اتمنى انكم تساعدوني بفكره لتقديم الشبكة في الخطوبه
بس غير الصندوق او العربه لاني سويتهم بزواجات اخواني
ابي حاجه لما احط السبكه يكون حواليهاباقه ورد + شمعدان كبير كرستالات ؟؟؟
ساعدوني بليزززززززززز الافكار ماني قادره اجمعها على بعض :confused:
مساعد العنقري
عندهم افكاااااااااااار 
بس يمكن تحطينها في محاره كبيره وداخلها ورود
هذا الي عندي وسمحيلي
أول شي اشتريت عروسه صيراميك وسط .. ولازم تجلس .. وشعرها كان كيرلي وطويل .. وفستانها منفوض كله طبقات وراقي .. وكان لون الفستان وردي فاااااتح جدا .. والتطريس والكشكش بدرجات الوردي والأبيض … تمام
خذت هذه العروس لمحل الورد .. وخليته يحط لي العروسه شويه مرتفعه وحواليها نسق الورد وكان بدرجات الوردي وشويه أبيض ..
والعروس ماسكه المقص اللي كنا بنستخدمه في الافتتاح .. وعلى المقص باقة صغيرة من الورد ..
انتي ممكن تحطين الشبكة أما العروس كأنها ماسكتها .. وممكن تزينين علبة الشبكة بالورد نفسه .. بس لازم تفهمين اللي بينسق الورد يترك لج مكان لعلبة الشبكة ..
وفي فكرة ثانية أنا ناويه أسويها لفرحي انشاالله
تعرفين النافورة ؟ .. خذي وحده شكلها حلو .. ووديها لمحل الورد يحطها في قاعدة وحواليها ورود أو أوراق شجر أو مجسمات سيراميك لأطفال يلعبون .. وهذه تلاقيننها عند المحلات اللي تبيع بعشر دراهم وأحيانا بدرهم وردهمين .. المهم بيطله المنظر في النهاية كأنه منظر طبيعي صوت ماء وأشجار وحياة طبيعية .. وخليه يحط لج أغصان فاضية شوي تكون بارزه .. ممكن توزعين عليه الطقم .. بيكون معلق .. وفي هذه الحالة بدون علبة .. وفي الغصن اللي بيكون عليه شي من الشبكه .. ياحبذا لوتحطين على طرفه ورده صغيرة .. وممكن تلعب الشرائط والشيفونات دور في هذه الحالة ..
وألف مبروك .. وادعيلي أعرس وف هذه الحالة انتي راح تفكري لي في فكرة لأنج خذتي أفكاري
وبالعافيه عليج والله يسعدج إنشاالله
افكار حلوه