خواتي وعزيزاتي تعبتوا من التهاب جيوبكم الانفية والانف اللي مسكر ؟؟؟ والنفس اللي يطلع بالعافية !! :sick:
الله يشفينا ويشفيكم ويمتعنا بالصحة والعافية
راح اقولكم تجربتي باختصار F:
انا من عشر سنين تقريبا (اكتر شوي) وانا بعاني من الجيوب الانفية بس زادت اكتر باخر اشهر بحملي الاول و زادت اكتر واكتر بحملي التاني والتالت .. وكنت استخدم القطرات المختلفة بس فايدتها مؤقته وقتها وبس.. لحد ما حسيت انه مافي شي راح يغير هالوضع وهاي طبيعتي وانه الجيوب الانفية مزمنة الالتهاب عندي:badly:
ومن فتره وانا قاطعة منتجات الحليب البقري والالبان (الحليب القشطة اللبن الكريمة الاجبان واللبنة ..كل منتجات الالبان يعني … خاصة البقري
وانا كنت قطعت هالمنتجات لاني ابني الصغير بتحسس من حليبي لما ارضعة اذا كنت شاربه حليب او منتجات الالبان
وبعد ما قطعت هالمنتجات للسبب اللي قلتلكم عليه .. اختفت الجيوب الانفيه من عندي وكانها ما كانت .. وصار التنفس عندي رائع ومرتاحه كتيير
وحتى الغازات اللي كانت متعبتني وما كنت اعرف سببها ارتحت منها .. عنجد ما بعرف اوصفلكم كم ارتحت من الجيوب والغازات:thumbs_up::celebrate:
مع اني كتييير كتيييييير بحب الحليب ومنتجات الالبان على اختلافها … لكن الحمد الله على كل حال ومع انها الها منافع .. لكن اذا كانت بتضر فدفع الضرر بتركها .. افضل واهم
فاذا كنت بتعاني من الجيوب الانفية جربي وقفي كل الحليب ومنتجات الالبان 3ايام وشوفي اذا تحسنت حالتك
على فكرة يا اخوات كتييير مصابين بحساسة تجاه بعض الاطعمة او الحليب ومشتقاته وهم ما بعرفوا
واذا في حدا استفاد من نصيحتي ولاقت تحسن من ترك الحليب .. تسأل الدكتور كيف ممكن تعوض احتياجاتها من الكالسيوم عن طريق الحبوب
والله يشفينا ويشفي كل مرضى المسلمين خاصة والمرضى عامة
اللهم صلى وسلم وزد وبارك على سيدنا محمد وعلى اله وصحبه اجمعييين
تسلمين ع الطرح خيتو
الله يسعدك
السلام عليكم ورحمة الله وبركاته
تسلم إيديك أختي الكريمة على هذا الموضوع الهام
جزاك الله كل خير وبارك فيك
أسأل الله العظيم أن يشفي جميع مرضى المسلمين
اللهم آمين
والله يشفي جميع مرضااانا ومرضى المسلمين …
اللهم اشفينا واشف جميع مرضى المسلمين
اللهم صلي على سيدنا محمد وعلى اله وصحبه وسلم