تنظيف الشنط من سواد العباية !!! 2024.

السلام عليكم ورحمة الله وبركاته

حبيباتي .. حبيت اسألكم في موضوع ارقني وخلاني استغني عن معظم شنطي اللي الوانها فاتحه !!

لما تستخدمين شنط الوانها فاتحه تسود مع العباية ويصير شكلها شنيع !!

كيف ممكن انظف هالسواد من الشنط ارجوووكم دلوني على طريقة .

انا عن نفسي استخدم كلينكس ديتول.. صح ما يشل اللون بس احسن من لا شي.. بس اكيد يبيعون كلينكس مبلل خاص بهالسوالف بحاول اسوي سيرج عنه

وأنا أيضا أستخدم مناديل التنضيف مال الأطفال

بس بعد مثل ماقالت عروس ماينضفها زين

حصلت هذا يخص الجلد,,

جربت مره انظف بمناديل الاطفال بس للاسف اخترب اكثر !!!!

عروس مغتربة وين احصل هالمناديل مال الجلد ؟؟؟

لهالسبب والله أتحاشى أشترى شنط فاتحه غالية ..
أغلب شنطي سودا + بنية + خمرية وعندي وحده بيج ونادر أستخدمها خاصة في الصيف ..
لو لغتك الانجليزية جيدة افتحي موقع يوتيوب وحطي how to clean my bag أو cleaning my bag
أو How to Remove Stains from your Leather Bags
وتفرجي على الفيديو .. هذي طريقتي لو كنت أدور على شي معين ..
ان شاء الله اكون أفدتك ..

نفس المشكلة و معاااناااه لاني اعشق الشط البيج و اللون اللحمي
مرة شريت شنطة من ساكس افنيو قالت لي جربي الممحاه اللي تمسحين فيها قلم الرصاص تمسح اللون الاسود من الشنط بس ما جربتها
تقول من افضل الطرق و امنة على جلد الشنط