صدور دجاج مقطعه شرايح رفيعه اومكعبات
بصله مقطعه شرايح
نص حبه كبيرة فلفل رومي مقطع شرايح
طماطم مقطع شرايح
نص ملعقه بهارات
رشه ملح حسب الذوق …
ناخذ المقلاة ونحط فيه ملعقتين زيت ونشوح الدجاج الى ان يقارب الاستواء
ثم نضيف البصل والفلفل والطماطم والبهارات والملح ونقلبه ونتركه يستوي على راحته
في هذا الوقت قلت اسوي خبز وبصراحه ماتوقعته يضبط معي فقويت قلبي وبديت اجهز مقادير العجينه وبما اني كنت بسوي الاكل لشخص ونص فقللت المقادير وهذا اللي خوفني انه مايضبط بس صراحه استوى وصار ميه ميه…
عجينه الخبز مقاديرها:
2كأس دقيق
ملعقه صغيرة ملح
ملعقه صغيرة بيكنج باودر
ملعقه كبيرة سكر
ملعقة زيت
وعجنتها الى ان اصبحت متماسكه ثم نقسمها الى 6 قطع >>>انا طلعت معي 4 لان سويت مقدار واحد بس
••●●••
ملاحظه..
-كل ما زدتي العجن راح تطلع معاك النتيجه افضل
-وكل ما حسيتي ان العجينه مش طريه زيدي شويه زيت الى ان تصير بالسمك المناسب..
-العجينه ماتتركينها تتخمر على طول ابتدي الشغل فيها
••●●••
العجينه طلعت معي كذا
هنا بعد ماكورتها >>>تكوير خرابيط
بعدين نفردها وفي هالوقت نكون مجهزين الصاج على الفرن علشان يسخن شويه ودهنته بشويه زيت شوووي لاتكثرون وحطيت العجينه المفروده عليه
مثل ماتلاحظون ان الخبز بدا ينتفخ عندنا وبيصير فردتين نفس اللي في المخابز بس احنا مانبيه يصير فردتين ابيه يصير خبز تورتيلا فأول مايبتدي يستوي من تحت شوي نقلبه ونجيب صينيه ونضغطه به وكل ما قلبنا الخبزه نحاول نضغطها>>>شرحي حلووو مو؟؟!
هذا في الأخير الخبز لما استوى وحطيت عليه الدجاج وتقدرون تضيفون اي شي تحبونه جبن مايونيز سلطه بس انا هنا ماحطيت لأنها لأختي وتعرفون لصغار ماشاء الله يحبون كل شي حتى الفليفله والطماط اللي فيها كلش ماشالته لأنهاصحيه
نقدر نسوي سلطه خفيفه ونغطيها ونخليها بالثلاجه ونقدمها مع السندويتشات
السلطه :
على حسب ذوقك يعني الكميه حسب رغبتك تكثري اللي تحبين وتنقصين اللي ما تحبينه
طماطم نزيل اللب ونقطعه بشكل طولي
خس مقطع رفيع
بصل اخضر
ملح وفلفل اسود
زيت زيتون شويه
وبعد اممممممممم تقدرون تحطووون برغل معاها بتطلع ولا اروع
تخلط وتغطى وتترك في الثلاجه
هنا الشكل النهائي ~
••●●••
هالطبق لما تجربونه راح تحسووون بلذته .. ونصيحه الخبز لاتفوتونه >>>مخططه اعيد التجربه
بس هاااااااااا لاتنسون كاس العصير
للامانة الموضوع منقول بس جربتة وطعمة لذيذ
لاتنسوني من تقييمكم F:
سلمت يداكِ
شكله رائع
بس الاطباق المجربه لازم تكون من اطباق عضوات عروس
وتحطي انتي تطبيقك ورابط العضوه اللي طبقتي طبقها
والف شكر الك
مشكورة عالشرح و الترتيب المفهوم.
في انتظار جديدك
تسلم إيدك ع الإبداع