كيفكم عرايس
ابي مساعدتكم وارائكم
أنا عجبني سيراميك لونه وردي فاتح جدا بس حابة اصبغ لون الجدار بيج معتق فاتح ويش رايكم هل ايناسب ؟؟ واذا عندكم افكار ثانية ممكن تعطوني وياها علما بإنه غرفة النوم الي عندي صغيرة
وعشمي فيكم اتساعدوني
ومشكورين
بس انا سمعت ان الوردي والبني الغامق وايد يطلعون مع بعض
بس الفاتح مدري ولاشفت
بس يمكن هذا الشي يعتمد على الالوان الي اخترتيها يعني جربي تحطي السيراميك جنب جدار بيج او نفس اللون الي تبيه شوفي يناسب اولا..
بس في رايي مابيصير حلو لو كان السيراميك يبين انه لونه وردي عدل
والخيار لكي اختي
وان شاء الله البنات الخبيرات يساعدونك
بالتوفيق
تعرفي شفت غرفة وحده عجبتني كثير
الجدار بيج والستاير وردي فاااااتح مع ورود صغيرة عنابيه وكنبات عنابية جلد حاطة عليها مخدات وردية تجنن وعلى الزوايا حاطة قماش ورامية عليها ورود صغيرة وردية
حلوة الغرفة بس ضيفي عليها درجات أغمق من الوردي او العنابي بتطلع حلوة كثير
اقلبي اللون الوردي وخليه في الجدار والسيراميك بيج
لان البيج يناسب كل الالوان يعني مايقيدك في الاثاث
ولو حبيتي تغيري لون الجدار من الوردي لاي لون يكون سهل
لكن
لو حطيتي السيراميك وردي تتقيدين في الاثاث
والسيراميك صعب تغييره مو مثل البويه
انشا الله يكو فهمتيني واقنعتك
انا سويته بغرفة نومي وطلعت شي بصراحة الكل ينبهر فيها لما يشوفها ويستغربها
كنت اقول اني بسوي كذا بغرفتي والكل مستغرب يقول ما تركب وشلون
ولما خلصتها انبهروا فيها
انا غرفة نومي صغيره مره زيك يعني
واشتريت لها سيراميك وردي على بنفسجي شوي يميل لاغامق ومتهو غامق
فجيت وسويت الجدار الاساسي في الغرفه اللي هو لايحة اماميه بللون البنفسحي الغاااااااااااامق اللي يسمى باذنجاني
وباقي الغرفة بنفسجي فاتح افتح من السيراميك
والارضية مثل ما قلت وردي على بنفسجي على رصاصي لونها غريب شويه اعرف بس شي والله
ليه سويت كذا
لان الجدار الاساسي اللي هو كامل في الغرفه ما فيه باب ولا شباك يعطي بُعد للغرفة ويعطي حجمها اكبر
وطلعت صدقيني شييييي
اتمنى اكون افدتك بالفكره
وبالنسبة لالوانك اذا انتي عاجبك الوردي بالسيراميك
ظلي عليه ولا تتراجعي وخلي الجدار غامق من جهة الاساسي اي الكامل عنابي يميل للبني
والباقي وردي افتح كثير يمميل لبياض او للبيج شويه
والاساس هنا الاثاث هو اللي يضيف لمسات رايقه على الوانها
تحياتي
عزيزتي مصباح كفيف
ما شاء الله البنات ماقصروا معاك
عموماً أنا أحب اللون الوردي مع البيج كثير
خصوصاً الودري الفاتح مع البيج الكريمي
وغرفة نومي وردي مع بيج بس أنا عكس ما ذكرتي
يعني لون الحائط وردي والأرضيه بيج
وعملت الستائر بالون البنفسجي الغامق مع البيج والزهري
يعني جمعت اللونين ودخلت معاهمم لون ثالث
يعني أنتي تقدري تعملي العكس
أهم شي تنسقي الألوان بالأكسسوارات
يعني مثلاً تخلين الأرضيه ورديه والحائط بيج
وبعدين تنسقي ألوان الستاره والمفرش والأبجورات
بألوان مناسبه أما من تدرجات اللونين أو بلون ثالث مناسب
مادري إذا اتخيلته مع لون لجدار ايبان لي ما يناسب بس خطيبي ايقول ايناسب مادري انا حسيته راح يبرز لونه اكثر مع إنه لونه فاتح جدا بس اكيد مع لون صبغ بيج راح يبرز لونه اكثر
وراح يطلع مش متناسق
ومشكورة على النصيحة والله يسعدك
اخت ملاك
ياهلا
بصراحة فكرتك حلوة وراح احطها في بالي واشوف إذا اقدرت انفدها
ومشكورة وموفقة يارب
أخت المسالمة
ياهلا فيك
بصراحة اخت المسالمة ما اقدر اقول لك إني ما اقتنعت بالعكس اقتنعت لأني اشوفه كذا اسهل لي لما اقلب لون لجدار وردي والسيراميك بيج راح يطلع مابينهم تناسق اكثر ولا راح اتعب كثير في اختياري للأثاث
ومشكورة وموفقة يارب
أخت الأصيلة
الله يهنيك يارب بغرفة نومك
وعلى افكارك الحلوة بس من وصفك للألوان غرفتك باين انها متناسقة وحلوة
بس اللون العنابي صعب اني احطه في غرفة نومي لأنها صغيرة شوي
لو حتى إني احطه بس في جدار واحد لأني ما احب اللوان الكاتمة
احب اللأوان الفاتحة جدا
ومشكورة ياعيوني على مساعدتك
أخت kim
هلا
ما شاء الله على النعومة بس تصدقي أنا ماحب اللون الوردي حتى في اللبس ما احبه بس شفت هذا السيراميك وعجبني مره بصراحة حسيته ايجنن لونه هادي مرة ونعوم
ولما اتخيلته على الصبغ البيج قلت ما يناسب بس خطيبي قال لي لا ايناسب فقلت استشيركم احسن واشوف ارائكم
وبصراحة انتي وكل البنات استفدت منكم كثير