بسم الله الرحمن الرحيم
السلام عليكم ورحمة الله وبركاته
أدري انه وايدات ما بيعجبهم كلامي بس أنا بغيت أذكركم با أخواتي أنه الحرمه حرام تطلع من البيت متعطرة. أنا أقول هذا الكلام لأني لاحظت أنه في وايد بنات ما يطلعون من البيت إلا متسبحات بالعطر و متبخرات بعد:no:. طبعاً إذا وحدة سايرة تزور حد و اللي بيوصلها أحد محارمها مافيها شي بالعكس… و إذا يالسه في البيت تقدر تتعطر و تتبخر. ليش البنات كله ينسون هاذي النقطة و يطلعن و يمشن و ريحة العطر وراهن؟؟… أنا أحب العطور وايد بس من عرفت أنه حرا م الحمداللله وقفت من التعطر قبل الطلعة.:clap:
إذا عن الريحه,,, اللي تتسبح كل يوم و تحط Deodrant ما تخاف تطلع لها ريحه,
ولا شورايكم؟؟؟؟:shy:
layla2005
والله حبيبتي كلامج كله صح بس وين اللي يسمعون ويطبقون وينتبهون
للاسف وايد بنات بالاماكن العامه اشوفهم ريحتهم تهل قبلهم
ولا بالدوام العطورات تترس الاداره والمشكله تقهرني الوحده لي قالت شرايكم بعطري!!!!!!!
وهذ بالاضافه الى المكياج الصارخ اللي ماله لازم والشيلات اللي فيها لمعه وترتر بنات
انتبهو قبل اي خطوه تخطونها حبيباتي
وتسلميـــــــــن حبيبتي layla2005 على كلامج ونصيحتج 
أتمنى أن تستفيد كل البنات منه..جزاج الله ألف خير حتى في البيت مب دوم اتعطر
يعني خلاص عودت عمري
والله يهدي الجميع….
كلامج صح وانا وحدة احب اتعطر ولما كنت اروح الجامعة كنت ابخر عبايتي واعطرها عالخفيف بالليل والصبح تكون الريحة باردة وخفيفة وايد وما راح اتشمها الا اللي بتكون قاعدة جنبي >>>>يعني لاصقة فيني من قلب
بس في البيت الحجي يتغير كل ما اشوف غرشة عطر اتسبح بها على طووووووووووووووووول كخخخخخخخخخخ
الحمدلله ما اتعطر إلا في المكان اللي بروحه…
ولا في البيت
حتى بابا أحياناً يقولي يابنت ما تتركين عنك هالروائح اللي لفت براسي هههههههههههههههههه
واخوي برضوا كل ماشم عندي عطر جاء , واخذ رشه قبل يروح لمردسة خربته من بدري ههههههههههههههه
بس اي عطر اشتريه يجي يشيك عليه ويسألني عن العطورات ونروح نشتري
بس الحمدلله عمري ما تعطرت وخليت أحد من الرجال يشمني
خاصة وأنه احنا عائلتنا محاااااافظه ومجتمعنا برضوااا (( الحمدلله ))
ومشكوررررررررررررررررررررره لطرحك
وليه مايعجبنا الي يعجبه يعجبه
والي مايعجبه بالطوفه
اكتبي دامك انتي صح وماعليك
يسلمو عالتذكير
ودمتي