والله يعوده علينا وعليكم بالخير واليمن والبركات ..
خواتي , عندي طلب صغيرون , وتكفون ما تردوني ..
جارتي , تطرش لي ( عيش ولحم ) مطبوخ على طريقة المعاريس , اقصد
يعني مثل اللي يسوونه في الأعراس ..
بس بصراحه , الأكله تهبل !!
العيش يكون لون اصفر يميل للخضرة !!
وعليه ( زبيب طري وبصل ) !!
واللحم مطبوخ زين , يعني يتفتت في الايادي قبل ما يوصل الفم !!
حاولت اقنعها انها تخبرني بالمقادر والطريقه .. لكنها رفضت , وقالت لي
حقوق ( الطبخ ) محفوظة !!
المهم ياليت لو تخبروني بطريقة اعداد هذي الطبخه !!
مشكلة بحاجة الى حل : اللحم عندي ما ينطبخ زين , ويكون يابس عند
الأكل , حاولت بكل الطرق انه ينطبخ زين وما شي فايده , ارجوكم
ساعدوني !!
وعندى طريقه يطلع اكلك مثل اكل الاعراس ..
اول شي تفرمين كميه من البصل تكون كثيره حسب كمية اللحم اللى بتطبخينه ..
اذا كانت الكميه كثيره تفرمين 3 حبات بصل كبيره ..
وتحطين معاه الزيت وتقلبي البصل الى ان يصير لونه ذهبي ..
تحطين اللحم وتقلبينه مع البصل وتحطي عليه بهارات مطحونه مشكله ..
تعصرين طماطم 4 حبات كبيره مع شويه صلصه وتحطينه على اللحم ..
تجيبين برتقاله صغيره وتعصرينها مع قشرها وتحطيها على اللحم ..
وتخليه يتسبك شويه وتكونين مغطيه القدر ..
على جنب تكونين غاليه كمية ماء تغطى اللحم الى فوق …
تحطي الماء على اللحم وتغطيه زييين والافضل تغطى الغطى بقصدير يتحبس البخار وينطبخ زين ..
على نار هادئه وعلى مهله يعنى قبل وقت التقديم بـ 3 ساعات تقريبا ..
بعد ما يستوى اللحم نحط الملح ومقدار فنجال قهوه ماء كاذى ..
نتركه 10 دقايق بعد ..
نكون غاسلين الرز ومنقعينه فى ماي حار ..
نحط الرز على اللحم وينطبخ بالمرق …
وبالعااافيه ..
من جد تراه 
الأخت الغالية ( الجوري ) .. مشكووووورة وما قصرتي , وبالنسبة للبرتقالة
كيف يكون تأثيرها على الأقل ؟!!
حبيبتي بوح القلوب
إذا بغيت اللحم طري و لذيذ
خذيلج اللحم مال(تيس) صغير في السن و متربي في البر:cool2:
و بيحلى العيش و اللحم أكثر و أكثر
الاخت العزيزة بوح القلوب حتى ينضج اللحم و يستوي اطبخيه في جدر البخار و من الافضل يكون اللحم لحم تيس مثل ما تفضلت الاخت فوانيس و ذكرته قبل
جزاكم الله خير على تواصلكم الطيب ..
كتالي : اجيب اللحم ويكون لحم تيس صغير السن لانه اطرى بوااااااايد واغسله عدل واحطه بجدر فيه ماي يغطيه وزياده اشوي وبعدين اخليه يفور واشيل الزفر اللي يطلع وبعدها احط عليه كم حبة مسمار وعودين قرفه وحبتين هيل وحبة بصل كبيره مقطعه قطعتين ثلاث وثلاث روس ثوم مقطعه كم قطعه واخليهم يغلون واخفف النار تحته لمدة ساعه وبعدها اضيف الملح واخليه مدة نص ساعه ولو كان عندك جدر ضغط ما راح ياخذ اكثر من نص ساعه تقريباً وبعدها اشيل اللحم واحطه بصينيه وارش عليه خلطه من البهارات والملح والكزبره الناشفه واخلها بفرن حامي مدة عشر دقايق امممممممم لذيذه تصير واطلعها واحطها بقدر واغطيها عدل اما الرز فأحط بجدر كأسين رز + ملعقة زيت واحركه عدل كاني احمسه واضيف له مرق اللحم بعد ما اصفيه لين ما يغطيه وزياده شوي واخليه يغلي وبعدهااخفف النار تحته لين يستوي . وفي قدر ثالث طولتها ما عليه احط حوالي كأس مشكل فستق + لوز مقشر ومفصص نصين + كاجو واحمرهم اشوي وبالأخير احط زبيب لمدة دقيقه واشيلهم وعلى نفس الزيت احط 4 بصلات جوانح واحمرهم عدل + رشة كركم ملعقه صغيره مليانه + ملعقة كزبره ناشفه كبيره + رشة بهارات + رشة ملح واحركهم واحط عليهم حوالي 5 حبات طماطم مقطعين شرحات ضعيفه وعباره عن انصاف واحركهم لمدة خمس دقايق يعني الطماط ما لحق يذوب بعده كله اخفف النار تحته واحط عليه الرز اللي طبخته واخلي فوقه المكسرات واخليه مدة عشر دقايق يتسبك عدل وعند السكب احرك الرز عدل من تحت لفوق واغرفه بصحن واحط اللحم بوسطه وبالهنا
+ خمس حبات لومي ناشف يابس يعني تسوين بوسط كل لوميه حفره بالسكين وتحطينه على المرق وتخلينه يغلي ويطبخ ساعه وبعدها تتاكدين من اللحم انه قرب من الاستواء وذالك باخذ قطعه واضغط عليها بأصابعك واذا اوكيه حطي الملح وخليه بعد نص ساعه واذا مب اوكيه خليه بعد نص ساعه على نار خفيفه وبعدها الملح وبعد نص ساعه وبعدين تشيلين اللحم من المرق وتنزلين الرز على المرق بس انتبهي ما يكون المرق زايد عن الرز ويعجن معاج لا اذا المرق وايد شيلي منه واتركي مقدار كوبين بالجدر وحطي الرز وبعدين زيدي المرق عليه اذا احتاج واتركيه يغلي وخففي تحته عدل لين ينشف المرق واذا الحبه كانت محتاجه اشوي زيدي عليه من المرق اللي عندج تمام وخلي عليه اللحم وغطيه لين ينشف الرز ويتسبك تمام وعند السكب حطي الرز وفوقه اللحم وزينيه ببصل مقلي مضاف الزبيب وعود قرفه وبالهنا
أختي بوح القلوب ….. أنا أعرف الطريقة …..
في عدة طرق .. لطبخ اللحم في الاعراس .. بس أنا باعطيك طريقة سهلة ويمكن تسوينها في البيت ….
المقادير : ملح حسب الذوق و كركم وفلفل اسود وقليل من الكزبرة..
عليك بخلط المقادير حسب ذوقك …بس لا تزيدين الفلفل الاسود والكزبرة ..
الطريقة : هناك عدة طرق … ولكنني سأعطيك طريقة سهلة يمكن عملها في البيت …
أولا : تحتاجين الى قدر حجم وسط …
ثانيا : تحتاجين الى شبك … يمكن ان تضعية في داخل القدر … بس يجب ان تكون له قواعد .. ويرتفع عن قعر القدر حوالي 15 سم …
يكمن ايضا اسخدام الحصى الجبلي …. المدور .. ولكم هذه طريق اصعب
افركي اللحم .. بالملح والكركم … وقليل جدا من البهرات الباقية … ويفضل ان تكون الذبيحة صغيرة السن ….
أما بالنسبة الى الارز ..العيش .. استخدمي رز بسمتي رقم 1 مزة ….
اطبخي الرز بالطريقة العادية .. ولكن الاهم .. ان يتم غسله ونقعه بالماء الدافىء لمدة ساعة …… لون العيش يعتمد على اللون المضاف .. تبين العيش اصفر ..اضيفي قليل من الكركم …. وبس
مقدار الماء مهم جدا جدا ………
بعد ماينضج العيش أضيفي البصل والزبيب الحمر …. وغطي القدر ….لمدة 20 دقيقة
وبالهناء والشفاء