انا قبل ما احمل ذقت حلا البخور وكان طعمه حلو وكذلك الكيكة الرملية وللاسف ما اعرف
طريقتهم واللي كانت مسويتهم وحدة من جماعة عمتي (ام زوجي )والحين حملت ومشتهيتهم
حييييييييييييييييييييييييل واحس طعمهم لذيييييييييذ وكل مرة اتذكرهم احس طعمهم يزيد لذة
وهالحرمة انا ما امون عليها عشان اطلبها الطريقة وقلت انا ماامون الا على العرايس واكيد ما بيبخلون علي السنعات الي يعرفون الطريقة ومجربينها وضابطة معهم
تكفون عطوني الطريقة ولو تفضلتو علي مع الصور
واللي تعطيني الطريقة الله يوفقها بالدنيا والاخر ويحققلها اللي في بالها
المقادير
2كيس شعرية باكستانية نكسرها صغار
1 علبة حليب مكثف محلى
5حبات جالكسي مذاب بحمام مائي
اوريو مطحون من دون الكريمة
زبدة
الطريقة:
نحط في مقلاة شوية زبدة ومعاها الشعيرية ونخليها لمدة دقيقتين وتحرك لكي لاتحترق ونقفلة
وبعد ذالك المكثف المحلى والجالكسي ويخلط الى انا يتامسك بالتقليب المستمر ونكور الشعيرية ونضعها بالأوريو
الى انا تصبح كحبة البخور
ماطلبتي شي الغالية
حبيبتي هاذي الطريقة اللي انا اسويها واذا تبين اقل سوي نصف الكمية وعندي حلى الرمل بحاول انزلة
الله يهون عليج
ياليتك جنبي كان سويت لك وارسلت لك
حبيبتي هذي طريقة
معمول الدواسر(( اللي هو البخور))
نص اصبع زبده
كيس شعيريه باكستانيه مكسره
نص علبة حليب مركز كبير
كاس بسكوت اوريو الاسود مطحون (( لوسط الخلطه))
نص كأس بسكويت اوريو مطحون (( هذا للي للتقليب في الاخير))
الطريقة :
تحمس الشعيريه بالزبده حتى تشقر ثم تسقى بالحليب المركز.
تقلب الخليط مع بعض حتى يتجانس ثم يضاف الاوريو المطحون
بندا بعمل كور من الخليط بعد ان يبرد ثم يقلب في البسكويت المطحون الخاص بالتقليب..
2- كيكة الرمل
علبة زبادي
3 بيضات
4/3 كأس سكر
2/1 كأس زيت
2/1 1 كأس دقيق
ملقعة بيكنج بودر
رشة فانيلا
للوجه :
ثلث علبة حليب مركز محلى
4/1 كأس سميد محمص في تاوه على النار حتى يصبح ذهبيا ( كالرمل)
الطريقه :
نقوم بإعداد الكيكه من خلال خلط المقادير ابتدا بالبيض والفانيلا ويخلط حتى يبيض لونه ثم يضاف السكر ويخلط حتى يصبح كالكريمه
ثم يضاف الزيت ويخلط ثم يضاف الزبادي وفي الاخر يضاف الدقيق المخلوط مع البكنج بورد بالتدريج
تدخل الفرن حتى تنضج وتحمر من الاعلى
اذا اخرجناها من الفرن تقلب ثم نقوم بتشريب الوجه بالحليب المركز ثم يرش السميد فوقه بحيث يكون على شكل الرمل.
دعواتك يالغاليه
والله اني دعيتلكم من كل قلبي ان الله ييسر اموركم ويوفقكم دنيا واخرة ويحققلكم امانيكم ويجعل الجنة داركم