هالموضوع متعبني و مسببلي الارق لاني احس بالذنب تجاه ولدي و يكسر خاطري..لاني اعرف كم حليب الام مفيد
انا الصراحه من يومين وقفت رضاعه لان حليبي قليل جدا…بصراحه انا ما اكل عدل و شهيتي مسدوده على طول…وولدي يوم احطه على صدري يعصب لانه مب محصل شي…
قولولي شو اسوي…
الفتره الماضيه يعني من الولاده بثالث يوم كنت اشفط و اعطيه ( طبعا اعطيه بعد صناعي لان حليبي ما يكفيه ابدا)
من يومين صارت لي ظروف وما اتفيجت اشفط له ..و الحين خايفه صدري نشف…شفطت اليوم و طلع شويه بس..
قولولي هل ممكن يكون نشف؟؟؟ و ممكن ارد اخليه يتدفق؟؟؟
شوفي مين ينصح بس:sad: عالعموم مشكوره فديتج عالرد 
اكثري من شرب الحليب بكثرة واتغذي وكللي يقولو البقدونس رااائع للحليب
في موضوع كانت كاتبته وحدة عن حليب او اشاي تشربيه فيكثر الحليب
على العموم بردلك خبر
والف لا باس عليكي
قريت الموضوع و ان شاء الله بروح اشتري الشاي
بس هل فيه امل يدر حليبي بعد توقف يومين؟
والاهم لاتزعللي ايش ما كانت النتائج اللي ربك كاتبه بيصير والله يحفظلك ابنك يااارب
تحملي بحالج ولا تكلفيها اكثر من طاقتج.. وانتهزي الفرص عشان تاخذين لج اكثر من غفوة خلال النهار.. ارتاحي زين ما زين وبتشوفين الحليب ان شاء الله يدر مرة ثانية ..
صدقج مافي نوم و ارهاق و حتى في النهار ما ارقد..طول الوقت اخاف ولدي يقوم..او انتهز فرصه نومه عشان اتسبح او اكل او ايلس مع اهلي او غيره..والليل طبعا يمكن لو نمت 4ساعات زين..والله من عدم النوم حاسسه بدوخه
حتى لو كان صدرك مايطلع حليب او الكميه شوي
استمري في ارضاع طفلك لأن كل مازادت عد د الرضعات زادت كمية الحليب
حتى لو يمص من غير ما يطلع شي لاتيأسين وتعطينه صناعي
بالعكس اتركي الصناعي واعتمدي على صدرك ومع شرب السوائل والعصاير والحليب والرهش صدقيني بينزل حليب ماتصدقين والبقدونس بس الرهش عجييييييييييييييب اللي يسمونه حلاوة الطحينيه والمكسرات
اذا جربتي الرهش بتدعينلي والسواااااااااااااااااااااائل ضروري والسلطات