واتمنى تفيدوني اذا توصخ الكنب عندكم ..او للتنظيف اليومي شنو تسووون
وشكرا
او تبخلون على بمعلومه …..
كل هالبنات يدشون ولا وحده تجبر بخاااطري
كيف حالك اختي العزيزة، ولا تزعلي انا بخبرك
اول شي بتجيبي علبة او طشت وتحطين فيها اومو او ايريال (دوا غسل الملابس) مع ماء وتحركين شوي لين ما يذوب دوا الغسيل وبفرشاه خشنه (مش كثير خشنة تروح اتخزق الكنت) بلليها بالمحلول ثم افركي الكنب برفق لا تحاولي اتخلي الفرشاة تغرق الكنب بالماء ثم بعد ذلك تجيبي قماش مثل البشكير وتفركي الكنب عشان تسحب الماء والصابون الوسخ بتصيري تشوفي الوساخة تطلع بالبشكير يعدين جيبي الاستشوار ومن بعيد مرريه على الكنب بس لا تقربية كثير لانه ممكن يحرق الكنب اذا كان قماش الكنب يحتوي على نسبه نايلون او يمكنك استبدال الاستشوار بمكنسة الكهرباء لفتره بسيطة او استخدام مروحة او لا تستخدمي اي من هذه الاجهزة وتكتفي بفتح الشباك ( على فكرة دوا غسيل الملابس بخلي لون الكنب زاهي ونظيف بشرط انك تفركي كل الاماكن بنفس القوة مش تخلي جزء ينظف وجزء لا)
كما يوجد في الاسواق اودية تنظيف خاصة للكنب ولاكني لا اعرف اسماء منها يمكنك الذهاب الي السوق وان تسالي اي من محلات التنظيف.
وانشالله اكون افدتك
أختك التي لن تضيع
تسلمين حياتي على المعلومات الحلوة والله يجبر بخااطرج انتي الوحيده اللي عبرتني ..يالغالية أنا ماعندي خلفية عن الموضوع هادا..
..بس ماحبيت امر على الموضوع وماأرد عليه.
.وإن شاء الله تكون أختي اللي فوق أفادتك..
..لج محبتي،،
هلاااااااااااااا يا قلبو
انا عن نفسي ما احب اني استخدم مساحيق التنظيف للكنب
والسبب اني جربته على كنبتي القديمه قبل ما اجيب الجديده
وتبقع ببقع بيضاء
يعني ما تقدرين تتأكدين ان قماش الكنب يستحمل التنظيف بالمساحيق
اما الحين بعد ما شريت الكنب الجديد
مجرد ان امرر فوطه اشوي رطبه على الكنب
وخلاص تتنظف الاوساخ منها
وما ابي اني اغامر بكنبي الجديد مره ثانيه
ولكن اخذت درس بأختيار الكنب الجديد
وهو اني اخذ لون غامق بسبب اطفالي
يعني لون البني الغامق عجيب ما تحسين انه يتوسخ ابدا وما اخذته قطن علشان ما يشطف
الماء والعصير لما يصبون عليه
علشان يمديني اركض للمطبخ اجيب فوطه وانظفه باسرع وقت
وشكلي ما بغير الكنب الا لما عيالي يكبرون
لاني وايد مستفيده من اللون والنوعيه
ان شاء الله اكون افدتج يا قلبي