بنااات أنا عندي مشكلة مررررة صعبة حاولت أني أحلهااا بس والله ما قدرت
تعبت نفسيااا صارت زفت وتعبت جسدياااااا بنات أنا شعري مرة خشن ومتقصف
وقصير ويتسااقط بشكل جنوووني مش معقول اكره نفسي
دايماا اروح أعرااس ومنااسباات وأكون منحرجة جداااا من شعري ساااعدوني تعبت من الخلطااات
كل العيوب في شعري تعبت وأنا أشوف زميلاتي بالمدرسة وأخوااتي وقريبااتي شعورهم واااااو مشاء الله
الهم لاحسد تعبت من الخلطاات والزيوت شعري راااااح وأنا الحين بالثاني ثنوي يعني أتفشل
الله يرزق ويوفق كل اللي بتساعدني ويجزيهااا الجنة ويخليهااا لاحبابهاااا وفي موازين حسنااتها
أنا استخدم حالياا زيت نارجيل مرة بالاسبوع وما فادني ارجوكم ولكم دعوة في ضهر الغيب
الى أختي العزيزة والفاضلة بنت عذااري أنامعجبة في أسلوبك جدا جدا جدا وفي مبادرتك جعله الله في موااازين حسناتك
وسخر الله لك الزووج الصالح … أتمنى أن تفيديني في هذة المشكلة وتكتبي لي من أبداعاتك
وجزيتواااا جميعااا الجنة
وانا متاسفة للاطالة ….. وفي حفظ الرحمن
وبعد العشر ايام تستخدمي شامبو ون وبلسم الحرير وبخاخ مقوي الشعر تمي عليه 6 اشهر بس قبل كل هذا روحي سوي تحليل دم ممكن عندك نقص فيتامينات
الله يعينج اختي
حبيبتي شعرك يبيله كورس عناية فائقه
سويلك جدول بالاسبوع يوم حطي حنة معجونه مع زيت زيتون او اي خلطة حنة تحبينها
يوم زيت خروع مخفف بزيت السمسم زيت الخروع ينبت الشعر ويقويه وزيت السمسم يطولة
جربي وصفة الجرجير ووصفة السدر كلهم حلوين للشعر
ولاتنسين تكثرين فواكه وخضار وشرب ماء
واذا تقدرين روحي دكتورة توصفلك فيتامين لشعرك
وموفقه يارب
ماراح يتعدل شعرج الا لما تتعدل نفسيتج
وهالشي معروف .. عسى الله يفرج عليج ويعينج يارب
ريحي اعصابج و قولي الحمد لله على كل حال (:
ثاني شي … مادام شعرج تعبان لهدرجه
لا تفكرين تجربين وتغامرين بأي شي الحين .. لا خلطات ولا زيوت .. الخ
روحي اخصائية جلديه ..تفحص عليج وتسوين تحليل دم
عشان تعرف مشكلتج بالضبط .. يمكن شي يتعلق بصحتج …
خصوصاً انج تقولين انه يتساقط بشكل جنوني .. وهالشي ترى خطر !!
و الله يعينج