صباح الخير امهاات حلوووين ..
انا عندي استفسار بخصوص التعقيم انا عندي جهاز افينت للتعقيم طبعاا اعقم المراضع
يوم وترك تقريبا واحيانا كل 3 ايام وطريقتي ان اضع المرضعه بالحلمة بالغطاء واحط ماي
لرقم 90 بالكوب الموجود واخليهم يتعقموون بس في شغله ان اغسل الجهاز بالصابوون
مادري اذا كان صح او لا وثاني شغله هو معاه مثل الدوا باكياس صغار مثل الملح بس
ماعرف حق شنوو !!
ياريت اللي تستخدم الجهازز للتعقيم تفيدني بخبرتهاا طريقة التعقيم الصحيحه ووقت
الصحيح للتعقيم وهل لازم ان يوميا نعقمهم ؟؟ وشنو هذا الدوا اللي معاه؟؟ وتغسيل بالصابون
في خطر او ممكن يخرب الجهاز؟؟
ياريت تفيدوووني لاني ام جديدة 
أفاا مافي ولا رد !!
حبيت اقول ان لازم كل مرضعه تسوين فيها حليب للبيبي تكون لااااازم معقمه يعني مثلا في اليوم تعطينه 5 رضعات لازم كل هالرضعات تسوينها بمرضعه معقمه هذا كلام دكتوررة مو من عندي
وثاني شي
بالنسبة لطريقة تغسيل الجهاز
انتى جهازش ماركة ايفيت صراحة مااعرف شنو طريقه غسله بس اكيد راح تشوفين مكتوب في الكاتلوج تبع الجهاز
اني الجهاز الا شريته لاولادي ماركة شيكو
وطريقة تنظيفه كل يوم اشيل المراضع منه وااغسله بماي واحاسب اشوي اشوي لانه جهاز كهربائي
وبالاسبوع مرة اخليه مكان الا يصير مثل التجمع الماي اخلي فيه خل ابيض حق يزيل ترسبات الاوصاخ المتبقية اخليه كم ساعه وانظفه
وهذي الطريقة كانت مكتوبة على جهاز التعقيم
بس حاسبي ماانصحش تغسلين الجهاز بالصابون لانه مواد مو زينه
والطريقة الصحيحة في التعقيم اولا ان تفكين الحلمة عن الغطاء وتشلينها من الحلقة اللي تسكر المرضعة وتغسليهم بماء وصابون مراضع خفيف وبعدين تصفين الادوات مثل الصور الموضحة بالكاتلوج المرفق مع المعقمة وتحطين كل مرة اتعقمين المراضع الملقط الخاص بهم في المعقمة ايضا. وتحطين 90 ملم ماء، اذا حطيتي اقل ماراح تتعقم المراضع كفاية.
مع العلم بان لو تركتي المراضع في المعقمة راح تظل معقمة لمدة تصل الى 6 ساعات شرط ان المعقمة ماتنفتح.
اما بالنسبة للتنظيف فحاسبي من استعمال الصابون لانه مثل ما قالت الاخت النفس المطمئنة الصابون مواد كيماوية ممكن بقاياها تتأثر على ولدك. وبعدين الجهاز حساس لدرجة ما تتخيلينها وبسرعة يخرب فحاولي تحافظين عليه لان سعره غالي نوعا ما.
والطريقة الصحيحة هي كل اسبوعين تقريبا تفرغين المعقمة حتى من الشبك الازرق داخلها وتخلطين 200ملم ماء ويا كيس واحد من الاملاح المرفقة حتى تذوب وتحطيه في المرضعة وتشغلين المرضعة بدون الغطاء لمدة دقيقة او دقيقتين ما يزيدون بعدين تفصليها عن الكهرباء وتتركي المعقمة لمدة نصف ساعة تقريبا ثم تشطفينها بالماء مع مراعاة عدم لمس الماء لمدخل السلك الكهربي من الخارج بعدين بواسطة فوطة نظيفة او ورق مطبخ خشن امسحيها خصوصا قرب الفتحة الداخلية برفق وبعدين اضيفي 90 ملم ماء في المعقمة وسكري الغطاء وشغليها عادي كان تعقمين مراضع ( طبعا مايكون في شي داخلها ) ولما تبرد تخلصي من الماء واشطفيها واتركيها تجف .
الهدف من استخدام الاملاح الحفاظ على فعالية الجهاز والتخلص من رواسب المعادن الموجودة في الماء. والهدف من تشغيلها بعد التنظيف وهي فاضية التخلص من اي بقايا املاح تكون موجودة وممكن تسبب الخطر للرضيع.
خلال فترة تنظيف المعقمة تقدرين اتغسلين الاجزاء الداخلية بماء وصابون خاص بالمراضع وتركها تجف.
أول شي يوم كنت أم جديدة مثلج رحت مذركير وشريت أحسن جهاز تعقيم مااذكر أسمه
تخيلي يمكن استخدمته بس 3 مرات وبس ورديت لملمته ورجعته في الكرتون
اتبعت طريقة الغلي
شوفي حبيبتي كل ماتخلصين رضعه تغسلينها بماي وصابون زين ( الحلمات والحلقة والمرضاعة وحتى المصاصة)
بعدين تخلين جدر فيه ماء حلو وتخلينه ليما يغلي ، بعدين تحطين المراضع ومرفقاتها في الماء وتخلينهم يغلون لمدة 5 دقائق على الأقل، بعدين تشيلينهم وتصككينهم وتخلينهم في الثلاجة للاستعمال الثاني….. وهكذا…)
صدقيني هذي الطريقة وايد أسلم وأفيد ، لأن الحرارة تقتل الجراثيم وبعدين البرودة تقضي على الجراثيم اللي ماتقضي عليها الحرارة
وهذا الكلام سامعته من دكتور
ولي يومك هذي أتبع هالطريقة
ووكلت شغالتي تقوم في هالمهمة كل يوم مرتين مرة الصبح ومرة بالليل قبل لا ينام الصغير
وعلمتها الخطولات بالضبط
أرجو أنج تتبعين هالطريقة أختي أسلم للبيبي
مشكورين حبايبيي
شكلي خربت الجهاززز وقلبي يعورني لان سعرره غالي قاعد يطلع ماي اسود مادري ليش !! يمكن من كثرة
الماي!
بس اغسل المرضعة قبل وبعد ما يخلص بالفراشاة الخاصة للمراضع بالماي والصابون
وكل يومين اجمع المراضع والمصاصات واخليهم يغلون في قدر وماي طبعا لمدة 5 دقايق تقريبا