تغيير الحليب والأكل 2024.

السلام عليكم..

كيف الحال خواتي؟

انا خبصت مع ولدي شوي وجاه إمساك المسكين بسبتي!!

فياليت تساعدوني وتقولون لي شسوي!!

الله يسلمكم انا ولدي ألحين عمره 6 شهور ونص ومن كمل الست شهور وهو تقريبا مريض فما

بديت معاه الأكل لي هالحين.. بس سويت حركة غبية إني غيرت له الحليب لأنه ماصار يحب حليبه

القديم ولا يكمل مرضعاته فغيرت له من نان إلى سيميلاك.. والحركة الأغبى اللي سويتها إني

غيرت له مرة وحده مش بالتدريج.. اقصد كان من المفروض اني في البداية أخلط من الحليبين

مع بعض شوي شوي لين يتعود بطنه عالجديد!!

فصار له إمساك!!

صار مايمشيه بطنه إلا كل كم يوم.. ويطلع يابس بعد.. يتم مسكين يتعصر لين يطلع مثل الكورة

(سوري عالتعبير).. بس إنه مايصيح..

وبسبب هالامساك خفت إني ابتدي معاه بالأكل..

فقولولي بليز شسوي؟..

هل هالشي عادي وأقدر ابتدي أأكله؟.. أو هل لازم أغير الحليب مرة ثانيه أول شي حتى يتعدل

بطنه وعقب أعطيه الأكل؟

بليز ساعدوني.. أحس اني جنيت على ولدي :confused:

ماعليه شر ان شاءالله حاولي تعطينه سوائل وايد علشان يخف الامساك سوي له عصيرات مخففة برتقال بطيخ زين وماي عطيه كل شوي وعطيه نوع واحد من الحليب اعتقد المكس بسبب هالشي وكل حليب له نظامة و نشاءالله يتحسن

اساسا حليب سيميلاك ثقيل اغلب الاطفال يسبب لهم امساك

حاولي تعطينه عصير برتقال طبيعي مخفف بماء وكثري من السوائل وماعليه شر ان شاء الله

تسلمون خواتي..

وجزاكم الله خير.. ذكرتوني بالبرتقال.. ما ادري شلون فاتتني هالسالفة!!

انزين أغير الحليب والا لا؟ .. ربعي يمدحون أبتاميل.. شرايكم فيه؟

انا من رايي لا تغيرين الحليب بعد لان معدته بتتعب

انزين انتي اصلا ليش غيرتي من نان؟؟

السيميلاك بهدلني ويا ولدي امساك رهيب اول اشهر قولي يتم بالاسبوع الله يعزك من غير خروج انهارت اعصابي منه

وقفته وعطيته نان والحمد صار عادي

بدلي سيميلاك اذا مو مناسب له لا تبهدلين ولدج ويا الامساك

اكيييييد التغيير الفجائي يعمل مشاكل … وحتى سيميلاك يعمل امساك …. في اعتقادي غير له الحليب لكن بالتدريج … غيري لبروميل 2 احسن له وما يعمل امساك ..

حليب سيميلاك يسبب امساك بس ماكان يصير اتبدلينة بالتدريج لانة نوعة غير

و علشان تجننبي الامساك لازم كنتين تعطينة اكلات اتمشي البطن مثل برتقال و عنب

و اذا تبين حليب بيبيلاك يمشي البطن

و على فكرة مو لازم الطفل يكمل مرضعتة لانة اطفالنا ما يشربون قد المقدار اللي مكتوب على العلبة دائما اقل يشربون

و لازم كنتين اتاكينة من قبل مسكين الى حد الحين ما اكلتينة

و الدكاترة يقولون تبتدون و يا الطفل ما بين 4 الى 6 شهور ما بينهم مو بعد 6 شهور

الطفل من وين يجية الطاقة و القوة من غير اكل

و الله يشافي ولدش

سيميلاك يسبب أمساك لأغلب الأطفال
6شهور أبتدي أكليه الحليب ثقيل وما في ملينات طبيعيه بيتعب الولد
ما عليه شر

تسلمون لي كلكم..

والله يجزيكم خير..

بانسبة لتغيير الحليب.. غيرته لأن فجأه كرهه.. يشرب بس مقدار رقمين ولا يكمل الباقي.. ويتم في كبده فترة طويلة وعقب يرجعه بعد!!

فقلت أكيد نان2 ثقيل عليه.. فغيرته..

انا الدكتور قالي أخريله الاكل شوي.. لأنه كان مريض.. وجايته اكزيما شديده منتشره في كل جسمه وطولت معاه..

لهالسبب أخرنا الأكل..

خلاص شكلي بغير الحليب.. والله يعينه علي والله يعيني عليه!!!

أمي عطيته برتقال مخفف.. واذا اعتدل بطنه ببتدي اعطيه الأكل ان شاالله..

مشكورين مرة ثانية..