اولا مبرووووووووووووووووك .. وعقبال كل البنات يا ربي ..
وربي يرزقكم الزوج الصالح .. والذرية الصالحه ..
والحين نبدأ بترتيب أغراض الزهبة .. بس قبل لا نبدأ في الترتيب ..
راح اهمس لج في اذنك بهمسه أخت لأختها ,,
لا للإسراف والتبذير .. الحمد لله رب العالمين كل حد عنده خير ونعمه
(ربي زايد بفضله علينا) وانا ما اقول الكم أقتصدوا .. لا خواتي .. بس ..
خذي حاجتك واتذكري ان السوق موجود ما راح يطير وكل يوم الموضه تتغيير ..
وعند الشراء تذكري الاشياء التالية ..
عند شراء العطور وكريمات الجسم .. والمكياج
لا تكثرين
(لان بإذن الله راح تحملين وفي فتره الوحام راح تكرهين ريحه عطورك وكريماتك ومالج بارض اتحطين مكياج )
عند شراء الاحذية ..
8 (ازواج من الاحذيه) تكفى
نوعي في الاحذية (مسطح + كعب طويل + كعب طويل + بوت + حذاء للبيت)
(بعد اقولج لا تكثرين لان بإذن الله راح تحملين وفي فتره الحمل ما بتقدرين تلبسين الا المسطح او الكعب القصير)
عند شراء الملابس .. وملابس النوم والانجري
الجلابيات المغربية 2
الجلابيات العربية 4
فستان سهرة خفيفه 2
أطقم بلوزات + تنايير 5
أطقم بديات + بناطلين 4
ملابس النوم خفيفة للبيت 8
بجامات 5
اللانجري والملابس الداخلية والمناشف (حسب الرغبه)
(بس ارجع واقول لج لا تكثرين لان بإذن الله راح تحملين وفي فتره الحمل ما بتقدرين تلبسين هالملابس لان قياسك راح يتغير واذا خليتى هالملابس لين بعد ما تربين بتكون موضتهم راحت ,, )
عند شراء الاكسسوارات .. واكسسوارات الشعر
فلا تكثرين منهم ..
كم حلق على كم قلب على كم اسوووواره على كم حزام اذا تحبين الاحزمه
يعنى ما يمنع انه تأخذين اكسسورات بكمية معقوله ..
وقباضات الشعر خذي لج قباضات من النوع الكبير ب 5 ألوان مختلفه ..
وقباضات صغار وتكاتك دلع تلبسينهم مع قمصان النوم
عند شراء العبايا والشيل
خذي لج 5 أطقم عبايا وشيل
(3 أطقم كشخه ) + ( طقمين شغلهم خفيف)
و لاتنسين شيل بيضا للبيت ..
(واتذكري انه كل يوم تنزل موضه لقصه العبايا وموديلاتها .. والسووووق موجود )
اما عن شراء الذهب والساعات ..
هذا يعتمد على الميزانية (لووووووووول)
(الذهب والساعات سعرهن فيهن لذلك شوفى ميزانيك كم واشترى الكمية اللى تريدينها)
اما عن شراء الشنط
نوعى في الشنط ..
( شنط كبيرة للإستعمال اليومي 4 + شنط صغيرة للمناسبات 2 + أبواك 3 )
واذا ميزانيتج تكفى ممكن تأخذين 3 شنط ماركات أصليه + 2 بوك ( وتكتفين)
وسامحونا اذا نسيت شي .. لانه هالاشياء اللى حاظرتنى حاليا ..
والحين تعالوا معايه ..
انرتب هالاغراض في الشنط علشان تأخذينهم على عش الزوجية (القفص الذهبي)
اولا نأخذ طقم شنط متشابهه علشان يكون الكولكشن حلو
واذا اغراضج واااايد ممكن تأخذين طقمين
وممكن تستخذمين نفس الشنط للسفر في شهر العسل
الشنطه الكبيرة
(للملابس + العطورات)
الشنطه المتوسطه
(قمصان النوم والانجري + الملابس الداخلية + المناشف + الكريمات)
الشنطه الصغيرة
(للعبايا والشيل)
شنطة (هاند باج)
للأحذية
شنطة الاكسسوارات
شنطة أكسسوارات الشعر
الصورة النهائية والشنط مفتوحه
وأخير .. سكروا الشنط واتوكلوا على الله .. على القفص الذهبي
وفي انتظار رايكم .. وردودكم الحلوة ..
أحلى تقييم++ لعيونك الحلوين
والله يوفق الجميع
ومتناسق ومفيد للعرايس
تستاهلي التقييم
يعطيك العافية
يسلموا علي الموضوع الرائع غاليتي
واشكر المشرفه على منح مشاركتى ..
وسام المشاركة المتميزة
واتمنى ان افيد هذا المنتدى الرائع ولو بشيء بسيط
جزاك الله خير
يعطيج العافيه
وصدقتي يوم قلتي (( بدون اسراف وتبذير ))
ترى حتى لو قلتي بحتاج وباخذ وايد وبغير فيهم
عقب بتتمللين منهم وخصوصا قمصان النوم واللانجري
وعقبالنا يارب 😮