انا عرضت لكم اكثر من تجربه لي للتخلص من مشاكلي
و الحمدلله قدرت اتخلص منها تقريبا عدا شوية شغلات
و الحين أبي استغل الصيف عشان اكمل الحلول
خلوا عنكم الكسل
ترى مشاكلنا كلها من الكسل والله
شوفوا شنو سويت
الحين احنا عطلنا صارلنا شهر
و الله يا بنات النتايج اللي انا وصلت لها بفضل جدولي الصيفي خياليه
مع اننا تونا في بداية العطله
باقي شهرين او ثلاثه
و انتهى شهر كامل
وناسه النتايج طلعت من اول شهر
شوفوا
اول شي بالنسبة للعنايه بالجسم :-
انا اعاني من لون جسمي صاير اسمر مع ان لوني الاصلي هو حنطي فاتح
بشرة الوجه عندي حنطي فاتح لكن الجسم مايل للاسمر ماادري ليش
حاولت ادور حلول للترقيعات المشينه <<<< خوش تعبير
لكن مافي فايده
فقلت الحين خل اهتم بالسنفره وبعدين افكر بالبياض
السنفره اليوميه عباره عن :-
سكر + كمية قليله من الملح + ليمونه كامله + زيت الذره
الحمدلله النتايج روعه
لما افرك فيهم جسمي
اخذ الليفه و افرك جسمي بالسنفره
و اركز على المناطق اللي احس فيها خشونه
لكن لا تفركون حيل
عشان لا تسودون زياده
بالنسبه للمنطقه الحساسه
عندي خلطه ميه بالميه تقضي على السواد
لكنها تعذب
وهي عباره عن فكس و ليمون
عجيييييييبه والله لكن عيبها انج اول عشر دقايق ما تقدرين ترتاحين لان الفكس مع الليمون يحسسونج انج قاعده على ثلجه
لكن لمدة عشر دقايق بس وبعدها عادي
خليها عليج لمدة ساعه ونص
والله نتايج خياليه خلال شهر
جربوها و شوفوا
ولما تحطينها و تغسلينها و تخلصين
حطي هالخليط :-
شوية زيت اللوز المر + جلسرين السائل الشفاف + زيت الذره
بكميات متساويه و حطيهم بصحن
قبل لا تنامين
و البسي شورت لما تكونين حاطتهم
( ملاحظه مهمه ) :- لما تحطين خلطة الفكس و الليمون لازم تلبسين شورت او كلوت و فوقهم بنطلون
لا يدخلج الهوا
هذا ضروري حييييل لازم تتدفين
بالنسبه للعنايه باليديين
قبل لا تنامين هاتي فكس و ليمون و و ادهني فيهم ايدج
و البسي كيس الخبز
كل كيس في ايد
و البسي فوقهم قفازات ( دسوس )
و نامي
ولما تقعدين بتشوفين نعومه خياليه
و بعد فتره ايدج بتصير بيضا
بالنسبه للوجه
وما ادراك ما الوجه
انا كان فيني حبوب منتشره بشكل رهيب
الحين الحمدلله ارتحت منهم بعد ما جربت بعض الخلطات اللي نفعتني
وهذي هي اقنعتي اللي استخدمها
1- قناع الروب و الليمون لمدة ساعه يوميا
2- قناع ادهن وجهي بدهن الذره للتخلص من اثار الحبوب ( نتائج روعه خلال اسبوعين )
3- اغسل وجهي بالسدر ( هاتي سدر و اخلصي عليه شوية ماي و افركي فيه وجهج شوي شوي )
نظاااافه ما بعدها نظافه ومن اول مره تلاحظين الفرق
4- قناع المره و الخميره ( شوية مره و شوية خميره اخلطي عليهم شوية ماي و قطرات من زيت الذره ) للتخلص من حب الشباب .. صفاااااااء عجيب
بالنسبه للتغذيه :-
لازم يوميا اشرب لترين ماي
و اكل صحن كبير سلطه
اكلي خالي من الدهون و الملح الا بشكل بسيط جدا
والحمدلله لاني اشوف ان بشرتي تتأثر بنوعية الاكل اللي اكله
لما كنت اكل همبرجر و وجبات دسمه كانت الحبوب تسرح و تمرح فيني
الحين نادرا ما تطلع الحبوب
منقووووووووووووووووول للافادة و للأمانة
ان شاء الله بحاول اسوي نفس جدولك وبشوف
بس ليش ما حطيتي ايش هو جدولك للعناية بالشعر عشان يكون الجدول كامل ؟
وعلى العموم مشكورة على الافادة
:flower:
انا اهم شي عندي الوجه لأني وايد اعاني من اثر الحبوب..
(2- قناع ادهن وجهي بدهن الذره للتخلص من اثار الحبوب ( نتائج روعه خلال اسبوعين ))
تقصدين زيت الذره…
بجرب وبخبرج النتيجه…
الله يقدرين واطبقة
دمتي لعروس
نشيطه(لوووووووووووووووووول اشجع عمري ) الله يحفظج يالغاليه تقبلي مروري
وبإنتظار جديدك
مشكوره عالنقل المفيد
بس حبيت انبهكم الفكس له اضرار كثيره والاطباء حذروا منه
وانا بعد سمعت ان الفكس مضر … بس انا بالنسبة لي الفكس
يسمرني … مافي امل استخدمة …
تقبلي مروري