السلام عليكم ،، لو سمحتو اعضاء منتدى عروس ، جاية اطلب منكم ولاتردوني ….
اني هادي السنة بروح توجيهي وماعندي خبرة عن جامعة البحرين والكليات الموجودة فيها ، وشنهي الوظائف اللي بالاخير نحصل عليها في كل تخصص ،،، على الاقل لو بس اسماء التخصصات .. وبكون شاكرة
بليز ساعدوني
انتظر ردودكم بافرغ الصبر
فيه كليه العلوم وفيها كمبيوتر وكمياء واحياء ….. الخ
وكليه اداره الاعمال فيها اداره اعمال ومحاسبه وسكرتاريه و اداره المعلومات ( information system) والبنوك والاقتصاد …. الخ
وكليه الهندسه سواء هندسه مدنيه او معماريه او كميائيه …. الخ
وكليه التربيه اللى بتعب وانا اعدد اقسامها >>>>> هذى اللى تخرج المدرسين
وكثير
يعنى بالاخر انتى اللى تحديدن رغباتك شنو وشنو تتمنين تكونين بالمستقبل ؟؟
واى سؤال حبيبتى انا حاضره لانى درست فيهااا
مشكورة ع الرد
حبيبتي انا بعلمي والحمد لله مجموعي ممتاز ، وانا ا فكر بكلية العلوم ….. ممكن توضحين لي اقسامها .. فيه التمريض والاشعة والصيدلة واعرف الصيدلة اصعب من التمريض والاشعة والمختبر سمعت انه الشغلة مو كلش صعبة ومريحة ..
شغلات البزنز اللي بالجامعة ممكن تذكرينها ليي و الشغلات اللي تخص الكمبيوتر .. سالفة محاسبة وغيرها .. ونظم معلومات حبيبتي هادي اشياء اسمع عنها بس مو عارفه عنها اشياء كثيرة ..
ان شالله البقية يقدرون يفيديوني
تحياتي
بما انج علمي ففي تخصصات واجد تقدرين تختارينها بس الأهم انتي تميلين لشنو،، انتين تقصدين كلية العلوم الصحية وهذي مو تابعة لجامعة البحرين لا هذي كلية بروحها في السلمانية تقدرين تدرسين تمريض او مختبر و أشعة بس اعتقد ان ما عندهم صيدلة الحين اذا ما كنت غلطانة.
بالنسبة لجامعة البحرين عندش كلية العلوم و تخصصاتها ( أحياء، كيمياء، فيزياء، رياضيات) و ماانصحج ولا بتخصص من هالتخصصات لأن اولاً سنوات الدراسة طويلة و ثانياً حالياً صاكين التربية من الجامعة وهذي التخصصات لازم تدرسين تربية علشان تصيرين مدرسة اما من غير التربية فما ليهم مستقبل في سوق العمل.
طبعاً في تخصص علوم الكمبيوتر كان تابع لكلية العلوم بس الحين اعتقد صار تابع للـ IT .
كلية الهندسة ( هندسة حاسوب، هندسة الكترونية، كهربية، معمارية، مدنية، ميكانيكية ) هذي تكون سنتين دبلوم ولازم تجيبين معدل معين عشان تكملين البكالوريوس. طبعاً كلية العلوم والهندسة في مدينة عيسى.
في الصخير عندش كلية ادارة الأعمال اللي هي شاملة المحاسبة و بنوك و ادارة كتبية و غيرها وهي مطلوبة في سوق العمل حالياً.
كلية الآداب و تكنلوجيا المعلومات IT.
بحط لش موقع الجامعة عشان تاخذين فكرة اوسع.
موقع الجامعة محطوطين دلين كلية الادب والعلوم وبغيت ادخل اشوف شنو مكتوب عنهم نبذة كله تحت الانشاء ،،
زين اختي كلية العلوم الصحية فيها اشعة ومختبر وتمريض ،، ممكن تقولين ليي شنو كيفية الدراسة في هالاقسام ادا عندش احد تستفرين منه ادا ما عليش كلافة او بالتحديد اشعة ومختبر فقط ، والتوظيف يكون مباشرة بعد التخرج صح والا اني غلطانة ؟
سؤال 2 … كلية ادارة الاعمال حبيت بس تتكلمين ليي عن المحاسبة اكثر يعني شنو الدراسة فيها وشنو الوظائف اللي بعدين ننلتحق فيها في الشركات محاسبة ، بعد شنو ؟؟
الف شكر مرة 2 لش خيتو ولباقي الاعضاء اللي شاركو وافادوني
واتمنى المزيد من المشاركات لانه فعلا محتاجة الى المعلومات هادي ، تعرفون مستقبل مب لعبة
تحياتي واحترامي لكم جميعا