كيفكم يابرنسيسات
بنات اللي تظبط القهوه
والكل يتجنن عليها
تقولي شوو تسوي بالتفصيل
انا بصراحه اعرف اسوي قهوه
بس لازم يطلع فيها شيء غلط
يعني يكون البن قليل او كثير
او الهيل قليل
مره وحده سويتها وعجبتهم
والكل يمدح
بس المصيبه ماكنت مركزه لما سويتها
مو فاكره كم ملعقة بن حطيت ولا شيء
تكفين بنات اللي تظبطها
تقولي طريقتها بالتفصيل
واكون شاكره لها
في انتظاركم
حياج الله عزيزتي…
تختلف أذواق الناس في القهوة… في ناس يحبونها خفيفة، و ناس يحبونها ثقيلة و ناس يحبونها وسط!
و كله يعتمد على البن نفسه و بهارات القهوة اللي تستخدمينها…
الوالدة تشتري البن اللي يجي في أكياس خيش، و هي اللي تنظفه و تحمصه… و التحميص يكون وسط… و تحمصه في الفرن على نار هااااادية كثييير، و تروح و تجي عليه و تقلبه… و تحمص معاه شي اسمه شيبه…
و للقهوة، قيسي كمية الماء في دلة القهوة نفسها، عشان يطلع المقدار مضبوط!
يعني عبي الدلة ماء للأخير و شوي زيادة، بعدين صبيها في إبريق القهوة و حطي عليها البن… للدلة الكبيرة مقدار فنجالين قهوة بن، إذا كانت محمصة وسط…
و عليها حطي البهارات اللي تفضلونها، أنا أحط مسمار، إذا مطحون ربع ملعقة صغيرة، و إذا حب تقريباً 7 حبات أو 9!
و ربع ملعقة صغيرة زنجبيل بودرة، و شوي زعفران… و الوالدة تضيف تقريباً ملعقة صغيرة مبيض قهوة، و الحركة أخذتها من صبابة كانت قهوتها خطيرة!
أرفعي الإبريق على نار عالية و أول ما يغلي، احسبي ربع ساعة بالضبط، لا تخففين الحرارة!
و طبعاً في الدلة بتكونين حاطة الهيل المطحون مع الزعفران، تقريباً 3 ملاعق شاي… و خلاص، صبي القهوة في الدلة، و أنا دايماً أصفيها عشان الحثل…
و بالعافية إن شاء الله F:
ماقصرتي كفيتي ووفيتي
واتعلمت منكـ اشياء جديده تضاف للقهوهـ
ان شألله اجربها
وانا متأكده انها بتضبط
لانها منك ياصاحبة الذوق
شاكره لكـ تواجدكـ
دمتي بحفظ الله ورعايته
جربيها و بشرينا بالنتيجة 
ان شاءالله اليوم اجربها
واقهوي الحارهـ كلهاا
هههههههههههههههه
انتظريني انتي بس
احط ماي تقريبا نص الابريقواحط فنجانين قهوه
وشوي هيل نص ملعقه تقريباوزعفراااان
واخليهااااااااااااااااااااااااااا تطبخ تقريبا ربع ساعه او اكثر شوي
وبالترمس احط ملعقه هييييييييييل وقرنفل(مسماااار)
وبس اتمنى تعجبك
ابشركـ ح ــبوبه جربتها
وطلعت مرهـ كويسه
وطعمها خطير
الكل كذا سار من طعمها
:adore:
يعطيكـ العافيه عسولهـ
 |
اقتباس |  |
 |
المشاركة الأساسية كتبها w.1991  |
 |
 |
| هلا وغلا انا بحط طريقتي بالقهوه
احط ماي تقريبا نص الابريق واحط فنجانين قهوه وشوي هيل نص ملعقه تقريبا وزعفراااان واخليهااااااااااااااااااااااااااا تطبخ تقريبا ربع ساعه او اكثر شوي وبالترمس احط ملعقه هييييييييييل وقرنفل(مسماااار) وبس اتمنى تعجبك |
||
 |
 |
ح ــبوبه بسألك نص ملعقة طعام ولا شاي ..؟
بصراحه طريقتكـ
دخلت مزاجي
افكر اليوم اسويها
ويعطيكـ ربي الف عافيه
زي ماقالو الاخوات قبل
وانا كمان باخذها مطحونه وجاهزه
بس مشكلتي مااعرف اوزن المقادير
احط على الله وبالله
ومره تضبط ومره لا
ربي لا يحرمني من هالطله