اولا بعطيكم وصف لحالة شعري
متقصف بشكل كبير جدا ومن جميع اتجاهات الشعر يعني ما اقدر اقص الشعر المتقصف لاني كذا راح اقص لفوق الاذن ….. باهت وليس به اي حياه والشعر المتقصف نافش وطاير بكل جهه … خفيف وبه تموجات كثيره والشعر ضعيف ويتساقط بكثره اضافه الى ذلك جااااااااااااف الى ابعد حد وخشن .
آخر شي توصلت له كان الآتي :
صرت استخدم حبوب الفوليك حبه في اليوم
سويت خلطه زيوت كانت عباره عن : زيت سمسم + زيت دابر املا + زيت اللوز المر + زيت اللوز الحلو + محلب مطحون + سمسم محمص ومطحون طبعا انا مخليتها مع بعض في العلبه ولا صفيتها ولا شي
واستعملتها خلال اسبوع واحد ثلاث مرات اخليها ما بين ساعه لساعتين بعدين اغسلها بالشامبو
دهنته مره بماسك للشعر عباره عن الأتي : مايونيز + بصل مفروم + مجموعه الزيوت سابقه الذكر + الفازلين السائل للشعر + كريم فاتيكا للشعر وسويت هالماسك مره وحده بس
بعد هالخلطات شعري زاد جفافه وصار اخشن من اول وصار متشابك بشكل فضيع وزاد في البهتان وفوق ذلك احس الشعره ميته ولا كأن بها اي حياه والتساقط طبعا زي ما هو لا خف ولا هم يحزنون
تكفووووووووووون ابي شوركم وش اسوي معاه
انا كان ودي استمر على طريقتي فتره طويله بس النتائج السلبيه ظهرت من اول مره فتوقفت
تكفون ساعدوني
بسم الله عليك وعلى شعرك ..
اولا حبيبتي اهتمي بأكلك .. لأنه الأساس في نمو الشعر ولمعانه
ثانيا : قصي فقط الاطراف حتى يستعيد الشعر قوته .
وثالثا :استخدمي نوع معين من الزيوت وافضل شيء..لنوعية شعركـ
دابر املا ..
وخليك صبوره لاتحطين الزيت وتنتظري النتيجه بوقتها .
بعدالغسل استخدمي الزبادي ك بلسم لشعرك
ورابعا : ادهنيه بشوي كريم الصبار لأنه مفيد للشعر المتقصف
وبعدها لفي شعرك ولاتستشوريه لحد مايروح التقصف ويخف البهتان
وربي يوفقك ويوفق الجميع ان شاءالله..
واتمنى الطريقه تفيدك حبيبتي..*
تحياتي لك حبيبتي