تعالوا شوفو أختي اللي عمرها 3شهور 2024.

بسم الله الرحمن الرحيم

اختي عمرها 3شهور ماتشرب الحليب إلا60 mlوبعض الاحيان ترجع يعني المفروض تاخذ أكثر في هذا العمر ايش اسوي وتبكي شكلها جعانه تحزن ايش اسوي..تكفون اعطوني حل ولكم دعوة

ليش ماتودنه حق الدكتور على الاقل ايفيدكم بشي عدل…للاطمان عليها

شوفي حبيبتي الطفل ياخذ حاجته من الحلي ما له داعي تكلفون عليها وتشربونه زيدة أكيد البنية بترجع الزياد عليها .. معدتها صغيرة مو زينا ..

بالنسبة للترجيع فيه أطفال يصير عندهم كذا ، أنصحكم تجشأوها أول بأول وشوفي دام إن وزن البنية في إزدياد فما له داعي القلق .. شوفوا الطبيب أحسن وعسى خير يا رب .

على فكرة الترجيع الخفيف هذا يبدأ يقل مع مرور الوقت

كلام ام المهند عدل

وانا اشووف طبيعي لــ 60 ml

انا بنتي وهي بعمرها تشرب كذا

لاتخاافي حبيبتي ان شاء الله مافيها الا العاافيه

تحياتي

اتوقع انه عادي طالما انه وزنها يزيد مو ثابت والله ان بنتي لما كان عمرها شهرين ماتشرب الا 60 مل بعدها صارت تشرب كلما يكبر الطفل تكبر معدته وتزيد كمية الرضعه

أشوف الكمية عادية أنا ولدي كان جذي، ومع مرور الأيام تزيد الكمية دام صحتها والحمدلله زينة لاتقلقون.. وترى سالفة الترجيع شي طبيعي أختي كانت جذي وكل شي ترجعه وحتى لوتصيح او تضحك بقوة وماتغيرت حالتها الا يوم يمكن وصلت الإعدادية….

مشكوووووووورين ..

الطفل ياخذ حاجته قد مايقدر من الحليب واذا شرب زياده لازم بيرجعه

لان معدتهم صغيره وماتتحمل

العرايس ما قصرو

لا تخافين
بتي كملت السنه و هي لازالت تشرب 60 مل و الكل يستغرب بس لما وديناها عند دكتورة قالت الييي عادي و لا تجبرينها لأنها تاخذ حاجتها و على قد معدتها…………………..

و حتى الكمية القليلة الليي كانت بتي تشربها تزوعها و قالوا الييي عادي بيتعدل وضعها كل ما تكبر

ولكن ما وقفت تفريغ الا لما قريب بتكمل السنتين (n)

ان شاء الله بتش مافيها الا العافيه ولا تخافين لأنه كل الدكاترة يقولون عادي(y)