اولا مبروك عليكم شهر رمضان و عسى ربي يتقبل منا و منكم صالح الاعمال
وكل سنة و انتو طيبين
ثانيا اشتقت لكم موووووووت بس وربي ظروف ابعدتني عن ملاقاكم بس حاضرين بقلبي
ثالثا تكفووووووووووون اللي تعرف اكله هنديه اظن اظن اسمها (جلفاريزي ) تعطيني مقاديرها و طريقتها طبعا هي اكله اساسها الدجاج
اخوي ذاقها بمطعم هندي و انهبل عليها وتحداني اذا اعرف اسويها فرجاء ابي مساعدتكم معي
والف شكر ……..
وإنت بخير يالغلا
واسمحيلي ما أعرفها وإنشاء الله البنات ما يقصرون
بس انا اول مره اسمع بها
عباره عن رز ودجاج بس يكون شوي حار
لكن طريقتها ما ادري بصراحه
اتمنى حد يفيدج
السلام عليكم ورحمة الله وبركاته
اختي لقيت لج كذا طريقة بس كتبت لج وحده
وحاولت احط الاشيا المتشابه في اكثر عن
طريقة
دجاجه واحده (بدون عظم وجلد مقطع مكعبات)
بصلة واحدة مقطعه
3 حبات طماط مقشرة ومقطعه
فصين ثوم مدقوقين
ملعقتين زنجبيل مدقوق
نص كوب كزبرة طازجه
3 ملاعق كركم
ملعقة فلفل احمر (بودرة)
3 ملاعق كمون (بودرة)
3 ملاعق كزبرة (حب/بودرة)
ملح حسب الذوق
4 ملاعق
نص كوب ماء
الطريقة:
سخني السمن على نار متوسطة الحرارة وحمري الدجاج حتى يحمر
(لا تخلينه لين يستوي)
شلي الدجاج من القدر اضيفي البصل وحركيه حتى يحمر..بعدين
حطي الفلفل الاحمر ، الثوم، الزنجبيل وحركيه نص دقيقه وبعدين
حطي البهارات وحركي….اضيفي الطماط والماء وخليه يطبخ
حوالي 5 دقايق………..ردي الدجاج في القدر واضيفي الملح وخليه
حتى ينضج (من دقيقتين لين 4 دقايق)
زيني الاكله بالكزبرة الطازجه وقدميها مع الارز.
اختيارات للوصفة:
ممكن تضيفين بودرة الكاري، عصير ليمونه ، او فلفل احمر ناشف
ممكن تستخدمين الكاري السائل
ممكن استخدام صدور الدجاج والتقطيع في كل الاحوال حسب
رغبتج
وشوفي هذا الرابط بالانجليزي فيه طريقة للوصفة وبصراحه
اخترت لج الوصفة عشان الصورة حلوة وبغيتج تحسين باليوع(r)
http://go.3roos.com/jN2YlKHMD3G
اتمنى اني اكون قدرت اساعدج لو شويه
صراحه عاجزه عن شكرك اليوووووم طيران على المطبخ ابسويها و ان شاء الله اكسب التحدي
اخواي الغاليات اعذروني من الفرحه نسيت اشكركم على ردودكم و تفاعلكم
اتمنى افيدكم مثل ما تفيدوني
بااااااااااااااااااااااااااي