انا عمري 17 سنه ونص
تطلع لي شويت حبوب لكن احس ان ف ويهي شعر بس مب وايد يعني 🙁 مايبين الا من جريب
صار لي اسبوعين اتعالج عشان ويهي وسويت ف المستشفى بخار وعطتني الدكتوره كريمات 🙁
افهموا ويهي مافي وايد حبوب بس شوي لكن احسه ماادري كيف يعني تقدرون تقولون بشرة وحده أكبر من سنها
انا وااااااااااايد آكل فواكه وخضروات وخصوصا هالشهر زدت من هالسوالف :shy: بس احس مافي فايده من هالأكل 🙁 أحس عمري خسسسسسسسسسفه وايد وايد
اليوم مااعرف شو صار لي وشليت الشعر اللي فوق حوايبي بالحلاوه 🙁 هههههههههه فجأه ماادري الشيطان كيف جذب علي 🙁
قالت لي الدكتوره انتي الحبوب اللي تطلع لج من تحت الجلد:sad:
مع اني اهتم ابشرتي واحيانا احط مسكات مثل روب وعسل وخيار وهالسوالف الطبيعيه
والدكتوره عطتني صابون نيتروجينا بس وايد يقشر ويهي يعني يقطع الجلد
مليت وايد وايد مااعرف شو اسوي عشان بشرتي تصير حلوه 🙁 🙁
ســـــــااااااااعدوني 🙁
الســموحه
كل شي في هالسن يختبصالمهم انج تهتمين بعمرج و ببشرتج
و انتي في اي اماره؟ ممكن ادلج ع خبيرة تجميل روعه بس المهم لا تلعبين بويهج
هلا أختي الغااااااااليه
أنا من الشارجه
ان شاء الله مابلعب ف ويهي
ع العموم أشكرج ع مرورج وردج
بس لا تستعملي ليمون في الاقنعه لانه انتي عندك حبوب
و الليمون بيشيل الحبوب بس بيخلي اثرها عشان هيك انصحك الابتعاد عن الليمون
واستعمال اقنعه البيض و زيت الزيتون وماء الورد و العسل و الزبادي
و ابتعدي عن اكل الدهون و السكريات و الحلويات كتير لانها تسبب حبوب في الوجه
ان شاء الله يصير وجهك متل القمر
أشربي عصير جزر طازج مع حبة تفاح كل يوم .. كل يوم
وراح تصير بشرتك روعة
عمرج هذا طبيعي تطلع كل هالشغلات .. ولا تلعبين بأفرازات الجسم و الهرمونات ..
عطي بشرتج وقتها ،، وكل مشاعرج المتضاربه بعد هذا وقتها وكله شي طبيعي ..
ارجعي لطبيبة تعطيج جدول تمشين عليه من غسول و كريمات و واقي شمس يناسبون نوعية بشرتج و عمرج ..
ولا تلعبين وتجربين اي شي ..
اولاً لأن توج بعمر صغير ،، يعني بشرتج مب محتاجه الا شوية عناية خفيفه .. وكثرة الماسكات والعلاجات بتتعب البشره
ثانياً ان عندج بداية حبوب ،، ومسألة الحبوب حساسه لو تجربين اي علاج او حتى ماسك طبيعي يعالج هالحبوب .. بدون وصفة طبيب ممكن تؤدي الى نتيجة عكسية
شي آخر حبيت انبهج له ،، وهو انج سويتي غلطتين بوقت واحد .. شليتي من شعر الحاجب وهذا ما يجوز ..
والشي الثاني انج استخدمتي الحلاوه للوجه ،، الحلاوه مع التكرار ترهل الوجه .. و الشعر بيطلع اقسى واغمق ،، والحلاوه تعرض البشره للحبوب اكثر ..
والشي الاهم انج في مرحلة علاج الحبوب المفروض تتجنبين اي طريقة لأزالة شعر الوجه كثر ما تقدرين..
الحل وين ،، انا بقولج ..
استمري على علاج الطبيبه اضمن لج ،، واذا ما كنتي مرتاحه له ،، كلميها وقولي لها اللي تحتاجينه واللي تبين تحلينه ..
كوني لج جدول مرتب بمساعدة الطبيبة ..
كريمات معالجه .. وكريمات مرطبه ..
غسول مناسب للبشره ،، تونر قابض للمسام ويقاوم الحبوب ..
و واقي شمس غير دهني ..
لا تسرفين وايد في الماسكات و الكريمات ،، بدري عليج ..
عدلي شوي في نظامج الغذائي .. قللي من الدهون والشوكولا ..
اذا حاسه انج محتاجه لشوية عناية اضافية او نظاره للبشره
اول ماتقومين من النوم امسحي بشرتك بقطنه مغموسه بماء ورد ،، كذلك قبل النوم ..
مرتين في الاسبوع حطي على بشرتك روب مخلوط بنقطة عسل ونقطة ماء ورد ..
ومره في الاسبوع اخلطه شوية شوفان مع روب وحطيه على بشرتك للتقشير والتنظيف و النظاره
كلها شغلات خفيفه على البشره ولها مفعول حلو ..
وافضل شي تروحي لخبيرة او طبيبه لعيادة الجلد برا المستشفى لان العناية اكبر وافضل
وفي دوا انا بنت خالي تستعمله ولازم يكون عندك وصفة طبيب اسئلي طبيبتك عنه
اسمه ريتين اييييييييييه انا عندي الوصفة بس ما خذيتها لسة
حاولي تستشري طبيبتك والله بيوفج
بايووو
أشكركم فردا فردا
تسلمون ماقصرتوا
ربي يسعدكم دنيا وآآآآآآآآآآخره
واتمنى افيدكم ف شيء يوم من الايام
يعطيكم العااااااافيه
وربي لايحرمني من ردودكم
فرحتوني وايد وايد
و ان شاء الله بسو كل اللي قلتولي عليه
والسموووووووووحه