(f)السلام عليكم و رحمة الله وبركاته…(f)
شخباركم أمهات و شخبار عيالكم…أكيد امتعبينكم، و خاصة لو هم تعبانبن، لا بتتهنون ابإجازة و لا شي إلا يوم يصحون، صح كلامي ولا 
المهم، قبل 3 أسابيع تقريباً كنت حاطة هالموضوع عن ولدي و الأكزيما الشديدة اللي صابته
http://www.3roos.com/forums/t388344.html
http://www.3roos.com/forums/t388344.html
أبا الكل يستفيد لأني الصراحة ماأبا حد يعاني أو يمر باللي مر فيه ولدي المسكين.
كيف بدت الأكزيما عند ولدي؟؟
كان باقي أسبوع على عيد الفطر، ولاحظت احمرار بسيط تحت عيونه الاثنين و اذنه، مثل الحبة الصغيرة، طبعا مت من الخوف، مع انه ماكان شي ينشاف، المهم على طول وديته عند دكتور أطفال خاص، عطاني مرهم بس بدت الحبوب او الاحمرار يكبر شوي شوي، شليته مرة ثانية ووديته الوصل، قالي الدكتور اللي هناك هاي بكتيريا ووصاخة بتخوز بعد يومين بالكريمات اللي عطوني اياها بس بدون فايدة، بعد كم يوم بعد وديته الوصل طبعا حاله كان أسوأ و أذنه كانت وايد ملتهبة ( الله لا يردها عليه يارب,,,قولوا آمين)، عاد هاليوم قالي ولدج فيه أكزيما، اتخيلوا عطاني كريمات وقال مب لازم اتراجعيني لانها بتختفي و اترد تظهر(الله يسامحه)، والله انها مووووووووول ماخفت،إلا تمت تاكل في ويه و راس ولدي المسكين والله اللي شافه هذيك الأيام يقول انه محترق أو صابين عليه تيزاب.:confused:.. ماجد حد من أهلي مر بهالمشكلة ، أمي اتخبلت ماخلت كريم مايابته بس بدون فايدة….وآخر شي، خالتي اتصلت وقالت وددوه عند كلداري.
كان باقي أسبوع على عيد الفطر، ولاحظت احمرار بسيط تحت عيونه الاثنين و اذنه، مثل الحبة الصغيرة، طبعا مت من الخوف، مع انه ماكان شي ينشاف، المهم على طول وديته عند دكتور أطفال خاص، عطاني مرهم بس بدت الحبوب او الاحمرار يكبر شوي شوي، شليته مرة ثانية ووديته الوصل، قالي الدكتور اللي هناك هاي بكتيريا ووصاخة بتخوز بعد يومين بالكريمات اللي عطوني اياها بس بدون فايدة، بعد كم يوم بعد وديته الوصل طبعا حاله كان أسوأ و أذنه كانت وايد ملتهبة ( الله لا يردها عليه يارب,,,قولوا آمين)، عاد هاليوم قالي ولدج فيه أكزيما، اتخيلوا عطاني كريمات وقال مب لازم اتراجعيني لانها بتختفي و اترد تظهر(الله يسامحه)، والله انها مووووووووول ماخفت،إلا تمت تاكل في ويه و راس ولدي المسكين والله اللي شافه هذيك الأيام يقول انه محترق أو صابين عليه تيزاب.:confused:.. ماجد حد من أهلي مر بهالمشكلة ، أمي اتخبلت ماخلت كريم مايابته بس بدون فايدة….وآخر شي، خالتي اتصلت وقالت وددوه عند كلداري.
شلينا عمارنا العصر و سرنا عند د.ابراهيم كلداري، بنات ما بتصدقون، بس شاف ولدي نظرة وحدة ماشاء الله عليه، عيني عليه باردة، حتى ما لحقت أسأله هاي أكزيما ولا حساسية ولا شو بالضبط من كثر ما كان مستعيل…عطاني كريم من عنده اسمه Essential Skin Care، أعتقد انه ما ينباع فالصيدليات وصنع أمريكا، قالي استخدميه اسبوع وتعاليلي بعد اسبوع، من عقب استخدام الكريم، 80 % من الأكزيما خفت و المناطق اللي كانت جافة طاحت، الحمدالله.
سرتله عقب أسبوع، بس د. ابراهيم ما كان موجود، ولده د. حسن كلداري فحص ولدي للمرة الثانية و عطاني كريم هو عبارة عن خلطة هم امسوينها لعلاج الأكزيما، وكتبلي سائل استحمام وكريم من منتجات Oilatum ، أصب غطا من Oilatum Bath في ماي دافي و احط الولد واغسل جسمه و راسة لمدة 5 دقايق تقريبا، هو سائل زيتي و يرطب الجسم وايد، اللي بتستخدمة لأول مرة لازم ادير بالها لانه واحد يزحلق،وعقب ما أطلعه من الماي، أدهنه بOilatum Cream، ونصيحتي للي عندها طفل يعاني من الأكزيما، لازم اتوقفين كل منتجات الاستحمام من صابون وشامبو من منتجات جونسون و سيبا ميد وغيرها لاني تجفف و اتهيج المناطق المتأثرة، حتى لو مكتوب عليها للبشرة الحساسة أو لاتسبب الجفاف، واستبدالها بمنتجات Oilatum، وبتحصلونه في أي صيدلية.
الحمدالله، ولدي تشافي منها وارتاح، بس باقي الآثار البيضا و الحمرا تختفي و يرد طبيعي، بس حبيت أشارككم و أفيدكم عسب محد يعاني مثل ما عانيت، هالأيام الواحد لازم يسير كم مكان عسب يحصل العلاج اللي يفيد….واللي يبغي عيادة د.كلداري، هي في جميرا 3، عنده فيلا كبيرة هناك، أعتقد كان مكانه قبل فالكرامة و توه منتقل عيادته اليديدة….يزاه الله ألف خير.
الأطفال عموما، تيهم الأكزيما بسبب نوع الأكل اللي ياكلونه أو الجو أو اذا كان فيهم ربو، ولدي لين اليوم ماعرفت ليش ظهرتله، مع انه بس يرضع طبيعي؟؟
والسموحة طولت عليكم، فالختام أمانه اللي تقرا موضوعي تدعي حق ولدي الله يعافيه و لا يشوف الأكزيما مرة ثانية…
الف الحمدلله على سلامة الولد ، و الله يبعد عنه أي مكروه ..
و راح تفيدي كثير من الامهات بعرض تجربتك ..
الله يشافيه ويعطيه الصحه والعافيه
شر ماعاد ان شاء الله ومشكووووووووورة حبيبتي على هالمعلومات المفيدة
مشكوورة والله جزاكي الله خير على طرحك تجربتك وتقديم الفائدة وربي يحفظلك ابنك من كل شر
تسلمين على الموضوع المفيد
وايد تعاني بنت اختي من الاكزيما الله يشفيها و يعافي كل عيال المسلمين
مشكوره ربي يحفظ ولدج و يعافيه
وايد تعاني بنت اختي من الاكزيما الله يشفيها و يعافي كل عيال المسلمين
مشكوره ربي يحفظ ولدج و يعافيه
الله يعطيه الصحه والعافيه ومايشوف شر
ولد اخوي نفس الحاله امكن جته وقالوا الى امه ماتستخدم ولاصابون او كريم
عطوها ادويه خاصه بس خف عنه اشوي
ولد اخوي نفس الحاله امكن جته وقالوا الى امه ماتستخدم ولاصابون او كريم
عطوها ادويه خاصه بس خف عنه اشوي
 |
اقتباس |  |
 |
المشاركة الأساسية كتبها ! أنــثــى !  |
 |
 |
| الف الحمدلله على سلامة الولد ، و الله يبعد عنه أي مكروه ..
و راح تفيدي كثير من الامهات بعرض تجربتك .. |
||
 |
 |
هلا اختي أنثى،مشكورة عالمرور و الدعوة الطيبة
|
اقتباس | |
|
المشاركة الأساسية كتبها القمران |
|
|
| الله يشافيه ويعطيه الصحه والعافيه | ||
|
|
مشكورة اختي القمران عالدعوة، الله يشفي و يعافي الجميع انشالله
|
اقتباس | |
|
المشاركة الأساسية كتبها ايسمار |
|
|
| شر ماعاد ان شاء الله ومشكووووووووورة حبيبتي على هالمعلومات المفيدة | ||
|
|
هلا اختي ايسمار، مشكورة عالدعوة الطيبة.
|
اقتباس | |
|
المشاركة الأساسية كتبها الدمشقية |
|
|
| مشكوورة والله جزاكي الله خير على طرحك تجربتك وتقديم الفائدة وربي يحفظلك ابنك من كل شر | ||
|
|
هلا بمشرفتنا المبدعة، مشكورة عالدعوة و يشرفني مروروج لموضوعي.
|
اقتباس | |
|
المشاركة الأساسية كتبها um3asool & 3asoolah |
|
|
| تسلمين على الموضوع المفيد وايد تعاني بنت اختي من الاكزيما الله يشفيها و يعافي كل عيال المسلمين مشكوره ربي يحفظ ولدج و يعافيه |
||
|
|
هلا اختي أم عسول و عسولة، الله يشفي بنت اختج انشالله وماعليها شر، مشكورة عالدعوة.
|
اقتباس | |
|
المشاركة الأساسية كتبها جنه ساكنها حبيبي |
|
|
| الله يعطيه الصحه والعافيه ومايشوف شر ولد اخوي نفس الحاله امكن جته وقالوا الى امه ماتستخدم ولاصابون او كريم عطوها ادويه خاصه بس خف عنه اشوي |
||
|
|
هلا اختي جنه، حبيبتي اذا ولد اخوج ماخف جربوا اتودونه عند كلداري وانشالله يخف 100% و يزاج الله خير عالدعوة.