هاي بنات المنتدى 000 شلونكم ؟؟
مابي اطول عليكم 000
بصراحه بنات انا عرسي شهر 3 00 وودي بتجهيز مميز
ووايــد مدحولي تايلند 000 يقولون اسبوع هناك تخلصيني نص التجهيز ؟؟
انا مابي شغلات هنود 00 واي شي 00 ابي نفس الماركات الكشخه بس باسعار ارخص
سؤالي هو :
هل تايلند تسوى اني اروح اهناك … والا راح انصدم وارد ايد من ورى وايد من جدام ؟؟؟
بليييييييييييييز الله يوفقكم لاتبخلون بالردود
حدي محتاره 🙁
بصراحة فيه عندهم شغلات حلوة خاصة الشناط الماركات التقليد درجة اولى..مستحييييييييل يبين انه تقليد..وفرق السعر كبيييييير…
وهم عندهم البخور ريحته ولا اروع وخاصة انتي عروس ولازم تكثرين من الطيب…
بالنسبه للاكسسوارات..انا اخذت اغلبها من مجمع طوكيو…عندهم ساعات تقليد تهبل واسكارفات ماركات على دينار او دينارين…
وفي سوق شعبي عندهم اسمه باتونام..عنده شغلات حلوة ورخيصة مثل البديهات والجينزات..بس يبيلج تدورين عدل بينهم…
هذا الي اقدر افيدج فيه واتمنى البنات يساعدونج والله يوفقج ياقلبي
مثل ماقالت اختي بحرينيه
تقدرين تلقين عندهم اشيا وايد حلووووه وباسعار رخيصه،،حتى المجمعات الي عندهم فيها شغلات وايد رووعه،، ومنهم طوكيو سنتر هالمجمع وايد كبير ومايخلص في يوم واحد
تحصلين عندهم بديهات وشنط ونعل وتنانير وكلشي حلو
يعني تعبج مايروح بخساره ونصيحه اسبوع ماتوقع يكفي،،روحي اسبوعين وتسوقي على راحتج
انشالله تلقين الي يعجبج
انصحج تزهبين من تايلاند ايام وبتخلصين كللللللل شي وعلى فكره رخييييييييييييصه والجواتي والنعول تقولين ماركات روعه انا عندي من كل جوتي لون وشكل وساعات وشنط ماركات عالميه تقليد بس ماييبين انه تقليد وعندهم عود اصلي بس غالي شوي وشو بعد وايد اشياء حلووووه وعندهم مانجو وناين ويست وهالسوالف المعروفه عندنا بس ماظني بتحتاجينهن في احلى وارخص
مشكووورة وايد عالرد اللي طمني 
جد احس اني تشجعت اروح …
وبالنسبة للسوق الشعبي (او سوق الليل) انا قالولي مو امان … وفي سوالف عرض والعياذ بالله …؟؟
صج ؟؟
ريماني86
مشكوووره على مرورج الروووعه …
وانشالله باسمع نصيحتج وبحاول اخليها اسبوعين او عالأقل 10 ايام …
ثانكس اقين عالرد والاهتمام
ليتني عرفتك
الف شكر عالرد الحلو …
بس بغيت اسأل وين احصل احسن محلات العود ؟؟
ومحلات مانجو وناين ويست نفس اسعارنا ؟؟؟ والا ارخص ؟؟
يقولون فرق العمله يساعد ؟؟
يعطيج العافيه عالتفاعل
بالنسبة لسوق الليل..
انا سمعت من ناس انه في شغلات حلوة ورحنا مع الوالد والوالده الله يحفظهم..
بس ماشريت منه ولاااااااااااااشي…يعني لو تبين شغلات تجهيز ماراح تلقين شي…
بس الوالده شرت منه تحف واكسسوارات للبيت لانها تحب هالسوالف..
واخواني الصغار شرو اسيديات افلام…هو المطاعم الي فيه حلوة خاصة ان قعداتهم برا وخدمتهم حلوة,,,لو تبين تروحين تغيرين جو…جربي المطعم الي صاير برا السينما..بس لو تبين تروحين تخلصين امورج مثل ماقلت ماكو شي يستاهل..
وبالنسبه للعود والطيب..
لاتاخذينها من الاسواق..سألي عن بيوت يسوون فيها الطيب وبيودونج لها وهم في شقق بعماير يسوون فيها الساعات التقليد وتلقينها ارخص من السوق..
بس نصيحه ياختي..بتايلاند..اذا قالو لج الشغله بدينار قولي لهم بنص..واذا ماعجبهم امشي عنهم..بتلقينهم يلحقونج ويعطونج اياها بالسعر الي تبينه..
بس ديري بالج لان الديره مو امان وايد..يعني استغني عن شي اسمه شنطة يد..خلي فلوسج بجيبج او بمحفظه صغيرة..ولو استدعى انج لابسه شنطه او حاملة اكياس..خليهم بجهة الرصيف وانتي تتمشين بالشارع..يعني الجهة الي تكون قريبه من الشارع ماتكونين ماسكه بايدج شي..
والله يحفظج ياقلبي..
دعواتج لي بالزوج الصالح الي يستر علي
بحرينيه برونزيه
مشكوووره ياقلبي على الاهتمام …
انشالله بحط نصايحج جدامي اهناك ..
ومشكووره انج وفرتي علي روحة سوق الليل …
الله ينولج اللي فبالج … ويـوفقج …