطل جدر….. خخخ يكون فيه الماي دافي…
المسبح تحطين في فوطه لسلامه حتى ماينزلق الطفل
وتحطين ماي قليل …
قبل لا تحطين البيبي بالمسبح تاكدي من حرارت الماي باستخدام الكوع …
حطي البيبي وانتي مااااسكته بطريقه الصحيحه
لاحظو الصوره انه في فوطه تحت البيبي وانه تساند ظهره علشان يتركى على المسبح الخاص فيه …
هني صوره توظح اكثر طريقة مسك الطفل اثناء تسبيحه
طبعا الطفل مايصير تغسلين راسه اول شي لانه اسم الله عليه بيتمرض
اول شي تجيبين القطن تبللينه بالماي تمسحين عيونه
كل عين لها قطنه خاصه لاتستخدمين نفس القطنه لكلتا العينين
تنظيف الاذن من الخارج لاتدخلين العود داخل اذون البيبي بس على داير الاذن الخارجيه
بعود اذاان طبعا لكل اذن عود لاتستخدمين نفس العود…
تستخدمين الفوطه الصغيره للمسح وجه البيبي بالماء
طبعا الرقبه مايبيله كلااام اهم شي المنطقه هاذي اهي الي تاذي الطفل اكثر شي بسبب الترجيع وانتو بكرامه والسعابيل …
ترفعين الطفل شوي شوي وتمسحين ظهره
لاحظي المسبح فيه الماي والفوطه علشان الطفل يحس بالامان ولايخاف
وانتبهي لمسكة الايد اهم شي تكونين ماسكه البيبي بهاي الصوره علشان تتحكمين فيه ومايزلق لاسمح الله ..
تمسحين على اطراف افخاذه وتغسلين المنطقه الحفاظ وريوله طبعا
عقب تصبين علي كامل جسمه ماي وترفعينه وتلفينه بفوطته
الحين عقب مالفيتيه بالوفطه عدل ترفعينه وانتبهي لطريقة الشيله بالصوره علشان تغسرلين راسه
الايد تكون تحت ظهره وطبعا ماسكه راسه من الرقبه بايدك علشان مايحرك راسه وانتي تصبين الماي على راسه
تصبين ماي شويه على راسه عقبها الشامبو وتغسليه وتستخدمين المشط الخاص بالبيبيات وتمشطين راسه باتجاه وجهه ….
وتصبين على الماي وطبعا بكل خطوه تسمين بالرحمن الرحيم والافظل انك تقري ايات وانتي تسبحين البيبي التعويذات والاستغفار ….
تنشفين راسه عدل وتسوين كل الخطوات الازمه له بعد السبح من تنشيف وتزيت وتعطير
باختصر بكتب لكم
تنشفين راسه
رقبته
ابطه
حاولين السره تاكدي انه السره ناشفه خاصه للواليد
الافخاذ منطقة الحفاظ
تحطين له كريم لوشن او زيت الاطفال حتى لاتتقشر الجلده
بودره لرقبه الابط الفخذ
وتلبسينه ملابسه كبوسه تقمطينه ترضعينه
وبينام نوم العوافي اقل شي 5 ساعات …..
حمام الهنا يارب وربي يخليلكم اعيالكم يارب ….
لاتنسوني من الدعوات الطيبه
والتقيم مابقولكم لا…خخ
اختكم
أم زهراء
اعيد واكرر انه الموضوع جهد شخصي ارجو عند نقل الموضوع ذكر المصدر.
ويعطيكي الف عافيه
وتستاهلي التقييم
خصوصا للامهات الجدد
جزاك الله خير
يعطيكِ العافية : )